សិល្បៈ
បើទោះបីជាមានជីវិតហាយសូរក្តី តែអតីតតារាសម្តែង សូ លីហ្សា បានរៀបចំពិធីខួបកំណើត ឱ្យកូនស្រីយ៉ាងសាមញ្ញហើយអ្វីដែលគួរឱ្យសរសើរគឺនាងបានចំណាយពេលរៀបចំការតុបតែងលំអរនៅក្នុងពិធីដោយផ្ទាល់ដៃថែមទៀត ។
ជឿជាក់ថាមហាជនពិតជានៅចាំបានអតីតតារាសម្តែង និងម៉ូដែលរូបស្រស់ សូ លីហ្សា ដែល សព្វថ្ងៃកំពុងរស់នៅពោរពេញទៅដោយសុភមង្គលដូចព្រះនាង តួយ៉ាងកាលពីមួយរយៈមុន នាងទើបទទួលកាដូរថយន្តទំនើបតម្លៃប្រមាណជាជិត ៣០ម៉ឺនដុល្លារ រួមនឹងផ្ទះវីឡាតម្លៃក្បែ មួយលានដុល្លារពីសំណាក់ស្វាមីជាទីស្រឡាញ់ដែលធ្វើឱ្យមិត្តភក្តិលាន់មាត់គ្រប់គ្នា។
អ្វីដែល ចាប់អារម្មណ៍ទោះមានជីវភាពឡូយឆាយបែបនេះក្តី តែ អតីតតារាសម្តែងរូបនេះបានរៀបចំ ពិធីខួបកំណើតឱ្យកូនស្រីយ៉ាងសាមញ្ញ ហើយនាងថែមទាំងចំណាយពេលរៀបចំតុបតែងនៅក្នុងពិធីដោយខ្លួនឯងទៀតផង។
ដ្បិតទទួលស្គាល់ថាមានភាពហត់នឿយបន្តិចក្តី តែដើម្បីកូនស្រី សូ លីហ្សា មានអារម្មណ៍ថា រីករាយព្រោះ បានធ្វើដោយក្តីស្រឡាញ់និងចេញពីចិត្តពិតហើយបើមើលតាមរូបភាពគេ សង្កេតឃើញថាមានភាពកក់ក្តៅនិងពោរពេញទៅដោយសុភមង្គលពិតៗបើទោះមិនមែនជាពិធីអធិកអធមក្តី ។ មានអ្នកសិល្បៈមិនតិចទេដែលសរសើរសំណាង សូ លីហ្សា ដែលមាន សំណាងមានស្វាមីជាបុរសល្អស្រឡាញ់ថ្នាក់ថ្នមហើយថែមទាំងជាអ្នកមានទ្រព្យ និងឋានៈ នៅក្នុងសង្គមទៀតផង ។
សូ លីហ្សា បានបញ្ចប់អាជីពសិល្បៈដោយមិនស្រណោះក្រោយពីនាងមានស្វាមីដែលសព្វថ្ងៃនាងមានកូនស្រីពីរនាក់ទៅហើយ ៕
