សម្ដេចតេជោហ៊ុនសែន នាយករដ្ឋមន្ត្រីនៃកម្ពុជា នៅរសៀលថ្ងៃទី ២១ ខែសីហា ឆ្នាំ២០២២នេះ បានបញ្ជាឱ្យមេបញ្ជាការអង្គរក្សស្នើរសុំបណ្តេញ សាន្ត ប៊ុនធឿនចេញពីក្របខណ្ឌកងទ័ព ។
តាមរយៈទំព័រហ្វេសបុកផ្លូវការសម្ដេច បានថ្លែងសារទាំងស្រុងថា៖
«ចរិតពាលរបស់សាន្ត ប៊ុនធឿនប្រាកដជា មិនអាចកែប្រែបានឡើយ។ ដើម្បីជួយ ដល់សាន្ត ប៊ុនធឿន និងប្រពន្ធកូន ខ្ញុំនិង ភរិយាបានជួយលុយដើម្បីសាន្ត ប៊ុនធឿន ទិញផ្ទះនៅ ថែមទាំងផ្តល់លុយជូន សាន្ត ប៊ុនធឿន ៥០០ដុល្លារក្នុងមួយខែតាំង ពីឆ្នាំ២០១៨មក។ ខ្ញុំធ្លាប់បានអប់រំសាន្ត ប៊ុនធឿនកុំឱ្យសុីផឹកជេរបញ្ចោរ តែចរិតមនុស្សនេះកែមិនឡើងឡើយ។ ដើម្បីជៀសវាងនូវការយល់ច្រឡំណាមួយកើតឡើងថ្ងៃនេះខ្ញុំបានបញ្ជា ឱ្យមេបញ្ជាការអង្គរក្សស្នើរសុំបណ្តេញ សាន្ត ប៊ុនធឿនចេញពីក្របខណ័្ឌកងទ័ព៕»