សិល្បៈ
មានការចាប់អារម្មណ៍ជាខ្លាំងដោយថ្មីៗនេះភរិយាអតីតអ្នកចម្រៀងដែលស្ពាយងារជាឧកញ៉ា លាន អាហ្វ្រីលគីនីន បានបង្ហាញសមាជិកថ្មីដែលជារថយន្តទំនើបម៉ាក Rolls Royce ពណ៌ ខ្មៅដែលធ្វើឱ្យមហាជនអ្នកលេងបណ្តាញសង្គមលាន់មាត់គ្រប់គ្នា។
ជឿជាក់ថាមហាជនជាច្រើនពិតជាចាំមិនភ្លេចទេដោយមួយរយៈមុន លាន អាហ្វ្រីលគីនីន និង ភរិយាថ្មីជាអ្នកលក់អនឡាញល្បីឈ្មោះនោះហាក់ជួបរឿងអា-ស្រូ-វជាបន្តបន្ទាប់ តែចុងក្រោយ នេះរឿងរ៉ាវរបស់ពួកគេបានស្ងប់ស្ងាត់ទៅហើយ ។
អ្វីដែលកត់សម្គាល់ក្រោយប៉ះស្នេហ៍ថ្មីជា អ្នកមេម៉ាយកូនបី វ័យ ៤៥ឆ្នាំ លាន អាហ្វ្រីលគីនីន ហាក់ដូចជាមានយីអ៊ុនឡើងដោយភរិយា បានសន្យាចេញមុខសងបំណុលជំនួស ហើយថ្មីៗនេះភរិយារបស់ លាន អាហ្រ្វីលគីនីន ក៏ បានបង្ហាញ រូបភាពមួយសន្លឹកដែលមានអ្នកម្តាយកំពុងប្រោះព្រំទៅលើរថយន្តទំនើបម៉ាក Rolls Royceដោយលើកឡើងថា«ព្រះរស់ឱ្យពរឱ្យជ័យ»។ជាមួយសមាជិកថ្មីរបស់ភរិយា លាន អាហ្រ្វីលគីនីន ក៏មានមិត្តភក្តិនៅក្នុងបណ្តាញសង្គមចូលរួមត្រេកអរផងដែរ។
គួររំឮកថាក្រោយផ្តាច់ស្នេហ៍ជាមួយអតីតតារាសម្តែង កែវ វលក្ខ័ ឧកញ៉ា លាន អាហ្វ្រីលគីនីន បានងាកមកភ្ជាប់ស្នេហ៍ជាមួយអ្នកលក់អនឡាញល្បីដែលមានឈ្មោះថា យូ លីណា មិន ប៉ុន្មានពួកគេបានរៀបចំសែនព្រេននឹងបាននាំគ្នាទៅចុះសំបុត្រអាពាហ៍ពិពាហ៍ភ្លាមៗតែម្តង ៕
