![](https://blogger.googleusercontent.com/img/b/R29vZ2xl/AVvXsEhkI-LbVJYAUUeeXuBIX_yUJVJHUA090d-1BSdsjXh3OAwdmzS5_Vy-N3DK-D187AM6T9O1kuAOJrOh6J2745zJRWlfj9b0W52xtyy57019wueI4AiFyKKuaK4z6utKfAJUBCCcOz1JkL3u_4sgsMLd8H_uuPgfjCbQBX-w7xn5iZlDNG99G-Mx0_mD/s1600/Thumbnail.jpg)
សិល្បៈ
ជឿជាក់ថាមហាជនពិតជានៅចងចាំអតីតតារាសម្តែងនៅក្នុងបទចម្រៀង F4 លោក ព្រីង ច័ន្ទបុត្រ ដែលសព្វថ្ងៃបានដកខ្លួនពីអាជីពសិល្បៈនឹងបានរស់នៅយ៉ាងមានក្តីសុខជាមួយភរិយាជាស្រ្តីមេម៉ាយស្តុកដែលត្រូវបានគេដឹងថាជាអ្នកម្តាយក្មេករបស់តារាកំប្លែងវ័យក្មេង វ៉ាន់ នីឡា ។ អ្វីដែលចាប់អារម្មណ៍ក្រោយរួមរស់ជាមួយគ្នាប្រមាណជាពីរឆ្នាំ លោក ព្រីង ច័ន្ទបុត្រ បានលើកឡើងចំៗចំពោះភរិយាដែលស្តាប់ហើយពិតជាមានក្តីសុខជំនួស ។
លោក ព្រីង ច័ន្ទបុត្រ បាននិយាយជាចំហថា «អរគុណស្ត្រីម្នាក់នេះ ដែលចូលខ្លួនមកធ្វើជាប្រពន្ធរបស់បុរសកំសត់ទុរគត ដែលដេកលង់លក់អស់រយៈពេលជាច្រើនឆ្នាំអរគុណដែលដាស់បងឱ្យ ភ្ញាក់ម្តងទៀត ទៅមើលពិភពលោកសារជាថ្មីអរគុណដែលបានបង្រៀនបងឱ្យ ស្គាល់ពីជីវិតពិត និងជីវិតក្លែងក្លាយ ។ ចុងក្រោយនៃកណ្តាលថ្នាលជីវិតរបស់បងគឺបីបមថ្នមថែនិងរក្សារូបអូនលុះសូន្យអវសាន្តនៃជីវិត»។ ការលើកឡើងរបស់លោក ព្រឺង ច័ន្ទបុត្រ បែបនេះបានធ្វើឱ្យមិត្តភក្តិសរសើរថាលោកពិតជាសំណាងណាស់បានជួបភរិយាល្អ ហើយខ្លះទៀតក៏បានជូនពរដល់លោក និងភរិយាឱ្យស្រឡាញ់គ្នារហូតដល់ចាស់ ។
ចំណងស្នេហ៍របស់លោក ព្រីង ច័ន្ទបុត្រ ត្រូវបានគេមើលឃើញថាផ្អែមល្ហែមមិនចាញ់គូស្នេហ៍វ័យក្មេងនោះទេហើយក៏មិនមែនជាលើកដំបូងដែរជារឿយៗលោក តែងសរសើរពីសំណាងរបស់ខ្លួនដែលបានមកជួបភរិយាល្អ ក្រោយបរាជ័យរឿងជីវិតគ្រួសារជាច្រើនដង ។ បើគិតមក ដល់ពេលនេះលោក ព្រីង ច័ន្ទបុត្រ បានរួមរស់ជាមួយគ្នាប្រមាណជាពីរឆ្នាំហើយបើទោះមិនបានរៀបការ តែអ្នកទាំងពីរបានចុះសំបុត្រអាពាហ៍ពិពាហ៍តាមផ្លូវច្បាប់រួចរាល់។ដ្បិតភរិយា មានវ័យច្រើនជាងនឹងមានកូនរៀបការទៅហើយក្តី តែអ្នកស្រីនៅតែមានសម្រស់ស្អាតមិនចាញ់នារីវ័យក្មេងនោះទេ ។
សព្វថ្ងៃលោក ព្រីង ច័ន្ទបុត្រ មិនបានខ្វល់ខ្វាយមកសន្សំលុយកាក់ល្អិតនៅក្នុងការសម្តែងដូចជាង ១០ឆ្នាំមុនឡើយ ពោលលោកងាកមករកស៊ីផ្នែកអចលនទ្រព្យវិញម្តង ។ គេចាំបានថាមុនភ្ជាប់ស្នេហ៍ជាមួយអ្នកម្តាយក្មេក វ៉ាន់ នីឡា លោក ព្រីង ច័ន្ទបុត្រ ធ្លាប់ខកស្នេហ៍ជាច្រើនលើកច្រើនដងហើយកន្លងមកលោកក៏ធ្លាប់រៀបការជាមួយប្អូនស្រីអ្នកមានមុខមាត់និងឋានៈនៅក្នុងសង្គម តែគួរឱ្យស្តាយពួកគេបានបែកគ្នាក្រោយរួមរស់បានប៉ុន្មានឆ្នាំ ៕
![](https://blogger.googleusercontent.com/img/b/R29vZ2xl/AVvXsEg3xoaXWHRNvgXWHYiZOTtwwMSBI9rlFEQP-CWpsDe5S1_1uttYglm-Z6t7BXaR0304BTO4-cUF1rzmOkEtRKePnHGM0ZFjmeIpSOV2DOEM7Mdj9ivgbqGA-8qo5ntOsrt5TOK9Vuk-UlZkDX18D61CepWrxXt5wK84iTTWsl4eS-jpC1eVG4yZzgCP/s1600/photo_2022-08-28_11-50-01.jpg)
![](https://blogger.googleusercontent.com/img/b/R29vZ2xl/AVvXsEgYlYzcLWk691Xxwmb1lS_b-WFPWzw8EHFe-woy3p1d1T6OpeSm18xv7dvrRrcNEJKGov7aZRNmVr7MZpouMG3VGW9Ye-SIa7RpKnmXnycC9zo350D1SmXG144QOWHNkXKpS2ZlVNHCWSA8ooVw597e0b5aSmOxwVE7CHB4E0XCJXKf0xASMhEp4nd7/s1600/photo_2022-08-28_11-50-02.jpg)
![](https://blogger.googleusercontent.com/img/b/R29vZ2xl/AVvXsEjoXuF6XIMGr84K5JZM8RgTvV4W23YH9iZnQobeIlMiC1u7Z3RrP7HqznRvzSKOxYItaYnMfyuPjtq8W7-JEPDiRfbOTITHbxg-sZuYcFsLzYHNmnkTI1KTiLKtpktsPo-Ay77R45t_o-ufO07wvme8bsQAf7r37jyI0DY6y_uVfpmy8a3BOzcoe986/s1600/photo_2022-08-28_11-50-03.jpg)
![](https://blogger.googleusercontent.com/img/b/R29vZ2xl/AVvXsEhg6kast1sp4CFXZlAiYWsWGH-uoXOh9E14HEuVGYso-862TfF6jo0dJEf15FUybpglvQFlt03Exy-xWe0kk_0al4xl9Ux7ybT7-W5v0c5MCP0mfDdjOAZBJmKA6SLbCXlfqW64-vbRX-ZHTNG2lMU87unjD9ZVZswf1y2feyrf-Mszy776asDGyMRq/s1600/photo_2022-08-28_11-50-04.jpg)
![](https://blogger.googleusercontent.com/img/b/R29vZ2xl/AVvXsEiX3tWyyvnAFay3rMOtjNHnn6KxBkJM0JdgmuVvBdjjwDgz8hCqoLGgYX_E0wt4_5TvVW2D3SKYemZkQBXcqddtzTM_yy9VLXva8Dd_SWqi4V2WxI9uhAfwlbq2NIS8kaXPNQ2Tw89VCSmx2we9pyDYVx31nwALyUHio6qletfZm0kNp5IFvro4uDup/s1600/photo_2022-08-28_11-50-05.jpg)
![](https://blogger.googleusercontent.com/img/b/R29vZ2xl/AVvXsEjUznJl-ra1Trj9daSJQ1NCxZ22o-zC50pBoA2Gqc-rCpPeA2MTk7iVJXm7ch4rpzOIw0Ztt3JCvIy6ww_WgLe7GfocQVEVomorOFks_dg9eQbqsYETVnL_rKnIXQWt8-zPHGvbD3AVxmum83C3WvuSYXXpuJG80OlpVKh0uhv_LC5PpwN4Qq3xAtOA/s1600/photo_2022-08-28_11-50-06.jpg)