![](https://blogger.googleusercontent.com/img/b/R29vZ2xl/AVvXsEjj4M_G-J8ppzPhKnttxxeE9y4fEDa3qFjPNL9kYkm4zD53LDdT3d3zFZ3TIp0JlSK-9C2LAERRIDScc8Er00gSISBwCq8_LkWWUkwgU3njUnGOsbfWesYqAeWBJrNyP0-O0RD2CZz-9wltZFMZHQXob2kmobl7exBoeZcEfnBUFT6N-P89U1EhTG88/s1600/Thumbnail.jpg)
សិល្បៈ
មុននេះបន្តិច តារាចម្រៀង យក់ ថិតរដ្ឋា បានប្រកាសឱ្យមិត្តភក្តិក្នុងនិងក្រៅសិល្បៈបាន ស្គាល់ឈ្មោះថ្មីរបស់នាងដែលមានឈ្មោះថា អានីន ។ ក្នុងនោះតារាចម្រៀងកូនបីរូបនេះ ក៏បានបញ្ជាក់ពីមូលហេតុដែលនាងសម្រេចចិត្តប្រើឈ្មោះថ្មីនេះដល់មិត្តភក្តិក្នុងបណ្តាញសង្គមផងដែរ ។
កន្លងមកតារាចម្រៀង យក់ ថិតរដ្ឋា ក៏ត្រូវបានមហាជនក្នុងនិងក្រៅសិល្បៈភាគច្រើនតែងហៅ ឈ្មោះនាងថា អាស្រស់ ដែលជាឈ្មោះហៅក្រៅរបស់នាងតាំងពីក្មេង ប៉ុន្តែមុននេះបន្តិច តារា ចម្រៀងប្រចាំផលិតកម្មថោនរូបនេះបានបង្ហោះសារឱ្យមហាជនក៏ដូចជាមិត្តភក្តិទាំងអស់ បានស្គាល់ឈ្មោះហៅថ្មី ក្នុងនោះអ្នកនាងបាននិយាយ ថា «សូមអធ្យាស្រ័យផងពីពុកម៉ែបងប្អូនទាំងអស់ដែលបានស្គាល់ឈ្មោះនាងខ្ញុំហៅក្រៅថា អាស្រស់លូវនាងខ្ញុំបានដូរមកឈ្មោះថា អានីន វិញដោយសារតែឈ្មោះ ស្រស់នេះ ធ្វើឱ្យ នាងខ្ញុំឈឺច្រើនហើយមានរឿងរ៉ាវជាច្រើនមិនចេះចប់មិនចេះហើយចឹងសូមដូរមកប្រើឈ្មោះ អានីន នេះវិញណាបងប្អូនអ៊ុំពូមីង»។
ជាមួយនឹងការលើកឡើងរបស់អ្នកនាង យក់ ថិតរដ្ឋា លោក ឃុំ ប៊ុណ្ណាដែត ជាស្វាមីឯនេះ វិញក៏បានបង្ហោះសារបញ្ជាក់ពីការដូរឈ្មោះរបស់ភរិយាឱ្យមិត្តភក្តិក៏ដូចជាអ្នកលេងបណ្តាញសង្គមបានដឹង។
មិនមែនមានតែ យក់ ថិតរដ្ឋា ទេកន្លងមកសិល្បកការិនីមិនតិចទេបានសម្រេចដូរឈ្មោះ របស់ខ្លួនយក ហុងស៊ុយនៅក្នុងវិស័យសិល្បៈដែលមានដូចជាតារាសម្តែង រស់ រចនា បានសម្រេចដូរមកឈ្មោះ រចនា រ៉ាវ៉ាឌី ពិធីការិនី ហេង ផាន់ណា បានដូរមកជាឈ្មោះ ហេង កែវនីតា ឃឹម ចរិយា បានដូរមកឈ្មោះ ឃឹម រីយ៉ា និងតារាចម្រៀង ពេជ្រ សូលីកា ក៏បានដូរឈ្មោះពិតរបស់ខ្លួនដែលត្រូវបានគេដឹងថា ឈ្មោះ គង់ ស្រីពេជ្រ ។ កន្លងមក ពួកគេ ធ្លាប់លើកឡើងថាក្រោយដូរឈ្មោះថ្មីហាក់មានយីអ៊ុនឡើងជាងមុន ។
គួរបញ្ជាក់ថាមួយរយៈមុន តារាចម្រៀង យក់ ថិតរដ្ឋា និងស្វាមីបានបង្ហោះសារត្អូញត្អែរ នៅតាមបណ្តាញសង្គមពីការលំបាកដែលសូម្បីតែប្រាក់ក្នុងការទិញទឹកដោះគោសម្រាប់កូន ដែលកាលណោះនាងថែមទាំងទម្លាយខ្លួននិងស្វាមីកំពុងជាប់បណ្តឹងវិវាទដីធ្លីដែល ការលើកឡើងរបស់ប្តីប្រពន្ធអ្នកសិល្បៈគូនេះបានធ្វើឱ្យមហាជនមិនតិចទេភ្ញាក់ផ្អើល ព្រោះ កន្លងមកអ្នកណាក៏ដឹងថា យក់ ថិតរដ្ឋា និងស្វាមីមានជីវភាពហាយសូរមិនធម្មតាឡើយ ប៉ុន្តែ ក្រោយពីឈ្នះបណ្តឹងវិវាទដីធ្លី គេសង្កេតឃើញថា តារាចម្រៀង យក់ ថិតរដ្ឋា ក៏ដូចជាស្វាមី បានបង្ហាញភាពរីករាយនឹងងាកមក ចាប់ផ្តើមអាជីពអចលនទ្រព្យឡើងវិញ មិនតែប៉ុណ្ណោះ ថ្មីៗនេះអ្នកនាងក៏មានបន្ថែមនូវការបើកលក់គ្រឿងអលង្ការប្រាក់នូវគេហដ្ឋានរបស់អ្នកនាងដែលមាន ទីតាំងស្ថិតនៅបុរីអង្គរភ្នំពេញ តែយ៉ាងណាមិនមានការទម្លាយពីការបោះទុនសម្រាប់ អាជីវកម្មថ្មីពីតារាចម្រៀងរូបនេះឡើយ ៕
![](https://blogger.googleusercontent.com/img/b/R29vZ2xl/AVvXsEhM0Ap4Rnesc1cotq9rpMhjJL9Uk1i54vhoPw1vCA9t8njtG8CkQtZq5y9TwPIoljmJs7CUyRKDruUjf-11NLHuds_aYRU4ZzB3d5StLofDd8lNeeAZYvPH09vWUcODfmNREQdElSOhNHRc306XOzBU-sqzTS5qW0BOUyFpu35utoZqt_KPza3LLp24/s1600/photo_2022-09-03_16-42-20.jpg)
![](https://blogger.googleusercontent.com/img/b/R29vZ2xl/AVvXsEiJxx1kj6Z8n14qVl2zBU1ePcDs298Wdbb-AtiVVbZebZPOCOAOYrfaUyZP6N3eCQjjIywlEROsJGqeUFx6J5EuVGrcNSMPCDXecHeEy9cUwZ1khCvDd28GdkW8O_VoHGEI5NB5xDKZGIeuoaM8EFbaHqn5LKoiXhRhPYq8n9e5QWVZveDQ3zbC604O/s1600/photo_2022-09-03_17-33-20.jpg)
![](https://blogger.googleusercontent.com/img/b/R29vZ2xl/AVvXsEigJhinTEQIMZP3tynedWDJLYXoTdDmfvH_qRCMLc_s5FL8SHuZ0nGJgtpoUpAAR_QCPuD-BENeIk9m4pYaq5PtVtgWtl9ZedEYTuWTTI6iyy3IyfWwa_D07vVR5263bwnzbicXLpUv_NR3M6KhpiMhm3XnCqsXIiPtTpEkzVqaX3xQ4BqCTMsgGo09/s1600/photo_2022-09-03_17-33-22.jpg)
![](https://blogger.googleusercontent.com/img/b/R29vZ2xl/AVvXsEj4F32AJFgmZAHjd4ykPMsuwLStQA1oIAYd5ao01J4EQsNBINOwtI0B1rUkhu6hu2k-ZgDa1v5qCwYAh6alnMROgTJGE3P5jUgxPg-QFVvRgWj7IYM35AAU_TD5Fi24G3as3thJtw5zq4KBOm9pgxOJhPqxz9VsM7zo-TfPzFUydBjl3ztfLbm2MYbo/s1600/photo_2022-09-03_17-33-23%20%282%29.jpg)
![](https://blogger.googleusercontent.com/img/b/R29vZ2xl/AVvXsEifYaqmt9tVizDH-s8yCHtKpS36_5MXhDwS7K_e4oGgLEeP1BMnWtEsRzSrkN6iNQVRPcKI6aSwQyOYmG9dhOjOFDNT8om6UnHwKVvm1AutTW00j1SEdJF_oj-tn-9s0Gi_9XW2x7WfyCK6ooUTPBfAp018Gl6YsX6XqiZ8Hhq2bF61NQenxbroYWs5/s1600/photo_2022-09-03_17-33-23.jpg)
![](https://blogger.googleusercontent.com/img/b/R29vZ2xl/AVvXsEhfW6n5mxdBdPgtCJyN7twAM0CSNu1377GRSfM9j7ANED9Sd9WRlW23KagjaC61MqR5N6_Qu3zkn7q9rctRdxpOLNW5nLhYpptIukHtTtLJS33kkuPPE13gCM999k-Ezlb49Ab3khgKimprYnMDiw4_3rN_pYS708nHS1Ji7djKSPOvz_YKkyoWLP4_/s1600/photo_2022-09-03_17-33-25.jpg)
![](https://blogger.googleusercontent.com/img/b/R29vZ2xl/AVvXsEhR0mmk8SOiDonxQzdAw8ugUxkIuLBMwzfi3Vfv6w7pqOYGLWOspQSJ1KpoB8jZjANmKI6kG-rplfPzMeuNm0mHz9wu-ncaO0c5I2WfwzIBACqp1nmUaQcSExZwwftZaCXKY-Qy5dvN1-KrTWUrYweBDFnCo5-z3gAF8cNFC1OojybdoMIo-zHU70fF/s1600/photo_2022-09-03_17-33-27.jpg)
![](https://blogger.googleusercontent.com/img/b/R29vZ2xl/AVvXsEg2nwCAJp-dbfRXgqPqakoY1wudXX2fUqY26aa-Pmhfi7dBMSUcyfhvxj65rb2S3NQOXUpGDndGcwh_1XXo0G1IPARwprdK6isxJcmhoMsU4UMQ2VPe6xFn1fKHgQ41gpzBjT434f2jyucWsm03H3GbQW7DWSEXNR6zINPPy7keAmregVKPkcQynv9-/s1600/photo_2022-09-03_17-33-28.jpg)