សង្គម
តារាសម្ដែងភេទទី៣ ម៉ាដូណា ដែលប្រិយមិត្តអ្នកគាំទ្រលោកច្បាស់ជាបានជ្រាប ទាក់ទងនឹងរឿងដែលលោកបានជំពាក់លុយគេជិត ៦០ម៉ឺនដុល្លារ ដោយសារចាញ់បោកកូនតុងទីន ហើយត្រូវទទួលខុសត្រូវ និងចំណាយប្រាក់ជាច្រើនដើម្បីសងជំនួសកូនតុងទីនទាំងនោះ ដោយបង្ខំចិត្ដលក់ហាងពេជ្រ ផ្ទះដែលឪពុកម្ដាយកំពុងរស់នៅ និងរបស់មានតម្លៃជាប់ខ្លួនជាច្រើនទៀត ដើម្បីដោះខ្លួនចេញពីបំណុល។
បច្ចុប្បន្នលោកមិនត្រឹមតែទទួលការងារសិល្បៈ នោះទេ ថែមទាំងប្រឹងប្រែងរកស៊ីលក់ផលិតផលតាមអនឡាញ ដើម្បីកសាងជីវិតសារជាថ្មី តែមិនទាន់បានដាច់ស្រឡះពីបំណុលនៅឡើយ ផងស្រាប់តែមានបញ្ហាសុខភាពបាត់ទៅហើយ ដោយប្ដីរបស់ខ្លួនបានលើកឡើងរៀបរាប់ឱ្យដឹងតាមរយៈបណ្ដាញសង្គមថា៖
«អាណិតប្រពន្ធខ្លាំងណាស់ ប្រឹងថតមួយថ្ងៃ 2 - 3 កន្លែង បានលុយមកចេញសងតុងទីនពួកដែលបោ.កប្រា.ស់ ពួកអ្នកជំពាក់លុយឃើញពួកខ្ញុំពេលនេះទេវាលំបាកខ្លាំងណាស់ សុខភាពពេលនេះមិនសូវជាល្អទេ ឈឺល្មមៗមិនចំណាយលុយមកពេទ្យទេ ទាល់តែខ្លាំងបានមក ដោយសារតែខ្លាចអស់លុយ សងកូនល្អៗដែលលេងជាមួយ ផ្ទះ ដី វីឡា ខុនដូរ ឡាន បីគ្រឿង ចិញ្ចៀនខ្សែរកពេជ្យ លក់ ខ្ទេច ក៏ទប់បំណុល ជិត 60ម៉ឺនដុល្លារមិនទាន់គ្រប់ដែរ អាណិតពួកខ្ញុំទេយកលុយពួកខ្ញុំទៅហើយគេងលក់ស្រួលទេ ប្រហែលជាអត់លំបាកដូចពួកខ្ញុំទេមើលទៅ»
