សិល្បៈ
កាលពីពេលថ្មីៗនេះ រឿងរ៉ាវអតីតតារាសម្តែងអ្នកនាង កែវ វល័ក្ខ និង ឧកញ៉ា លាន អាហ្វ្រីលគីនីន មានការកក្រើកឡើងសារជាថ្មីដោយ ដោយ កែវ វល័ក្ខ ថាអតីតស្វាមីជំពាក់ប្រាក់នាង រួមទាំមិនបានផ្តល់អាហារកិច្ចដល់កូនទាំងបួនថែមទៀត។
រឿងរ៉ាវរបស់អ្នកទាំងពីរមានបញ្ហាដែលមិនអាចស្រោចស្រង់វិញបានរហូតចែកផ្លូវគ្នាទៅតាមច្បា.ប់នោះ អ្នកនាង កែវ វល័ក្ខ ក៏បានសម្រេចចិត្តភ្ជាប់ពាក្យជាមួយគូស្នេហ៍ថ្មីយ៉ាងពេញមុខពេញមាត់ មិនឲ្យចាញ់អតីតស្វាមីមុនឡើយកាលពីអំលុងខែមេសា តាមប្រពៃណីខ្មែរ។
អតីតតារាសម្តែងដែលមានវ័យ៤១ឆ្នាំ និងកូន៤រូបនេះ ក៏បានបញ្ជាក់ឱ្យដឹងផងដែរថាអនាគតស្វាមីរបស់នាងជាបុរសដែលមានអាយុប្អូននាងដល់ទៅ ១០ឆ្នាំឯណោះ ដោយអ្នកនាងនិយាយប្រាប់ថា «មើលឃើញគាត់ចាស់ដោយសារគាត់ទុកពុកមាត់ ប្រសិនបើកោរគឺក្មេងជាងខ្ញុំតែម្តង ហេតុនេះទើបខ្ញុំមិនឱ្យកោរ» ។
អ្វីដែលឱ្យកត់សម្គាល់ ទោះបីជាអ្នកនាង និងគូដណ្ដឹងបានភ្ជាប់ពាក្យកាលពីខែមេសាក៏ពិតមែន តែអ្នកនាង និងគូដណ្តឹងមិនបានរស់នៅជាមួយគ្នាទេ គឺត្រូវរង់ចាំទាល់តែរៀបការរួចសិន។
អ្នកនាងក៏បានបញ្ជាក់អំពីមូលហេតុផងដែរថា កាលពេលដែលភ្ជាប់ពាក្យជាមួយគូស្នេហ៍ចាស់កាលជិត ២០ឆ្នាំមុន ពួកនាងមិនមានការរៀបការទេ ទើបអតីតស្វាមីមិនដែលឱ្យតម្លៃរហូតដល់ចែកផ្លូវគ្នាបែបនេះ ហើយបើទោះបីជាយើងមេម៉ាយ តែត្រូវឱ្យតម្លៃខ្លួនឯង៕
