សង្គម
រូបថតរបស់យុវជនម្នាក់កាលពីពេលថ្មីៗនេះ ដែលជិះកង់ចាស់មួយគ្រឿងមកចូលរួមក្នុងយុទ្ធនាការឃោសនាការបោះឆ្នោតជ្រើសរើសក្រុមប្រឹក្សា ឃុំ សង្កាត់ បានធ្វើឱ្យមានការកោតសរសេរយ៉ាងខ្លាំងពីសំណាក់មហាជន ហើយក្នុងនោះសម្ដេចតេជោហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជាក៏បានកោតសរសើរពីទឹកចិត្តរបស់យុវជនរូបនេះផងដែរ។ សម្ដេចតេជោបានថ្លែងសារមួយនៅលើបណ្ដាញសង្គមនៅព្រឹកថ្ងៃទី ២៤ ខែឧសភា នេះថា៖
«កូនប្រុសទោះកូនក្រទ្រព្យសម្បត្តិតែ ទឹកចិត្តកូនមិនក្រទេ។ ទឹកមុខកូនពោរពេញដោយស្នាមញញឹម បង្ហាញថាគណបក្សប្រជាជនជារបស់ប្រជាជន ហើយក៏ជារបស់កូនដែរ ដែលកូនត្រូវចូលរួមការពារដើម្បីបុព្វហេតុសន្តិភាពនិងការអភិវឌ្ឍ។»
ជាមួយគ្នានេះដែរ តាមរយៈផេករបស់លោក ជឿន វិចិត្រ ដែលត្រូវបានគេស្គាល់ថាជាមន្ត្រីនគរបាលមួយរូប និងជាប្រធានសហភាពសហព័ន្ធយុវជនកម្ពុជាស្រុកស្វាយលើ ក្រោយពីបានឃើញទឹកចិត្តយុវជនខាងលើនេះ លោកក៏បានប្រកាសផ្តល់ជូនម៉ូតូមួយគ្រឿង និងសម្ភារមួយចំនួន ដោយលោកបានប្រកាសឱ្យដឹងថា៖
«សូមជួយសួររកគាត់ផងថាគាត់នៅឯណា? ខ្ញុំចង់ជូនម៉ូតូ Scopy Today មួយគ្រឿង និងសម្ភារ:មួយចំនួន។ សូមអរគុណ»
