![](https://blogger.googleusercontent.com/img/b/R29vZ2xl/AVvXsEhtiVOPvn9Vd-_nTG9ueI3S-Ps2cluu8EV4RL844TnO_cCURyLj0MAMx4ptrnrI-0bRxmdV_qK_i9ylgvWrg1X1dS5cO8NiKPxgmuDutlzukV-TNJDlMR4J0zcr6hzwviGwpQQ-jPlDPCkG4K50Ed9qjBrQvIJNnQRLp74UnhnWPAQoXpa-mVpH8eoK/s1600/Thumbnail.jpg)
សង្គម
ភ្នំពេញ៖ ក្រសួងសាធារណការ និងដឹកជញ្ជូន ហាមមិនឱ្យយានយន្តគ្រប់ប្រភេទធ្វើចរាចរនៅលើផ្លូវល្បឿនលឿន ដែលសាងសង់មិនទាន់រួចរាល់ជាស្ថាពរនោះ។ ការហាមនេះ កើតមានឡើងបន្ទាប់ពីមានគ្រោះថ្នាក់ចរាចរជាច្រើនករណីនៅលើផ្លូវល្បឿនលឿន ជាពិសេសគ្រោះថ្នាក់ចរាចរកាលពីថ្ងៃទី១១ ខែកក្កដា ម្សិលមិញតែម្ដង។
ក្នុងសេចក្តីជូនដំណឹងរបស់ក្រសួងសាធារណការ និងដឹកជញ្ជូន នៅថ្ងៃទី១២ ខែកក្កដា នេះ បានគូសបញ្ជាក់ថា ដើម្បីចៀសវាងការរំខានដល់ដំណើរការសាងសង់បញ្ចប់គម្រោងទាន់ពេលវេលាបានគ្រោងទុក និងចៀសវាងការបង្កគ្រោះថ្នាក់ក្នុងការធ្វើដំណើរ ក្រសួង បានសម្រេចឱ្យក្រុមហ៊ុនសាងសង់បិទគ្រប់ច្រកចេញ-ចូល ដោយមិនអនុញ្ញាតឱ្យយានយន្តគ្រប់ប្រភេទ ចូលប្រើផ្លូវល្បឿនលឿន ក្រៅពីយានយន្តដែលបម្រើឱ្យគម្រោង និងយានយន្តមានតម្រូវការចាំបាច់ ដែលមានការអនុញ្ញាតពីក្រសួងសាធារណការ និងដឹកជញ្ជូននោះឡើយ៕
![](https://blogger.googleusercontent.com/img/b/R29vZ2xl/AVvXsEgf2GCwd-9Xog0Oa_VZcVkqnG2B_Ne0LjIXTxpO0c8KK8LwzWQ91GOKkaJ-ur_-4u-gB1d40SVQwP8Vz_vdI67pDZjF-GFu3OBEwnPbjQ-iRQkC3dKGH38Ipr2b95hZ0tNzFOM2Y7QTN5CSZa4Rlr2CAvCP1Du7xKMDyWzHdWuw5OmWOK5cWCuKO7n0/s1600/55%20%281%29.jpg)
![](https://blogger.googleusercontent.com/img/b/R29vZ2xl/AVvXsEjfZ4qCzvu6YaL-NtDWITAN673UG_Ke-Av9bDUxY1xv_YXb7aFSljgwbS9w2lqr3hRm4wdOvy39vZBiU6ow4nwn9rFmmANrzgqfOrbw5bIRYKYWC_FGUNrn2wH6u60i72q0OXFw3Jk1JZpKtu7ft_tlpw6RpP3qIK8OhkU2QYBsIz1OOL7n2WPwn6zL/s1600/55%20%285%29.jpg)
![](https://blogger.googleusercontent.com/img/b/R29vZ2xl/AVvXsEhEpgsVs5_gyhJ5E99EOlJvoaTXZq16DuYyo26FII9sHDf6lmNOPGzvwxPqHciCpuicIHsCUBlUxasmZQ8LD9r8uMqC8bu1KQTMHhpsB_Tj558iPLZuvyKVzUu9R1pIqGfqsUMHrD7gpahLIIvtgKFdiEGZx5HPw8bkp28LGVUksdf935zTPMCO2SHC/s1600/2022-07-12-10-10-08-0.jpg)