![](https://blogger.googleusercontent.com/img/b/R29vZ2xl/AVvXsEjdLfPOniz9UY9Z182srAg5LMQL8QLDFoEVH7avqUTbS_6iO5qlOBdruzak4OefNU4-jA3HJB2eDKKmjSSkSjGviC_3r2dwXVvwIVv4iq9_JLm4-8GJWXnIBSnGm7Rpnbv_giLVdM3hIXahJrmG9BPxpwI8Yg4BBGMnhRYcmldV0naHZhnqm8KdDGBz/s1600/Thumbnail.jpg)
សិល្បៈ
ទោះបីជាមានតារាស្រករក្រោយរីកដុះដាលជាច្រើនក្តី តែតារាចម្រៀង ម៉េង កែវពេជ្ជតា នៅតែជាតារាចម្រៀងដែលមានសំឡេងពីរោះរណ្តំនៅក្នុងដួងចិត្តទស្សនិកជនជាច្រើន ហើយ ថ្មីៗនេះអ្នកគាំទ្រជាច្រើនបានសម្តែងការសាទរក្រោយឃើញតារាចម្រៀង ម៉េង កែវពេជ្ជតា បង្ហាញមុខគូស្នេហ៍ជាចំហលើបណ្តាញសង្គម ។
ដ្បិតភ្ជាប់ស្នេហ៍ជាមួយបុរសខ្មែររស់នៅស្រុកបារាំងមួយរយៈក្តី តែអ្នកនាង ម៉េង កែវពេជ្ជតា កម្របង្ហាញមុខមាត់របស់ដៃគូណាស់ តែនេះជាលើកដំបូងដែលគេបានឃើញអ្នកនាងបង្ហាញ រូបភាពម្ចាស់ចិត្តជាមួយកូនប្រុសស្រីរួមនឹងសារអមជាមួយថា«ក្តីសុខរបស់ខ្ញុំគឺពេលឃើញស្នាមញញឹមរបស់ពួកគាត់ទាំង៣នាក់ »។សារខ្លីតែហាក់បង្ហាញពីភាពកក់ក្តៅរបស់អ្នកនាង ម៉េង កែវពេជ្ជតា បានធ្វើឱ្យអ្នកគាំទ្រជាច្រើនបានចូលរួមត្រេកអរនឹងជូនពរដល់ជីវិតគូររបស់ អ្នកនាងគ្រប់គ្នា ។
ក្នុងរយៈពេលនេះដែរអ្នកនាង ម៉េង កែវពេជ្ជតា កំពុងស្ថិតនៅក្នុងទឹកដីនៃប្រទេសបារាំងដោយ អ្នកនាងបានចែករំលែករូបភាពដ៏ស្រស់ស្អាតជាច្រើនក្នុងដំណើរកម្សាន្តជុំកូនប្រុសស្រីនៅទីនោះដែលឃើញហើយពិតជាមានក្តីសុខជាខ្លាំង ។ បើតាមរូបភាពគេសម្គាល់ឃើញថាម្ចាស់ ចិត្តរបស់អ្នកនាង ម៉េង កែវពេជ្ជតា មានវ័យប្រមាណជាង ៥០ឆ្នាំដែលមើលទៅស័ក្តិសម ជាមួយអ្នកនាង តែម្តងប៉ុន្តែយ៉ាងណាគេហាក់មិនទាន់ឃើញម្ចាស់បទ «មនុស្សដំបូង» រូបនេះ មានបំណងនឹងរៀបចំពិធីមង្គលការតាមប្រពៃណីខ្មែរឬបែបណាទេ ។
គួរបញ្ជាក់ថាអ្នកនាង ម៉េង កែវពេជ្ជតា បានចែកផ្លូវជាមួយលោកឧត្តមសេនីយ៍ មួង ឃីម តាមអំណាច សាលក្រមតុលាការអស់រយៈពេលប្រមាណជាង ១២ឆ្នាំមកហើយដោយបន្សល់នូវ កូនប្រុសស្រីចំនួនពីររូបដែលកំពុងរស់នៅក្រោមការមើលថែរក្សាពីសំណាក់អ្នកនាងជាម្តាយ តែយ៉ាងណាសព្វថ្ងៃកូនប្រុសរបស់អ្នកនាងបានចាកចេញទៅបន្តការសិក្សានៅប្រទេសបារាំងហើយ ៕
![](https://blogger.googleusercontent.com/img/b/R29vZ2xl/AVvXsEh9L6GLh9JNr9bRly0qVqWSMi_CHobOy0aM1ri6ZrO9ZChv7wLcCABOLzkdDtHo5vaR9dN5hUQqxW1u50kZ9DR24JjXGNc5E6OeALCUi2Eo1LRr1Q1K7GZBDXKi4s5XSG1m3y8TG5wj5KV2KcJWNR6-yE6CL7l5N82eHIITfPYcv9_UVWsgrkgopm4y/s1600/photo_2022-08-31_15-38-32.jpg)
![](https://blogger.googleusercontent.com/img/b/R29vZ2xl/AVvXsEiglnT0gNxgsdTgdhpOnIIljWmt-UQS_P3fO6NbP-btzZDOQunWQTdLV-GICFq89nlLPnQNtlzgyQoGiNzZU_bYuntgR8Xp87EKyr48A5jefKDtigoJbx74f4boP5e6yCT91Nwv5S5rAPZOrzkmrKzJen2sXAHhRq95BPFwi7floop3gGqTI3Bb0OGf/s1600/photo_2022-08-31_15-38-33.jpg)
![](https://blogger.googleusercontent.com/img/b/R29vZ2xl/AVvXsEjRof7N8i1e5rluA50IKsDaiKYXidFiF3EwPRUJhN1Ka31kerUHNwhP6Fer6ujyfuGt2VIPpdTU2PQImFKBrE0PqHq3VDVSmlheF364bUXZlCzPYbdJYzMYNuMIzjG9J4JmJIu-_e5nRZvttml8pmg9_Mx_kplH4pxv-j7dMopj6FjSXjwU15QsLHqG/s1600/photo_2022-08-31_15-38-35%20%282%29.jpg)
![](https://blogger.googleusercontent.com/img/b/R29vZ2xl/AVvXsEhN5Pr_nvELpj4Mxu76ibhLUyjp7QUqZBhu9X2Jz0xiHJGek7lifIHt7ZmCEY7XsIa4IiBeiTv9MI2Awav0LTjIus_A2GZPvuppKSOA5awNWg3O_azYm4NWNSGTVY-q3SvxeB_rhSu4LmScmcmp_zrCwgke0ASISNvSEGf0vfATRdWT5cNHfMlz44g-/s1600/photo_2022-08-31_15-38-35.jpg)
![](https://blogger.googleusercontent.com/img/b/R29vZ2xl/AVvXsEgGEQQpL5tdgvzv-edH796-6zcupT1r-n4rvAMnSjpTGiCK4X---oNx57Rfa9NTvd-JxL8Ft1P_8eRnTw2UaP0cfsVnazebrkHcX3CfkKHE7HIooP-rz0wbqCeu1t1zGy4vC0QCfSdweQkwVjRsbad0Vz_zf5x1HrRlswK3RG_Wp6TuNGLyxUeRPZYD/s1600/photo_2022-08-31_15-38-36.jpg)
![](https://blogger.googleusercontent.com/img/b/R29vZ2xl/AVvXsEiTjOURcu3E897QI_y3OGtaqPU7RwbboY2rJpFppqW2ykQcb2tLzyGnkvdl_sHgulFbWXmjxFA41C-A2TJktoqgNAGd16M2h6KxpnEJtUnfcnnT40za1-C1jkU1BOtpfMMrmPzavOlPOiU0DOWUtP93ImEyJqEfGIiuo74-AMVI6n3Hu7nHYRNK-uUM/s1600/photo_2022-08-31_15-38-38%20%282%29.jpg)
![](https://blogger.googleusercontent.com/img/b/R29vZ2xl/AVvXsEituAM3vpeXzERaBL1iVR66tguqRGznwcyK0-tnhjB43rr8qc99fRkUtX-hkTaAtqqDMd4r8FKHOzCfN_jkleK97N_TUmvaIQ1TWn4gZ_RVH7HTjToLWDtmH5lJwgKkTbxf6D2vYTdbGvo29qOCS5AorTe1tn-gk_iVxZ-uKzjjQt1z5PorFvMA3el0/s1600/photo_2022-08-31_15-38-38.jpg)