![](https://blogger.googleusercontent.com/img/b/R29vZ2xl/AVvXsEizjRHXO256waS7xSLNWe3uTpGfAwVLqh4_sxKazrJKmyp91bDml68wswJyKd3K-vKZoODIKuEtiS_wbDaO4k5yGPm1QEoCqtBCLR2Fr8f_6dub3RP_Al2rVmBZcSN10j5Nq-Cab3IpoJFYiFnFw9xZiEiwMVTjVj8_lsifixlAv4AlKK0RFs2wpFV4/s1600/Thumbnail.jpg)
សិល្បៈ
លោក ម៉ែន អេង ត្រូវបានមហាជនស្គាល់ថាឈ្មោះ អេង ឫទ្ធី ជាអតីតសិល្បករមួយរូប ក៏ជាឧត្តមសេនីយ៍ត្រីមួយរូបនៃកងយោធពលខេមរភូមិន្ទ និងជាប្រធានក្រុមពិធីករ-ពិធីការិនីផ្នែកសិល្បៈរបស់អគ្គនាយកដ្ឋានវិទ្យុ និងទូរទស្សន៍បាយ័ន ហើយនៅពេលថ្មីៗនេះ ទើបទទួលបានមុខតំណែងថ្មីមួយទៀតគឺ អភិបាលរងខេត្តស្វាយរៀង ឋានន្តរស័ក្តិឧត្តមមន្ត្រីថ្នាក់លេខ៤។
បន្ទាប់អនុក្រឹត្យតែងតាំងត្រូវបានផ្សព្វផ្សាយជាសាធារណៈ គេឃើញមានសិល្បករជាច្រើនដែលជាអ្នកធ្លាប់រួមអាជីព បានសម្ដែងការសាទរត្រេកអរ ចំពោះរូបលោក ដោយឡែកសម្រាប់រូបលោកផ្ទាល់ នៅព្រឹកថ្ងៃទី ២១ ខែសីហានេះ ក៏បានលើកឡើងថ្លែងអំណរចំពោះប្រមុខថ្នាក់ដឹកនាំ ប្រកបដោយអត្ថន័យថា៖
អរគុណសន្តិភាព
ឱ ! បាយ័ន បាយ័នមុខបួន អង្រួនបេះដូង ជនានុជន ផ្តល់ក្តីមេត្តា ចិន្តាអត់ធន់ ទោះស្រាលឬធ្ងន់ រែកពន់ដោយស្មោះ ។
ឱ ! រាជនី រាជនីសប្បុរស សង្រ្គោះទាំងអស់ ចិត្តដូចមេឃា មិនថាយប់ថ្ងៃ ទោះក្តៅរងា គ្រប់ពេលវេលា នៅជិតជានិច្ច ។
ទេវតា ទេវតាដើរដី ប្រជាប្រុសស្រី បានសុខគ្រប់កាយ ដោយចិត្តសន្តោស រីករាយសប្បាយ ប្រជាក្អាកក្អាយ អរគុណសន្តិភាព ។
ឱ ! បាយ័ន ខ្ញុំសូមអរគុណ គុណនេះសែនធ្ងន់ ធ្ងន់ស្មើធរណី គោរពស្រលាញ់ អស់មួយជីវី ជូនដល់រាជនី រាជនីសប្បុរស ។
ខ្ញុំសូមអរគុណជាអនេកប្បការដល់ប្រមុខរាជរដ្ឋាភិបាលកម្ពុជាដែលតែងតែផ្តល់ឱកាសដល់រូបខ្ញុំបាទបានចូលរួមចំណែកក្នុងការបម្រើជាតិមាតុភូមិព្រមទាំងឧបការជន គុណវន្តជន បងប្អូនញាតិមិត្តជិតឆ្ងាយទាំងអស់ដែលបានចូលរួមអបអរសាទរនឹងផ្តល់កម្លាំងចិត្តដល់រូបខ្ញុំតាំងពីដើមរៀងរហូតមកដល់ពេលនេះ ។ ដើម្បីឆ្លើយតបនឹងការផ្តល់ឱកាស ការចូលរួមអបអរសាទរ ការលើកទឹកចិត្ត ខ្ញុំសូមប្តេជ្ញាចិត្តដោយខិតខំបពេញការងារដោយភាពស្មោះត្រង់ឱ្យអស់ពីសមត្ថភាពនិងលទ្ធភាពដែលខ្លួនមាន ។
សូមទេវតាដែលថែរក្សាទឹកដីព្រះរាជាណាចក្រកម្ពុជា វត្ថុស័ក្តិសិទ្ធិក្នុងលោកតាមបីបាច់ឃុំគ្រងផ្តល់នូវភាពសុខក្សេមក្សាន្តដល់កម្ពុជរដ្ឋនិងមហាក្រុមគ្រួសារខ្មែរឋិតថេរចីរកាលតរៀងទៅ ។
![](https://blogger.googleusercontent.com/img/b/R29vZ2xl/AVvXsEiNPt---MT7_6VfIwoP4iMVlBkoKGOJ55sNFtDAIhuK1MO-umuQroEPxg-PeooglFpS4XfCtKIA3mmkpXIhsMQirfQFXy-yyjmey4N4-lWakQlTgGt8S9JNhubDAL1-mf0A4H_PFUAeRnSbjcTxRrxF6mKY9wSCnHzq4Yfd0VnR8CYL85ef1AmbsBCF/s1600/1111%20%281%29.jpg)
![](https://blogger.googleusercontent.com/img/b/R29vZ2xl/AVvXsEi-14vAvyaHnHk2Rkp8L400EMuOpVN8So9jraMvgaSKog0c6GDQqO5MzwaYGEKN-zMd1esSbS366UbqmBlnxA_eCuuBAiqX4nYCQ2jBejsTrQCP4w8udIE3-2Q86yc2UsQr70KLKWBuMAkbJXhGRgbXr5ue1LdXRC7YdCFLYx8HWvNAAmM7XtEhSOD3/s1600/1111%20%282%29.jpg)
![](https://blogger.googleusercontent.com/img/b/R29vZ2xl/AVvXsEhH03Sq2Oq-be1vzOmcvpVwKFb7TTnnnRGnmVfArS-0b12CMY7t-_OTjQDIWRuF2zla_0RNxri4PguaX6az4CzfphxGWBA2KdcACjT0n7H-XVBoKh5LQcWBtWnNoLmYlvX9U8hRYORHlIuC5bCuUtHJpZgGSjx8IF7lUEho0J2qYaPMxf80309aHcmk/s1600/1111%20%283%29.jpg)
![](https://blogger.googleusercontent.com/img/b/R29vZ2xl/AVvXsEiu-b4gtGLiHnGMtgTZYtdw7uneHshiCsFMNq8tcxhicDzFepcpeCMdUHg9vscHIbKCclyL2qX9D0mYYNT8wgoKFUT07xbwTLtNLGDJyxLnMAoDORdrAI-502tiveWGseAqn44di7FzAtmTgbiOP8SPsmbNjDdY8uB0VR6y4AeV0mtGf8Q6CC_1hUgm/s1600/1111%20%284%29.jpg)
![](https://blogger.googleusercontent.com/img/b/R29vZ2xl/AVvXsEibqKvhc9la02ZtfSCCE1iwiYLQT894ydxC8u_8BV201mSfxuQrIaTc_CI_ydXZdL2fi27xCp1R4OtY3ATmn-gOclN62teSn2Wq71mcOdt9_FCXGA8auJ-0nyUdBP0R_aqTCY4y5omQvK5IONgL294Yfw51GTTSzXf2YU3FF6L9BqNwWGjChEy8xVpB/s1600/1111%20%285%29.jpg)
![](https://blogger.googleusercontent.com/img/b/R29vZ2xl/AVvXsEgS4At1n_MCApvDuslp-ObTEHlk8Jn1-OnpZzeQkO0-abzudvIUGwDu7uEdzh4J68xEHoYB6HvvZZ7qkwbPXm_rOAt_Rn5_lpbwjZa1xIzBbTkPOxhmceVZ_jwTOfooxfyIEIFHe0GNmeYQeZrAA8kf5SDe3L5gxczWM4P-1Kl_3nIJ1Wr8WVHfVKV1/s1600/1111%20%286%29.jpg)
![](https://blogger.googleusercontent.com/img/b/R29vZ2xl/AVvXsEhtE7gdr4DhdoxiJ4akEXR7H1LXExaxvn5zKpbgYFf3fBN78Q0yBM7RSZam5ol5M-oJ_KoVNaOatWN8_6TfXVja8N308L01VpQC2VtGJo2HZKx9jzTfV-rWGQKrRellVylVBtUy4su2jIKZDPAI_4CJeNBKfOFaiAo-3GDwdXdb_aAREKTJX18GOVLm/s1600/1111%20%287%29.jpg)
![](https://blogger.googleusercontent.com/img/b/R29vZ2xl/AVvXsEicN6L9klIT_Y3rYUujGTRBTItZeCcFcGo2x2ZamdvFwfVaGUr6ovF_BxuqDlURWngYynIkNCkkhdB9y6lURt6smdJUIlTgst7NE3gWq2bp3ADaL69iw2a0ITwZafwiA3CN0GWtzpBtZqaj3-ptrtdc-qfIzOuD_tdJplWm25sD2_ZogGOJRrgoYVte/s1600/1111%20%288%29.jpg)