សង្គម
នៅពេលថ្មីៗនេះ តារាចម្រៀងកូនកាត់ចិន អ្នកនាងលី អ៊ីវ៉ាធីណា កាន់តែបើកចំហរក្នុងបង្ហាញភាពស្និទ្ធស្នាលជាមួយបុគ្គលម្នាក់ ដែលគេដឹងថាជាភេទស្រី ហើយបើមើលតាមកាយវិការវិញ អ្នកទាំងពីរគឺ មិនខុសអីពីគូស្នេហ៍ផ្សេងទៀតដែលផ្ទុយភេទឡើយ។
តាមរយៈរូបប៉ុន្មានសន្លឹកនេះគឺបង្ហាញពីភាពផ្អែមល្ហែម ព្រមទាំងសំណេរដោយសរសេរលើកឡើងយ៉ាងខ្លីថា «គ្រួសាររីករាយ» ជាមួយនឹងក្មេងតូចដ៏គួរឲ្យស្រលាញ់ម្នាក់ផង អ្នកគាំទ្រមើលហើយក៏មានក្ដីសុខជំនួសដែរ។
តារាចម្រៀងស្រីកាត់ចិនរូបនេះតាំងពីប្រឡូកសិល្បៈមកមិនដែលបង្ហាញ រឿងស្នេហាជាមួយបុរសណាម្នាក់ឡើយ ទើបតែថ្មីៗនេះប៉ុណ្ណោះដែលបង្ហាញបែបនេះ ហើយមិនត្រឹមតែប៉ុណ្ណោះនោះទេ ថែមទាំងហៅបុគ្គលម្នាក់នេះថា «My Love» ពេញៗមាត់ទៀតផង។
យ៉ាងណាមានតែរង់ចាំមើលទៀតទេ ថាតើតារាចម្រៀងស្រីរូបនេះ មានភាពក្លាហានប្រកាសថាខ្លួនស្រលាញ់ភេទដូចគ្នាដូចទៅនឹងតារា និងមហាជនផ្សេងទៀត៕
