![](https://blogger.googleusercontent.com/img/b/R29vZ2xl/AVvXsEh4fsy6nTWMUef0wU9iPN4r6hyITerLYkUAfFFWz49kDT49DBbn-gTLhT6v3q-htUAYbI8USPfgUWRuQ_fKacEDyY6WY-SwYpQoXqrCs1gceUi0JwDW548zrYowTT4TgbFa0HnHpt8KU7iDehykTTIVRXHfYS2YVnJkNYlA_Cq6n-qijPhQQHZbVWZt/s1600/Thumbnail.jpg)
សិល្បៈ
ផ្អែមល្ហែមមិនទាន់បានមួយឆ្នាំស្រួលបួលផងពេលនេះចំណងស្នេហ៍របស់ នាយចឺម និងតារាសម្តែងរូបស្រស់ សេង សុឃីម បានដើរដល់ផ្លូវទ័លដោយតារាស្រីរូបនេះបានប្រកាសចែក ផ្លូវជាមួយ នាយចឺម នៅក្នុងថ្ងៃទី ០២ នេះតែម្តង ហើយអ្វីដែលធ្វើឱ្យមហាជនហួសចិត្តនោះ ការបែកគ្នារបស់ សេង សុខឃីម ដោយសារ នាយចឺម មានអ្នកទីបី ។
មានការចាប់អារម្មណ៍ជាខ្លាំងដោយកាលពីថ្ងៃទី ០១ យប់មិញ នាយចឺម បានបង្ហាញ រូប ភាព ជាមួយ ស្រីស្អាតម្នាក់ដោយនិយាយថា«ដៃគូថតMV ថ្មី »ការលើកឡើងរបស់ នាយចឺម ហាក់ មិនមានអ្វីប្លែកទេព្រោះប្រមាណជាកន្លះខែមុន នាយបានឡាយវីដេអូបញ្ជាក់ថាចំណង ស្នេហ៍ជាមួយ សេង សុខឃីម នៅតែរឹងមាំ ប៉ុន្តែនៅមុននេះបន្តិច តារាសម្តែងសាច់សខ្ចី សេង សុខឃីម បានប្រកាសចែកផ្លូវជាមួយ នាយចឺម តាមបណ្តាញសង្គមដោយលើកឡើងថា អ្វីៗគ្រប់យ៉ាងត្រូវរលាយហើយបួនខែចុងក្រោយនេះថ្ងៃណាក៏នាងទឹកភ្នែក។
ជាមួយនឹងវីដេអូដែលជាកម្រងរូបភាពអនុស្សាវរីយ៍ជាច្រើនរបស់អ្នកមេម៉ាយកូនមួយ សេង សុខ ឃីម និង នាយចឺម ដោយបន្ថែមជាមួយបទចម្រៀងយ៉ាងកម្សត់នោះ សេង សុខឃីម បានភ្ជាប់ជាមួយនូវពាក្យពេចន៍ដែលមាន អត្ថន័យថា «នាង ខ្ញុំសុំប្រកាសជាសាធារណៈ ថានាងខ្ញុំ សេង សុខឃីម ជាមួយលោក ចឺមបានបែកគ្នាហើយចឹងសុំបងប្អូនដែលជួបនាងខ្ញុំនៅខាងក្រៅឬ ក្នុងFBទាំងអស់សូមកុំសួរ អំពី លោកចឺម ពីនាងខ្ញុំទៀតខ្ញុំពិតជាមិនដឹងសុំចិត្តពុកម៉ែបងប្អូនទាំងអស់គ្នាកុំថាអី ឱ្យនាងខ្ញុំ បែកគ្នាក៏ប្រកាសដែលព្រោះពេលស្រលាញ់គ្នាក៏ផុសជាសាធារណៈឱ្យពុកម៉ែបងប្អូនដឹងហើយចឹងបែកគ្នាក៏ផុសជាសាធារណៈឱ្យបងប្អូនដឹងជាងមួយឆ្នាំត្រូវបានបញ្ចប់មុនឈ្លោះគ្នាដែរតែគេសុខៗចង់បែកតែម្ដងរួចលើកហេតុផលចាស់ៗមកយាយដដែលឃាត់ក៏គេមិនស្តាប់មានតែបណ្តោយឲ្យទៅ🤍៤ខែក្រោយនេះថ្ងៃណាក៏ខ្ញុំយំដែរបានហើយ(24/8/2022end) សុខ មេសា 👼បើចង់liveបកស្រាយ យាយឲ្យអស់រឿងណា…»។
ទាំងនេះគឺជាការលើកឡើងពីមូលហេតុដែលចំណងស្នេហ៍រវាងនាង និងនាយចឺម ដើរដល់ចំណុចមួយនេះហើយអ្វីដែលធ្វើឱ្យអ្នកគាំទ្រហួសចិត្តនោះពេលឃើញសាររបស់ នាយចឺម បាននិយាយថា«ឈប់ស្រឡាញ់បងទៅបងមានថ្មីហើយ » ។ជាមួយការប្រកាសចែកផ្លូវរបស់ សេង សុឃីម ជាមួយ នាយចឺម បានធ្វើឱ្យមហាជនជាច្រើនបាននាំគ្នាផ្តល់កម្លាំងចិត្តនឹងលើក ឡើងថា«សណ្តានមនុស្សប្រុសសាវ៉ាកែមិនឡើងទេ»«រឹងមាំឡើងបងបើគេឈប់ស្រឡាញ់ យើងហើយដោះលែងគេទៅ»« ថែរសុខភាពអាយដល់គាត់បានបាត់បង់មនុស្សដែលស្រឡាញ់គាត់ខ្លាំងហើយ» »ជាដើម ។
បើគិតមកដល់ពេលនេះរយៈពេលប្រមាណជិតមួយឆ្នាំហើយដែលតារាសម្តែងកូនកាត់ខ្មែរ អ៊ីស្លាម សេង សុខឃីម បានភ្ជាប់ស្នេហ៍ជាមួយ នាយចឺម ដែលកន្លងមកអ្នកទាំងពីរពិតជា ផ្អែមល្ហែមជាមួយគ្នាដែលពេលខ្លះគេបានឃើញ សេង សុខឃីម សុខចិត្តលុតជង្គង់ពាក់ស្បែក ជើងឱ្យ នាយចឺម ថែមទៀត ។មិនត្រឹម ជាគូស្នេហ៍ប៉ុណ្ណោះទេកន្លងមកអ្នកទាំងពីរបាន ទិញផ្ទះ និងរថយន្តរួមគ្នាទៀតផង ។ កន្លងមក នាយចឺម សុខចិត្តច្រានចោលការច្រៀងនៅតាមបណ្តារខេត្តដោយយកពេលវេលាមកបំពេញភាពកក់ក្តៅឱ្យកូនប្រុសរបស់ សេង សុឃីម នៅក្នុងពិធីខួបកំណើតកាលពីមួយរយៈមុនស្ទើរមិនជឿថារំលងមិនប៉ុន្មានផងចំណងស្នេហ៍អ្នកទាំងពីរបែរជាប្រេះឆាបែបនេះឡើយ។
ដ្បិតមិនមានរូបរាងស្រស់ខ្ពស់សង្ហា តែ នាយចឺម ពិតជាមានមន្តស្នេហ៍ជាខ្លាំងដោយគូស្នេហ៍ របស់នាយកន្លងមកសុទ្ធតែជាស្រីស្អាតនឹងមានឈ្មោះល្បីដែលមានដូចជា ពុធ ស្រីខួច អៀ ម៉េងលិ និង ហ្វាហ្វា តែចំណងស្នេហ៍ កន្លងមកភាគច្រើនPrivate ប៉ុណ្ណោះទើបតែភ្ជាប់ស្នេហ៍ជាមួយ សេង សុខឃីម ទេដែលមានការចែករំលែករូបភាពផ្អែមល្ហែមជាច្រើនតាមបណ្តាញសង្គម ៕
![](https://blogger.googleusercontent.com/img/b/R29vZ2xl/AVvXsEjWbo06-mZF-CRVKKW-29kmQtUjvUZb_HzqqdMX0sMCka-qXPwv0XiIITKNvVs2VBWD6YTncHTxiIpQ4b6cUsPiQ6QRuyF_0CQ_x4G79kYIGpYcTlBDl4cVHGNVBd-Z7gyb3jY4afr11QeGEzge_qaFX-cWf6eaL-43XFyorZCYY2i2eK2Zt_PVd0Ut/s1600/photo_2022-09-02_10-21-53.jpg)
![](https://blogger.googleusercontent.com/img/b/R29vZ2xl/AVvXsEjIAoDIojpWJsGmyRXqVuogTrYVskMB4NLrnA3d9NlZxjRolBpJJtOP-jvhl_8fjH7Wxm9q4FidJDEvI5ebolNzfpjQ40owNlqpDGmFiVTHJoQnbBBRj9lAhn43cGCda39LhCTobJAkuMGLV0lFO526PNcgIh1POE4w2n8IuxRbK5CE5c-XZ7qE8z8f/s1600/photo_2022-09-02_10-21-55.jpg)
![](https://blogger.googleusercontent.com/img/b/R29vZ2xl/AVvXsEhFJVfsDYFPRE2K4w6cBJfRBsY6LNAJ-ITvDwR3TbQd9TkT8EsfOXfaWLx7mCRI5dLXK0wMkWLUe7p7ll32dzQgVdy_I-jfjCP0ammRP5SKTtJccok3nvlnoJ5NAF_NFoCeiej-_uuMkFUrYwhEQasjeqdvQpzlY_C1Fg9S4DK9l4Cjo5bhcyfdJrzM/s1600/photo_2022-09-02_10-21-56.jpg)
![](https://blogger.googleusercontent.com/img/b/R29vZ2xl/AVvXsEi32r5dohDcL3Tg3k17F1Bc1C2a7KvtVkDjiCJW_rF_p0ENuSAfWQdiRJeyoxcDaetlsCrlk_DSs3KQYz1wWEx_u-Zp4-UTznKNBJkpMVzMVjv1fsRNQpdBRnBjOpv9V1jOq4hnaP8NAkfnD-cCz6DDSZfLeH5-mMdZjRmNqRKsN9OxlCAbPyohMOm6/s1600/photo_2022-09-02_10-22-01.jpg)
![](https://blogger.googleusercontent.com/img/b/R29vZ2xl/AVvXsEgZE_2WRk9riwEZuJNjpo8rml1DqXEteO-0Uekh-udcazUmG67rSBa3UKFCpd5xxqXRridCo9WLT6qGPmkYpevdSr7KtmPlhoyp78toH2-dHJ00bXT6QMMIOOhAGLiDl7S2BCTrCoBt6AxZGZ_A10bAwd7QtEgJDKCtMWcaYt2kwwx2lSvgwvnj4Kij/s1600/photo_2022-09-02_10-22-05.jpg)
![](https://blogger.googleusercontent.com/img/b/R29vZ2xl/AVvXsEjA1Z4MZiucz134f_FKWFf3fPDus6Z57F3nmUYKltY9RjumdC6QU-UdEudwYw778ci1itBIZ5TGvHjbPNWiYYk56u60X3ADAfuypnHkGIpZAJDo32h5AQ1eEUhqtQ1WEUWpF9Nk-5N6G5P1ua4H5hsw3wPwMV6dAl99eXZl_xoYbZ2MlWmk29Qyo8kF/s1600/photo_2022-09-02_10-22-06.jpg)
![](https://blogger.googleusercontent.com/img/b/R29vZ2xl/AVvXsEhd2M3iXldia5Dv7mDMrkjHGm9of9KFy5M83i0G7G_kih9RDyqslo0wwz5zj5fCmg1o05rTEJrAd87b-I4dM0ZIU0Z5zVgOYGua8Z4-6271WMsgdddPNkONjuei9U_jSEYDF96BJJ59MceG8uKh1FyjM53SU6EP0Lqu2rT2yQbB0sSvXvdySSaK3LRH/s1600/photo_2022-09-02_11-17-20%20%282%29.jpg)
![](https://blogger.googleusercontent.com/img/b/R29vZ2xl/AVvXsEiIUSPEfPucvbQs1jL6ZwBzg5CGO5nVhKa3ueI6THzPSJcRODYsaPbZQv-4oD71PK1KWSqpQHZLLx1VuT09NPkKBqMYahRm_J9zXCVcHIHMarO7MTPtGl90ujU-cdK89uaw4OOH1EpyGYHfub3Q3gaTCvXYz8DTsJyWX6vi22f5TlcBUPfAAoR-hAxJ/s1600/photo_2022-09-02_11-17-20.jpg)
![](https://blogger.googleusercontent.com/img/b/R29vZ2xl/AVvXsEg0paOU201033ZGh2Y1XyBqO6f1EntFjV7WMS_4ReHP3v2ckpfOsV15JBFZB7YCnAcfecsY4umQPApDrnqoavG63hnyBv6zrGjtVHJJf0lw1ysOrjEe4oICpW0wDp_v4O4iAYUdU5yyDO5PpgueWyFsUIkU8nEF1QQfYwqBHm9ysjjqvq-OwP7p-dPY/s1600/photo_2022-09-02_11-17-21%20%282%29.jpg)
![](https://blogger.googleusercontent.com/img/b/R29vZ2xl/AVvXsEiyhEqRgPd8C-4zxX2ocO_XUNIpQrLFpMBmJAqCcw2BwHUViMgzMixnG_pEDg9R2Te9cvvwwMPGdAWBbXDXdIpeuBzKCYqoj5GPNoHUi9v6xCN765QNIeMYwHt_RA9eVIq3RI7akrdy50KyUMPWsQQ7VtR-mThjaz77Ie6aI2tfDcV9Q0loPiBc_BB_/s1600/photo_2022-09-02_11-17-21.jpg)
![](https://blogger.googleusercontent.com/img/b/R29vZ2xl/AVvXsEj1Stm-TnOjqnqrwc9ZaSEofVK60TVfIzo1OgFBJf60dqcQbNHGojIgit8jvoVmHxWYQYjkqlh2ctVVrQsTRpUTSsiA8I2KHPPSf-KDInyYbWgaRJo5VT1wm9rmmIZ8mtY_mCvhYFjJx_Y9O982PxNB1v7ajqZKjCVnV_AvffyTzJke0iLGDYz9a0_1/s1600/photo_2022-09-02_11-17-23%20%282%29.jpg)
![](https://blogger.googleusercontent.com/img/b/R29vZ2xl/AVvXsEiHRPnmkA6rZSTVI-gy_vj799ExiYAEWEameWY79jxinZlRyF_y6gOI_qUj4s7fEaE98QQZ0r-0NgjEW6iPVPNW3Km5xL08WD0o_SqnV7Qd4i8nkwXD6rNhauOwxIFbyNmqFSSN2FyI7st609fgcAdWzdqVzmvmbigGomghvf9_N8RzNVOe9DjrPVMP/s1600/photo_2022-09-02_11-17-23.jpg)
![](https://blogger.googleusercontent.com/img/b/R29vZ2xl/AVvXsEgOZW6QX8uQdxRvrCl9NBirTP-I-AZuWuXOn5A-Fdvw_gjnD2nqCz0CFN2BLxPBwFJKDNvCDwLL8hR9F3HkRPlPV1RdyNUDr0O65hTE34YubFnmrx_w6Oq9f8iKBzZb8zNi7UkdrTk5EP_tk8rMmx7-3YaY2kFfHFmToFv8Nx61573eMkQn4wrQseoq/s1600/photo_2022-09-02_11-17-24.jpg)