សិល្បៈ
រឿងរ៉ាវឯ-កជ-នរបស់ គឹម លីហ្សា ក៏ទទួលបានការចាប់អារម្មណ៍ពីសំណាក់មហាជនមិនស្ទើរ ខណៈនាងបានប្រកាសថាខ្លួនជា Single Mom កាលពីពេលថ្មីៗនេះ តែដោយឡែកបើគេក្រឡេកមើលគណនីរបស់ស្វាមីនាងវិញនៅតែបន្តចែករំលែករូបភាពផ្អែមល្ហែមជាលក្ខណៈគ្រួសារដូចមិនមានរឿងអ្វីកើតឡើង ហើយថ្មីៗនេះលោកក៏បានបង្ហាញផ្ទះវីឡាថ្មីដែលសាងសង់ជិតរួចរាល់ថែមទៀត ។
ជារឿយៗ គឹម លីហ្សា តែងបង្ហាញពីភាពរកាំរកូសនៅក្នុងជីវិតគូលើបណ្តាញសង្គមហើយប៉ុន្មានថ្ងៃមុននេះនាងថែមទាំងហៅខ្លួនថាជា Single Mom យ៉ាងពេញៗមាត់ហើយថែមទាំងសុំទោសកូនៗនឹងនិយាយថាពួកយើងជុំគ្នាតែបីនាក់ប៉ុណ្ណោះ។
ផ្ទុយពីការអះអាងរបស់ គឹម លីហ្សា ស្វាមីនាងនៅតែបន្តបង្ហាញរូបភាពផ្អែមល្ហែម យ៉ាងណាមិញថ្មីៗនេះលោកថែមទាំងបង្ហោះរូបភាពនៅក្នុងដំណើរកម្សាន្តនៅខេត្តមណ្ឌលគីរីរួមគ្នាជាមួយ គឹម លីហ្សានិងកូនៗជាធម្មតាហាក់មិនមានរឿងអ្វីកើតឡើង ហើយមុននេះបន្តិចលោកក៏បានបង្ហាញ ផ្ទះវីឡាថ្មីដែលសាងសង់ជិតរួចរាល់ហើយក៏ជាសមិទ្ធិផលរួមគ្នារវាងលោក និងភរិយា គឹម លីហ្សា ។
ជាមួយគ្នានោះក៏មានការលើកឡើងពីសំណាក់មហាជននៅក្នុងបណ្តាញសង្គមថា ទាំងនេះអាចជាយុត្តិសាស្រ្តទីផ្សារព្រោះថាមួយរយៈនេះរឿងរ៉ាវជម្លោះរវាងប្តីប្រពន្ធកំពុងទទួលបានការចាប់អារម្មណ៍ខ្លាំង ជាពិសេសអ្នកលក់អនឡាញល្បីៗហើយចុងក្រោយនេះ គឺម លីហ្សា ក៏ជាអ្នករកស៊ីផ្នែកអនឡាញជោគជ័យម្នាក់ដែរ ។ ទោះមានកូនដល់ទៅពីរនាក់ហើយក្តី តែសម្រស់របស់ គឺម លីហ្សា កាន់តែឡូយឆាយក្រោយនាងកែបន្ថែមចំណុចមួយចំនួននៅលើទម្រង់មុខដែលធ្វើឱ្យអ្នកគាំទ្រជាច្រើនលាន់មាត់សរសើរគ្រប់គ្នា ។
ទោះជាមានការងាររវល់នៅក្នុងកិច្ចការជំនួញ តែ គឹម លីហ្សា នៅតែបន្តលេចមុខកម្មវិធីនានាដែលមានដូចជាការសម្ពោធរឿង និង ការសម្តែង តែមានការលើកឡើងពីសំណាក់មិត្តភក្តិថាមិនមែនដើម្បីសន្សំលុយកាក់ល្អិតដូចកន្លងមកទេដោយសារជាចំណង់ចំណូលចិត្តនិងការស្រឡាញ់ច្រើនជាង ៕
