![](https://blogger.googleusercontent.com/img/b/R29vZ2xl/AVvXsEhnYmGwvpEcTlHlMB9ZcEmxkWiz2ppG2KzVqVwAMAWrdAZEzsxyjbyirxDtVCEJgVeBFKyMAgGNqz-K2Lw2wi-OZ-b1AXXbNhQgwHJfSdfcTn61myUlOFxCnwD8-sKGHIC4qCRt9D5UqioUxBeMeLXWT7h7lo0ye_Wxqe-6pBK7dOugOXeCOv9EuZ5G/s1600/Thumbnail.jpg)
សង្គម
រឿងរ៉ាវប្អូនប្រុញ និងមេក្រុមថតរបស់ខ្លួនបានដោះស្រាយបញ្ចប់រួចរាល់អស់ហើយ ក្រោយពីស្ងប់ស្ងាត់មួយរយៈពេលនេះអ្នកទាំងពីរបានចាប់ផ្ដើមការងាររៀងៗខ្លួនហើយ ។អ្វីដែលប្អូនប្រុញទទួលបាននោះគឺត្រូវបានបើកឲ្យមហាជនបានដឹងតែម្ដង គឺទទួលបានប្រាក់ខែមួយខែ១ពាន់ដុល្លារ ហើយអាចបើកមុនបានដល់ទៅ៦ពាន់ដុល្លារទៀតផង។ នេះបើតាមការបញ្ជាក់ពីលោក យឹម តាស្រង់នៅយប់ថ្ងៃទី ២០ ខែឧសភានេះ៖
អ្វីដែលខ្ញុំបានសន្យាគឺខ្ញុំបានគោរពសន្យាហើយ នាយប្រុញចូលធ្វើការក្នុងក្រុមថតកំប្លែងមួយរបស់មិត្តភ័ក្រខ្ញុំឈ្មោះថា " VETIKA-វេទិកា " ដោយទទួលប្រាក់ខែ$1000 ក្នុង១ខែ ដោយបើកប្រាក់មុន$6000។ ខ្ញុំក៏សូមអរគុណដល់ឯកឧត្តម ពេជ្រ ស្រស់ ដែលបានចំណាយពេលវេលាដ៏មានតម្លៃចូលរួមថ្ងៃនេះនឹងតែងតែជួយជ្រោមជ្រែងនាយប្រុញរហូតមក
ហើយខ្ញុំបាទនិង ឯកឧត្តម ពេជ្រ ស្រស់ ដោយយល់ព្រមពីនាយប្រុញនឹងគ្រួសារផងដែរបានសម្រេចថានឹងចែករំលែកថវិកាមួយចំនួនដែលខ្ញុំផ្តល់ឱ្យនាយប្រុញ ដោយឱ្យនាយប្រុញយកទៅជូនលោក គង់ កាន ដោយផ្ទាល់ដៃដែលជាអ្នកមានគុណបណ្តុះបណ្តាលនាយ ប្រុញ ពីដំបូងមក
" គុណធម៍ជីវិតឱ្យតែមានក្នុងខ្លួនគឺមនុស្សមិនងាយនឹងជួបនូវភាពលិចលង់ឡើយ" សង្ឃឹមថារបៀបការងារ នឹងរបៀបរស់នៅរបស់ប្អូនជាមួយក្រុមការងារ" VETIKA-វេទិកា " នឹងទទួលនូវភាពជោគជ័យដោយសមត្ថភាព គោរពតួនាទី និងឱ្យតម្លៃគ្នាទៅវិញទៅមក ដោយក្តីគោរពស្រឡាញ់ពីខ្ញុំ
![](https://blogger.googleusercontent.com/img/b/R29vZ2xl/AVvXsEhqCfPNqo0fdtD2ySOZKIT-NLlLixm0eq2CXl9k9QDBwWuuuaaGoPrkdxz8rqktvge_oOG06rOufXinBg2NiEc3j7I1JEDiKk0cpwyQ5NUcRZml3i0Ng31BdIL0JkjfYVEx-F39wpn8Bi8PQZVBs2JgjLLLjAM7TxXNIs3BSiT-XCu72ZVFjvQ20Jqd/s1600/55%20%282%29.jpg)
![](https://blogger.googleusercontent.com/img/b/R29vZ2xl/AVvXsEisB9lJWD4xSfGg76YJoH8AG8qNwzN_gnVUr7lZHGJUDpfySYdNMhSUTZk_C55bIYoJePgP2R6t6z-AeXbivZYjWQhgEk9fI7BB_ShgfzDcUfDx6ExlfMmt2jjC9g0UCCDOjI0JYo30ZyRMPmTcqjwD9bkmSUm4Zuea5WXRbhLcKBUPhyZ2fv9uP9jk/s1600/55%20%289%29.jpg)
![](https://blogger.googleusercontent.com/img/b/R29vZ2xl/AVvXsEiacHkTCNTwkVavj2W0rZiShUV1i1D4TeOaJpeZ1U-TKW5BlbIULhDgaWxu28pIhFabNqcbSFMA4EHJp8cagVRL79RNOdWN4rzFv1w7YGmhYG-Mb4xYzXPPxoOxXxS24u49NyhG5_YdkXWmNRhW8Mt35dXo1WhI74HeIqU3yVqHb21C-LdVhz0notVb/s1600/55%20%281%29.jpg)