ភ្នំពេញ៖ជំនន់ទឹកភ្លៀង បានហូរកាត់ផ្លូវហូរកួចមនុស្ស និងម៉ូតូធ្លាក់ចូលក្នុងស្ទឹងបណ្ដាលឱ្យមនុស្សស្លា..ប់ចំនួន៣ នាក់ នៅកំណាត់ផ្លូវជាតិលេខ៥៥ ចន្លោះគីឡូម៉ែត្រលេខ១៥៥-១៥៦ ចំណុចស្ទឹងកាច់ ភូមិឯកភាព ឃុំថ្មដា ស្រុកវាលវែង ខេត្តពោធិ៍សាត់។
ហេតុការណ៍គ្រោះថ្នាក់ធម្មជាតិ នេះកើតឡើងនៅម៉ោង៦និង១៥នាទីល្ងាច ថ្ងៃទី១២ ខែកក្កដា ឆ្នាំ២០២២។ នេះបើយោងតាមផេកផ្នែកសណ្តាប់ធ្នាប់សាធារណៈ និងចរាចរណ៍ នៃអធិការស្រុកវាលវែងផ្សាយថ្ងៃ១៣ កក្កដា។
អ្នកស្លា..ប់ទាំង៣នាក់នោះ មានឈ្មោះដូចខាងក្រោម ៖
១.ឈ្មោះ ជា សុខគឿន ភេទប្រុស អាយុ អាយុ ៣៩ ឆ្នាំ ទីលំនៅបច្ចុប្បន្នភូមិឈេីទាល ឃុំត្នោតជុំ ស្រុកក្រគរ ។
២.ឈ្មោះ ចាន់ ភក្តី ភេទស្រី អាយុ ៣៥ ឆ្នាំទីលំនៅបច្ចុប្បន្នភូមិឈេីទាល ឃុំត្នោតជុំ ស្រុកក្រគរ (ត្រូវជាប្រពន្ធ មានផ្ទៃពោះ ៧ ខែ) រកសពមិនទាន់ឃេីញ និង៣.ឈ្មោះ លី ចាន់ថា ហៅឆៀងម៉ៃ ភេទស្រី អាយុ៣ ឆ្នាំ រស់នៅភូមិឈេីទាល ឃុំត្នោតជុំ ស្រុកក្រគរ (ត្រូវជាកូន)។
ចំណែក ម៉ូតូម៉ាក Dream C125 ពណ៌ខ្មៅ ផលិតឆ្នាំ២០១៨ ពាក់ស្លាកលេខ ពោធិ៍សាត់ 1I-7548 ។
កម្លាំងសមត្ថកិច្ចបានប្រគល់សពរកឃេីញទៅក្រុមគ្រួសារសាច់ញ្ញាតិយកទៅធ្វេីបុណ្យ ហេីយកម្លាំងនគរបាល សហការជាមួយកម្លាំងយោធា និងកម្លាំងកងរាជអាវុធហត្ថស្រុក កំពុងបន្តស្វែងរកសពម្នាក់ទៀត ៕
