header ads

Sponsor

ខេត្តក្រចេះ៖ ឧប្បត្តិហេតុទឹកហូរគួចរថយន្ត១គ្រឿងមានមនុស្ស ៤នាក់ធ្លាក់ចូលទៅក្នុងទឹកកាលពីវេលាម៉ោង០០: ៣០នាទីរំលងអាធ្រាតឈានចូលថ្ងៃទី២៤ ខែ សីហា ឆ្នាំ ២០២២ នៅចំណុចទំនប់ថ្ពង ភូមិថ្ពង ឃុំស្នួល ស្រុកស្នួល ខេត្តក្រចេះ បណ្ដាលឱ្យ៣នាក់រងរបួស និងម្នាក់ទៀតបាត់ខ្លួន។

នៅមុនពេលកើតហេតុ ជនរងគ្រោះទាំង៤នាក់បានផឹកស្រានៅផ្ទះ លុះយប់បន្តិច ក៏នាំគ្នាទៅច្រៀង KTV ដោយបើករថយន្តកាត់ទំនប់ទឹកបង្ហៀរ”ថ្ពង ”ប៉ុន្តែទឹកមិនទាន់ហូរខ្លាំងទេ ជាមួយគ្នានោះ ភ្លៀងបានបន្តធ្លាក់ឥតឈប់ បណ្ដាលឱ្យទឹកទំនប់បង្ហៀរ”ថ្ពង”ចាល់ឡើងនឹងហូរខ្លាំង។ រហូតដល់ម៉ោងកើតហេតុ ជនរងគ្រោះបានបើករថយន្តចេញពី KTV ក្នុងបំណងមកផ្ទះរបស់ខ្លួន។ លុះដល់ចំណុចកើតហេតុ ស្រាប់តែទឹកហូរប៉ើងរថយន្ត ធ្លាក់ពីលើទំនប់លិចបាត់តែម្ដង។

ជនរងគ្រោះមានគ្នា៤នាក់ ៖

ទី១/.ឈ្មោះ ឈួន រតនៈ ភេទប្រុស អាយុ៣០ឆ្នាំ រស់នៅភូមិក្បាលស្នួល ឃុំស្នួល ស្រុកស្នួល ខេត្តក្រចេះ(ជាអ្នកបើកបរ)រងរបួសស្រាល។

២/.ឈ្មោះ ខឹម វីណា ភេទប្រុស អាយុ៣១ឆ្នាំ ជនជាតិខ្មែរ (ជាអ្នករួមដំណើរ)រងរបួសស្រាល។

៣/.ឈ្មោះ អ៊ុច សុភា ភេទប្រុស អាយុ៣១ឆ្នាំ ជាអ្នករួមដំណើរ រងរបួសស្រាល។ ទាំង៣នាក់ខាងលើបានបញ្ជូនព្យាបាលនៅមន្ទីរពេទ្យបង្អែកស្រុកស្នួល។

៤/.ឈ្មោះ ទិត្យ មេសា ភេទប្រុស អាយុ៣១ឆ្នាំ កំពុងបាត់ខ្លួនរកពុំទាន់ឃើញនៅឡើយ។

ដោយក្នុងពេលនោះជនរងគ្រោះ បីនាក់ បានដោះខ្លួនចេញរួច ខណៈម្នាក់ទៀតឈ្មោះ ទិត្យ មេសា លិចទៅជាមួយរថយន្ត លុះដល់ព្រឹកឡើង សមត្ថកិច្ចពលរដ្ឋរួម និងក្រុមគ្រួសារ រករថយន្តឃើញ និងស្ទូចឡើងគោកផងដែរ ដោយឡែកជនរងគ្រោះឈ្មោះ ទិត្យ មេសា សមត្ថកិច្ចជំនាញនិងសាច់ញាតិកំពុងស្វែងរកសព៕

ហាមដាច់ខាតការយកអត្ថបទទៅចុះផ្សាយឡើងវិញ ឬអានធ្វើជាវីដេអូដោយគ្មានការអនុញ្ញាត!

លោកអ្នកអាចបញ្ចេញមតិនៅទីនេះ!

Feature Ads

Previous Post Next Post