សង្គម
នៅថ្ងៃទី៩ ខែឧសភា ឆ្នាំ២០២២នេះ អ្នកស្រី ចន ច័ន្ទលក្ខិណា ប្រធានសមាគមសិល្បករខ្មែរ បានអញ្ជើញចុះទៅសួរសុខទុក្ខដោយផ្ទាល់ និងនាំយកអំណោយ "មូលនិធិសិល្បករចាស់ជរា" ជូនព្រឹទ្ធាចារ្យកោសល្យវោហារ គង់ ណៃ ដែលកំពុងសម្រាកព្យាបាលជំ-ងឺសួត និងទឹកនោមផ្អែម នៅមន្ទីរសម្ភព និងសម្រាកព្យាបាលកំពង់ត្រាច ខេត្តកំពត។
បច្ចុប្បន្នវីរៈសិល្បករ គង់ ណៃ មានអាយុ ៧៧ឆ្នាំ និងរស់នៅជាមួយភរិយាដែលមានវ័យជរាដូចគ្នា។ ពេលនេះស្ថានភាពជំងឺរបស់លោកតា បានធូរស្រាលមួយកម្រិតហើយ ដោយវេជ្ជបណ្ឌិតបញ្ជាក់ថា "លោកតាអាចបើកថ្នាំទៅពិសារនៅផ្ទះបាន"។
សមាគមសិល្បករខ្មែរ សូមគោរពថ្លែងអំណរគុណ ដល់សម្តេចតេជោ ហ៊ុន សែន និង សម្តេចកិត្តិព្រឹទ្ធបណ្ឌិត ប៊ុន រ៉ានី ដែលសម្ដេចទាំងទ្វេបានជួយឧបត្ថម្ភដល់ «មូលនិធិសិល្បករចាស់ជរា» នូវថវិកាចំនួន ៥ម៉ឺនដុល្លារ ក្នុង១ឆ្នាំ ក្នុងរយ:ពេល ៥ឆ្នាំដើម្បីទ្រទ្រង់ដល់សិល្បករចាស់ជរា៕
