√ កីឡាករ ចាន់ វឌ្ឍនាកា លើកឡើងបែបនេះ ក្រោយឥណ្ឌារកភ្លេងជាតិចាក់ឱ្យកម្ពុជាមិនបាន ពេលប្រកួតយប់មិញ

សង្គម

អាម៉ាប៉ាប៉ាញ៉ូស

ម្ចាស់ផ្ទះឥណ្ឌាបានបើកទ្វារស្វាគមន៍ក្រុមបាល់ទាត់ជម្រើសជាតិកម្ពុជា ក្នុងជំនួបពានរង្វាន់ AFC Asian Cup 2023 Qualifiers Final Round នៅកីឡដ្ឋាន Salt Lake ក្រុង Kolkata ដោយក្រុមម្ចាស់ផ្ទះឥណ្ឌា បានយកឈ្នះ ២-០ ទៅលើក្រុមជម្រើសជាតិកម្ពុជា។

តែអ្វីដែលភ្ញាក់ផ្អើលបំផុតនោះនាយប់ថ្ងៃទី ០៨ ខែមិថុនា នៅក្នុងជំនួបប្រកួត ក្នុងនាមជាម្ចាស់ផ្ទះ ឥណ្ឌាមិនបានរៀបចំឱ្យបានគ្រប់គ្រាន់ដើម្បីត្រៀមស្វាគមន៍កម្ពុជាឡើយ គឺអំឡុងពេលចាក់ភ្លេងជាតិនៃគូភាគីទាំង ២ ម្ចាស់ផ្ទះឥណ្ឌាខកខានការចាក់ភ្លេងជាតិជូនកម្ពុជា និងត្រូវពន្យារពេលប្រកួតប្រមាណ ០៧ នាទីឯណោះ។

បញ្ហានេះហើយធ្វើឱ្យមហាជន និងអ្នកគាំទ្រវិស័យកីឡាបាល់ទាត់ជាច្រើន នាំគ្នាសម្ដែងការខកចិត្តជាខ្លាំង ហើយនាយឧត្តមសេនីយ៍ សៅ សុខា ក៏បានព្រ.មានទុករយៈពេល៣ម៉ោង ឲ្យសហព័ន្ធកីឡាបាល់ទាត់អាស៊ី (AFC) និងសហព័ន្ធបាល់ទាត់ឥណ្ឌា រួមទាំងអ្នករៀបចំការប្រកួត ចេញលិខិតសុំទោ/សកម្ពុជាទេ បើមិនដូច្នេះទេយន្តហោះនឹងដឹកកីឡាករបាត់ទាត់ជម្រើសជាតិកម្ពុជា ត្រឡប់មកមាតុភូមិ ដោយមិនធ្វើការប្រកួតនោះទេ។ ប៉ុន្តែភ្លាមៗក្រោយប្រតិកម្ម ទីបំផុតសហព័ន្ធបាល់ទាត់អាស៊ី (AFC) បានចេញលិខិតសុំទោ.សកម្ពុជាហើយ។

ងាកមកកីឡាករ ចាន់ វឌ្ឍនាកា វិញ ក៏បានបង្ហោះសារចោទជាសំណួរមួយផងដែរក្រោយឥណ្ឌាសាងកំហុសឆ្គងមួយនេះ ដោយលោកបានលើកឡើងថា ៖ «ខ្ញុំមិនដឹងថាជាកំហុស ឬក៏ជាចេតនា បើអ្នកគោរពយើង យើងនឹងគោរពអ្នក តែបើមិនគោរពពួកយើង យើងដូចគ្នា…»៕