សង្គម
កាលពីម្សិលមិញនេះ លោកឌួង ឆាយ បានធ្វើឲ្យអ្នកគាំទ្ររូបលោកមានភ្ញាក់ផ្អើលយ៉ាងខ្លាំង ក្រោយពីលោកបានរក្សាខ្លួនឲ្យនៅទំនេរជាច្រើនឆ្នាំស្រាប់តែបង្ហាញវត្តមាន ក្នុងពីធីភ្ជាប់ពាក្យ ឬ ពិធីពិសាស្លាដក់កន្សែងដែលជាទំនៀមទម្លាប់ប្រពៃណីខ្មែរ មុននឹងឈានទៅដល់ពិធីអាពាហ៍ពិពាហ៍ ជាមួយនឹងគូដណ្ដឹងដ៏ស្រស់សោភាតែម្ដង។
យ៉ាងណាចំពោះអាខោនផ្ទាល់ខ្លួនរបស់លោក មិនបានបង្ហាញប្រាប់មហាជនឡើយ ហើយពិធីភ្ជាប់ពាក្យនេះមិនធ្វើឡើងធំដុំនោះទេ គ្រាន់តែមានការជួបជុំបងប្អូនទាំងសងខាង ហើយតាមប្រភពបាន បង្ហើបឲ្យដឹងថា កូនក្រមុំវិញមិនឆ្ងាយទៅណាទេ គឺត្រូវជាសាច់ញាតិខាងប្អូនថ្លៃរបស់លោកតែម្ដង។
មើលទៅគូនេះសមគ្នាមែនទែន បើទោះបីជាអាយុកូនក្រមុំ ដែលទើបធ្វើខួបកំណើតកាលពីដើមឆ្នាំ២០២២នេះ គឺទើបតែចូលវ័យ១៨ ឆ្នាំមែន ប៉ុន្តែមើលទៅមិនមែនក្មេងដូចវ័យទេ គឺសមសួន រម្យទុំតែម្ដង។
