សង្គម
រឿងនាយប្រុញដែលល្បីថាថតមិនបានលុយនោះកំពុងក្លាយជាប្រធានបទមួយ ដែលជាទីចាប់អារម្មណ៍សម្រាប់អ្នកលេងបណ្ដាងសង្គម យ៉ាងណាបើតាមការលើកឡើងបកស្រាយពីខាង ឧកញ៉ា សម្បត្តិ ថាផ្ដល់ឲ្យជារៀងរាល់ខែ តែរឿងចំណាយលោកឧកញ៉ា មិនអាចទៅគ្រប់គ្រងលុយឲ្យអ្នកណាបានទៀតឡើយ។
ទាក់ទងនឹងរឿងនាយប្រុញនេះ លោក អុឹម ជីវ៉ា ប្រធានព័ត៌មានសិល្បករកម្ពុជា ក៏បានលើកឡើងផងដែរ ដោយបានឲ្យដឹងនូវចំនួនទឹកប្រាក់ក្នុងការចំណាយសម្រាប់ក្រុមនាយប្រុញ ដោយលោក អ៊ឹមជីវ៉ា បានឲ្យដឹងដឹងថា៖
«ពេលលឺថាអាប្រុញថតមិនបានលុយមួយរៀលខ្ញុំពិតជាហួសចិត្តអាណិត អាប្រុញណាស់ ! កន្លងមកខ្ញុំធ្លាប់បានហៅអាប្រុញទៅថតស្ពតពានិជ្ជកម្មអោយក្រុមហ៊ុនជាច្រើនដែលខ្ញុំជាអ្នកដឹកនាំផលិត ពេលថតចប់គឺខ្ញំបើកលុយអោយភ្លាមៗ សូម្បីតែមួយរៀលមិនជំពាក់ផង ដោយថតម្តង ពី1000$ ក្នុង១ក្រុម ថតចប់ភ្លាមបើកលុយអោយភ្លាម !
ខ្ញុំមិនយល់ថាលុយដែលខ្ញុំបើកអោយអាប្រុញជាច្រើនស្ពតផ្សេងៗដែលថតអោយខ្ញុំ មិនតិចជា 2000$ ទៅ 3000$ បើមួយក្រុមចែកគ្នាក៏មានចំនែកអាប្រុញដែរ មិនជ្រៀតជ្រៀករឿងលុយនិងទេ តែវាឆ្ងល់ ហេតុអីអាប្រុញអត់បានមួយរៀល លុយនិងវាបាត់ទៅណា??? ឬមេដឹកនាំអាប្រុញគេសន្សំលុយទុកអោយប្រុញថ្ងៃក្រោយបានគេអោយ បើអោយអាប្រុញអាប្រុញក៏មិនចេះទុកដែរ ចាំមើលថ្ងៃក្រោយទៀតមើល ។
ក្នុងនាមខ្ញុំជាអ្នកផលិតករមួយរូបខ្ញុំពិតជាមិនគាំទ្រការកេ.ងប្រ.វ័ញ្ចលើកម្លាំងពលកម្មក្មេងឡើយ អាប្រុញម៉ែឪគ្នាក្រណាស់ ខ្ញុំធ្លាប់ទៅផ្ទះអាប្រុញផ្ទាល់នៅខេត្តសៀម រាប ហេតុអីប្អូនជួបរឿងបែបនេះទៀត. ហុឺ…អាណិតអា ប្រុញ ណាស់.. ខ្ញុំក៏មិនជឿថាមេដឹកនាំអាប្រុញធ្វើបាបវាដែរ ព្រោះដោយសារតែមេដឹកនាំអាប្រុញនេះហើយបានធ្វើអោយអាប្រុញល្បីមានគេស្គាល់ ចឹងមានតែចាំមើលចាំស្តាប់ការបកស្រាយទាំងអស់គ្នាកុំអាលវិ.និ.ច្ច័យតែម្ខាង ។
