បុរសម្នាក់ឈ្មោះ អ៊ុច ចំណេ ដែលជាម្ចាស់អាខោនហ្វេសប៊ុក Ouch Chamne បានចូលទៅខមិនថា (ឡានទឹកស៊ីលុយឆ្ងាញ់ធ្វើពន្យាពេលដើម្បីអោយម្ចាស់ឡានបុកលុយ😡) ដែលជាការប្រមាទមេីលងាយមកលេីកម្លាំងសមត្ថកិច្ចពន្លត់អគ្គិភ័យរបស់យេីង ហេីយត្រូវបានសមត្ថកិច្ចកោះហៅ ចូលខ្លួនមកបំភ្លឺ និងសុំទោសជាសាធារណ:នូវកំហុសរបស់ខ្លួន។
សេចក្តីបកស្រាយបំភ្លឺ និងបដិសេធរបស់ក្រុមការងារព័ត៌មាន និងប្រតិកម្មរហ័សរបស់ការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការដ្ឋាននគរបាលរាជធានីភ្នំពេញ លើករណីដែលហ្វេសបុកមួយឈ្មោះថា Ouch Chamne ដែលបានសរសេរថា (ឡានទឹកស៉ីលុយឆ្ងាញ់ធ្វើពន្យាពេលដើម្បីអោយម្ចាស់ឡានបុកលុយ😡) ដែលករណីអគ្គិភ័យឆាបឆេះឃ្លាំងលក់-ទិញរថយន្ត មួយកន្លែង ដែលស្ថិតតាមបណ្តោយផ្លូវ២៧៣ ក្នុងសង្កាត់បឹងកក់ទី១ ខណ្ឌទួលគោក រាជធានីភ្នំពេញ នាថ្ងៃទី២៧ ខែកក្កដា ឆ្នាំ២០២២នេះ។
ការិយាល័យនគរបាលបង្ការពន្លត់អគ្គិភ័យ និងសង្គ្រោះ សូមធ្វើការបកស្រាយបំភ្លឺ និងបដិសេធចំពោះហ្វេសបុកផេក Ouch Chamne ដែលបានសរសេរបែបនេះ និងធ្វេីឲ្យប្រជាពលរដ្ឋមានការយល់ច្រឡំមកលេីកងកម្លាំងសមត្ថកិច្ច ដែលបានចុះប្រតិបត្តិការអន្តរាគមន៍ជួយសង្គ្រោះប្រជាពលរដ្ឋ ជាពិសេសមានបំណងអាក្រក់បំពុលបរិយាកាសដល់សង្គមជាតិ។
ប៉ុន្តែ នៅព្រឹកថ្ងៃទី២៨ ខែសីហា ឆ្នាំ២០២២ កម្លាំងសមត្ថកិច្ចការិយាល័យនគរបាលបង្ការពន្លត់អគ្គិភ័យ និងសង្គ្រោះ នៃស្នងការនគរបាលរាជធានីភ្នំពេញ បានកោះហៅឈ្មោះ អ៊ុច ចំណេ ចូលខ្លួនមកបំភ្លឺ ដោយបានទទួលនូវកំហុស និងធ្វើការថតវីដេអូសុំទោសជាសាធារណៈចំពោះប្រជាពលរដ្ឋ ជាពិសេស សមត្ថកិច្ចជាមន្ត្រីអនុវត្តច្បាប់ ដើម្បីសុំការលើកលែងទោស៕
សូមចូលរួមសហការចែកចាយតែព័ត៌មានពិត !!!