សិល្បៈ
លោកឧត្តមសេនីយ៍ទោ អ៊ុយ សារឿន ហាក់តូចនឹងសន្តិសុខមិនមកក្បែរលោក ខណៈលោកជិះឡានស៊ែរីចាស់មួយគ្រឿង ចូលហាងមួយកន្លែងនៅម្ដុំមាត់ទន្លេងក្រុងតាខ្មៅ។ ក្រោយទទួលបានបទពិសោធមួយនេះលោកបានលើកឡើងឱ្យដឹងថា៖
«រឿងពិតក្នុងសង្គម ខ្ញុំជិះរថយន្តតូចនេះ ចូលហាងនៅម្តុំមាត់ទន្លេតាខ្មៅប៉ុន្មានថ្ងៃមុននេះ សូម្បីតែសន្តិសុខធ្វើចរាចរ ក៏មិនមកក្បែរផង។ អ៊ីចឹងទើបដឹងថា សន្តិសុខហាងក៏មានអេគីបរបស់គេដែរ តិចពាក់ស្បែកជើងផ្ទាត់ចូលអី រកកន្លែងចតក៏គ្មានដែរ។»
លោកបានលើកឡើងបន្តទៀតថា៖ «ចប់ហើយមិនស្គាល់អ្វីដែលជាតម្លៃពិតប្រាកដរបស់មនុស្សមែន។ តើការគោរព ការយកចិត្តទុកដាក់ ការឱ្យតម្លៃពីបុគ្គលណាមួយមកលើរូបយើង កើតចេញពីសម្ភារ:និយមឬ?»
នៅលើគណនីហ្វេបុករបស់ លោកផ្កាយ២រូបនេះ បានធ្លាប់បានលើកឡើងថា៖ «ខ្ញុំនៅតែឆ្ងល់ថា ហេតុអ្វីសង្គមសម្បូរសប្បាយ មនុស្សមានហូបគ្រប់គ្រាន់ហើយ ចុះហេតុម្តេច មនុស្សមួយចំនួននាសម័យនេះគ្មានគុណធម៌ ។ ហេតុអ្វីមិនប្រើបេះដូងចំពោះគ្នាទៅវិញទៅមក ? ហេតុអ្វីចាំបាច់ប្រើក្តីស្រឡាញ់ និងស្នាមញញឹមក្លែងក្លាយចំពោះគ្នាធ្វើអ្វី?
ដើម្បីប្រយោជន៍ផ្ទាល់ខ្លួនហ៊ានក្បត់គ្នា ជាន់ពន្លិចគ្នា ពេលត្រួយលាស់ខ្ចីក៍នាំគ្នាក្តិចមិនឲ្យលូតលាស់។ ពីដើមប្រជាជនស្រឡាញ់គ្នា ហុចចំណីគ្នាទៅវិញទៅមក ផ្ទុយទៅវិញសម័យនេះក្បាលអ្នកណា សក់អ្នកហ្នឹង។ ខ្ញុំរៀនបានតិច នៅតែឆ្ងល់ស្រាយមិនចេញ។ សូមអធ្យាស្រ័យផងដោយក្តីស្រឡាញ់!»
