សិល្បៈ
លោកជឿន ប៊ុនចក់ ហៅពូចក់ ក្រោយពីមានរឿងរ៉ាវល្បីពេញបណ្ដាញសង្គមកន្លងមក ពេលនេះក្លាយប្រុសពោះម៉ាយហើយ អាចនឹងមានឱកាសសម្រាប់នារីៗដែលពេញចិត្តរូបលោក ហើយនៅមួយរយៈចុងក្រោយនេះគេតែងឃើញលោកទៅលំហែអារម្មណ៍នៅភោជនីយដ្ឋាន អេ ស៊ី អុី បកស្រាយបទចម្រៀងដើម្បីផ្សេងៗរំសាយទុក្ខកង្វល់។
អ្វីដែលហ្វេនៗកាន់តែចាប់អារម្មណ៍នោះ គឺនៅរាត្រីថ្ងៃទី ២៨ យប់មិញនេះ ក៏ឃើញមានវត្តមានកញ្ញារ៉ូសនៅកន្លែងនេះផងដែរ ព្រមទាំងច្រៀងលេងយ៉ាងសប្បាយជាមួយពូចក់ រហូតដល់មានអ្នកស្រែកថា «ពូចក់អើយស្រលាញ់រ៉ូសហ្មងទៅ...រ៉ូសស្អំបេះដូងពូចក់ហើយ តិចស្រលាញ់គ្នាទៅពីរនាក់ហ្នឹង»។
យ៉ាងណាយើងមិនដឹងថារ៉ូសគិតយ៉ាងណាចំពោះពូចក់ទេ ហើយចំពោះពូចក់ក៏ដូចគ្នាដែរ តែងាកមកមើលអាខោនហ្វេបុករបស់រ៉ូសវិញ នៅព្រឹកថ្ងៃទី ២៩ ខែកក្កដា នេះ បានត្រឹមតែលើកឡើងសារមួយថា ៖ «ស្នេហាកុំប្រកាន់អាយុចាស់ ឬក្មេង សំខាន់ក្តីសុខផ្លូវចិត្ត ការឱ្យតំលៃនឹងគោរពគ្នាទៅវិញទៅមក»។
