សិល្បៈ
អ្នកឧកញ៉ាលាង ម៉េង កាលពីមុនប្រហែលជាលោកអ្នកមិនបានស្គាល់នោះទេ តែបើនិយាយពីក្រុមហ៊ុនជីប ម៉ុង ច្បាស់ជាបានស្គាល់ច្បាស់ ព្រោះជាក្រុមហ៊ុនកូនខ្មែរដ៏ធំមួយនៅកម្ពុជា តែឥឡូវប្រសិនបើនិយាយអ្នកឧកញ៉ាលាង ម៉េង និងបានឃើញមុខទៀតនោះ ច្បាស់ជាលោកអ្នកបានស្គាល់តែម្ដង ជាពិសេសគឺក្រោយមង្គលការកូនប្រុសលោកជាមួយនឹងចៅស្រីឯកឧត្តមជាសុផារ៉ា កាលពីពេលថ្មីៗកន្លងមកនេះ។
អ្នកឧកញ៉ាលាង ម៉េង ជាកូនប្រុសវង់ត្រកូលអាណាចក្រជំនួញជីបម៉ុង គឺកូនលោកជំទាវឧកញ៉ា ភាព ហៀក ក៏ជាសហស្ថាបនិក និងអគ្គនាយកក្រុមហ៊ុនជីបម៉ុងគ្រុប និងជាបុគ្គលដែលឆ្នើមក្នុងការធ្វើជំនួញ តែនៅពីក្រោយភាពជោគជ័យអស្ចារ្យ និងឆ្នើមទាំងនេះគឺកើតឡើងដោយសារតែស្ត្រីខ្លាំងមួយរូបនេះ ដែលជាម្ដាយ និងជាអ្នកដឹកនាំ កាន់ចង្កូតក្រុមហ៊ុនយក្សជីបម៉ុងគ្រុប។
ក្នុងឆ្នាំ៩០ជាង អ្នកម្ដាយរូបនេះគិតឃើញ និងបញ្ជូនកូនរបស់ខ្លួនទៅសិក្សានៅក្រៅប្រទេស ដើម្បីទទួលបានចំណេះដឹង បទពិសោធថ្មីៗ យកមកអភិវឌ្ឍក្រុមហ៊ុនដែលមានចក្ខុវស័យ ឱ្យរីកចម្រើនដូចសព្វថ្ងៃ ខណៈអ្នកម្ដាយរូបនេះ អាចមើលឃើញពីការរីកចម្រើនរបស់ក្រុមហ៊ុន តាំងពីពេលចាប់ផ្ដើម និងដឹងថាត្រូវការអ្នកមានសមត្ថភាពបែបណាដើម្បីយកមកអភិវឌ្ឍន៍ក្រុមហ៊ុន ទើបនាំកូនទៅខ្ចីលុយធនាគារចំនួន៧ម៉ឺនដុល្លារ បញ្ចូនកូនទៅរៀនបរទេស។
