កាលពីថ្ងៃទី17 ខែកក្កដា ឆ្នាំ2022 ក្រុមក្មេងទំនេីង២ក្រុមធ្វើសកម្មភាពបង្កការអុកឡុកដេញកាប់វាយគ្នាបង្កការភ័យដល់ពលរដ្ឋ បង្កអសន្ដិសុខប៉ះពាល់ដល់សណ្ដាប់ធ្នាប់នៅក្នុងសង្គមយ៉ាងអាណាធិបតេយ្យនៅទីសាធារណៈរួចបាននាំគ្នាគេចខ្លួនអស់។
ក្រោមបទបញ្ជាដ៏មុឹងម៉ាត់ពីសំណាក់ លោកឧត្ដមសេនីយ៍ទោ សម សាមួន ស្នងការ នគរបាលខេត្ដកំពង់ស្ពឺ បានបញ្ជាឱ្យជំនាញព្រហ្មទណ្ឌខេត្ដនិងអធិការនគរបាលស្រុកបសេដ្ឋ ចុះធ្វេីការស្រាវជ្រាវជុំវិញសកម្មភាពបង្កអសន្ដិសុខសង្គមដែលបង្កឡេីងដោយក្រុមក្មេងទំនេីងមួយក្រុមដេញវាយកាប់ចាក់គ្នាយ៉ាងអាណាធិបតេយ្យនៅក្នុងមូលដ្ឋានស្រុកបសេដ្ឋ ទឹកដីខេត្ដកំពង់ស្ពឺ កាលពីថ្ងៃទី១៧ខែកក្កដា ថ្មីៗនេះ។
នៅរសៀលថៃ្ងទី១៨ខែកក្កដា កំលាំងជំនាញខេត្ដនិងកំលាំងអធិការស្រុកបសេដ្ឋ សហការជាមួយកំលាំងនគរបាលខេត្ដតាកែវធ្វេីការប្រមូលមុខសញ្ញាក្មេងទំនេីងដែលបង្កការអុកឡុកកាប់ចាក់ដេញវាយអាណាធិបតេយ្យ នៅមុខសាលារៀនវត្តចាស់ ស្ថិតនៅភូមិក្រុមហ៊ុន ឃុំបសេដ្ឋ ស្រុកបសេដ្ឋ ខេត្តកំពង់ស្ពី ជាលទ្ធផលបង្រ្កាបបានក្រុមក្មេងទំនើងចំនួន០២ក្រុម មានគ្នាចំនួុន11នាក់៖
•ក្រុមទី១មានឈ្មោះ និងរហ័ស្សនាម KS យើងឃាត់បានចំនួន០៧នាក់
១/ឈ្មោះ វ៉ាន់ ប៊ុនធឿន ភេទប្រុស អាយុ17ឆ្នាំនៅភូមិត្រពាំងផុងថ្មី ឃុំបសេដ្ឋ ស្រុកបសេដ្ឋ។
២/ឈ្មោះ ង៉ែត រតនា ភេទប្រុស អាយុ16ឆ្នាំនៅភូមិកន្លង់ ឃុំនសេដ្ឋ ស្រុកបសេដ្ឋ ។
៣/ឈ្មោះ គុណ ឃៀង ភេទប្រុស អាយុ១៧ឆ្នាំនៅភូមិផ្លូវលោក ឃុំត្រពាំងក្រញូង ស្រុកត្រាំកក់ ខេត្តតាកែវ
៤/ឈ្មោះ ពន ឧសភារ៉ា ភេទប្រុស អាយុ១៨ឆ្នាំនៅភូមិសហគមន៍ខាងលិច ឃុំភក្តី ស្រុកបសេដ្ឋ
៥/ឈ្មោះ ឆៃ បញ្ញា ភេទប្រុស អាយុ១៧ឆ្នាំនៅភូមិព្រៃក្តួច ឃុំត្រពាំងក្រញូង ស្រកត្រាំកក់ ខេត្ដតាកែវ (ម្ចាស់ដាវដែក និងអ្នកកាន់ដាវដែក)។
៦/ឈ្មោះ សុខ ពៅ ភេទប្រុស អាយុ២០ឆ្នាំ នៅភូមិច្រកព្រាល ឃុំភក្តី ស្រុកបសេដ្ឋ ។
៧/ឈ្មោះ ឆេង សៀងនុ ភេទប្រុស អាយុ១៥ឆ្នាំនៅភូមិសហគមន៍ខាងលិច ឃុំភក្តី ស្រុកបសេដ្ឋ។
•ក្រុមទី២ មានឈ្មោះ និងរហ័ស្សនាម BT បសេដ្ឋ
ឃាត់ខ្លួនបានចំនួន០២នាក់
១-ឈ្មោះ ទឹម បូរី ភេទប្រុសអាយុ18ឆ្នាំ នៅភូមិព្រៃរំដួលត្បូង ឃុំបសេដ្ឋ ស្រុកបសេដ្ឋ។
២-ឈ្មោះ អៃ ចន្ថន ភេទប្រុស អាយុ17ឆ្នាំ នៅភូមិព្រៃត្បែង ឃុំពោធិម្រាល ស្រុកបសេដ្ឋ។
តាមការបញ្ជាក់ពី លោក ចន សុភីត អធិការនគរបាលស្រុកបសេដ្ឋ ថាក្រុម BT បសេដ្ឋ ចំនួន០២នាក់ទៀតបានកំពុងរត់គេចខ្លួន សមត្ថកិច្ចលោកកំពុងបន្ដតាមយក។
នេះជាសកម្មភាពដែលក្រុមក្មេងទំនេីងដែលមានរចនាសម្ព័ន្ធចាត់តាំងបង្កេីតឈ្មោះ រហ័ស្សនាម សម្គាល់ថាជាបក្ខពួកដែលមានកំលាំងដេីម្បីធ្វេីការ ការពារនិងបង្រ្កាបទៅលេីក្រុមក្មេងទំនេីងមួយផ្សេងទៀតដែលមិនមែនជាសមាជិកក្រុមខ្លួនជាបក្ខពួករបស់ខ្លួន ទង្វេីនេះជាការបង្ហាញឱ្យឃេីញថា ក្រុមក្មេងទំនេីងទាំងនេះមិនបានយកចិត្ដទុកដាក់ប្រដៅនិងតាមដានពីសំណាក់ អាណាព្យាបាល មាតាបិតា ដោយសារកត្ដាឆ្វេសប្រហែសទាំងនេះបានបណ្ដោយឱ្យក្រុមទាំងនេះមានឱកាសបង្កព្យុះភ្លៀងបង្កេីតជាក្រុមមានសម្ភារៈមធ្យោបាយសម្រាប់ប្រព្រឹត្ដអំពេីល្មេីសបាន។ សង្គមត្រូវការចូលរួមពី អាណាព្យាបាល មាតា បិតា រួមជាមួយមនុស្សនៅក្នុងសង្គមដេីម្បីក្លាយខ្លួនជាមនុស្សល្អនៅក្នុងសង្គម។
បច្ចុប្បន្នកម្លាំងជំនាញនៃអធិការបសេដ្ឋ បានកសាងសំណុំរឿងបញ្ជូនមុខសញ្ញាចំនួន០៩នាក់រួមទាំងវត្ថុតាងដាវដែក ទៅជំនាញនៃស្នងការដ្ឋាននគរបាលខេត្ដកំពង់ស្ពឺ ចាត់ការតាមនិតិវិធីច្បាប់៕