សង្គម
រដ្ឋាករទឹកស្វយ័តក្រុងភ្នំពេញ សូមគោរពជម្រាបជូន សម្តេច ទ្រង់ ឯកឧត្តម ឧកញ៉ា លោកជំទាវ លោក-លោកស្រីមេត្តាជ្រាបថា នៅវេលាម៉ោង ១៩:០០នាទីយប់ នាថ្ងៃអាទិត្យ ទី១០ ខែមេសា ឆ្នាំ ២០២២នេះ ក្រុមហ៊ុនសាងសង់ផ្លូវអាកាសក្រវ៉ាត់ក្រុងទី៣ នៅលើផ្លូវ១២០K ( ទំនប់កប់ស្រូវ )កែងនឹងផ្លូវ ជាតិលេខ៤ បានបុកដែកការពាររណ្តៅប៉ះធ្លាយបំពង់មេនាំទឹកស្អាតទំហំ ៨០០មម ដែលនាំឱ្យមានការ លេចធ្លា.យទឹកយ៉ាងខ្លាំង។
បច្ចុប្បន្នរដ្ឋាករទឹកស្វយ័ត ក្រុងភ្នំពេញ បានបញ្ជូនក្រុមការងារជំនាញចុះពិនិត្យ និងជួសជុលបន្ទាន់ ដោយត្រូវបិទវ៉ានផ្អាកផ្គត់ផ្គង់ទឹកបណ្តោះអាសន្នចាប់ពីចំណុចផែស្ងួត សូ ងួន នៅលើផ្លូវវេងស្រេង រហូត ដល់តំបន់កំបូល ដែលនាំឱ្យប្រជាពលរដ្ឋនៅតំបន់នេះនឹងត្រូវដាច់ទឹកមួយរយៈរហូតដល់ការងារជួសជុល ត្រូវបានបញ្ចប់។
សេចក្តីដូចបានគោរពជម្រាបជូនខាងលើ សូម សម្តេច ទ្រង់ ឯកឧត្តម ឧកញ៉ា លោកជំទាវ លោក- លោកស្រី មេត្តាជ្រាបជាព័ត៌មាន និងមេត្តាយោគយល់អធ្យាស្រ័យដោយក្តីអនុគ្រោះ។
