សិល្បៈ
ស្ពាយងារជាអ្នកមេម៉ាយកូនមួយក្តី តែសម្រស់អ្នកនាង ពេជ្រ សូលីកា នៅតែស្អាតខ្ញង់ ជាពិសេសចុងក្រោយនេះអ្នកនាងតែងលេងម៉ូដប្លែកៗដែលកាន់តែធ្វើឱ្យសម្រស់តារាចម្រៀងប្រចាំផលិតកម្មហង្សមាសរូបនេះទាក់ទាញថែមមួយកម្រិតទៀត ។ ជាក់ស្តែងមុននេះបន្តិច ពេជ្រ សូលីកា បានតែងខ្លួនបែបស្ទីលថ្មីដែលមើលទៅពិតជាស្អាតដូចកូនក្មេងដែលទើបនឹងពេញវ័យ។
ពិតជាមិនឱ្យហ្វេន ហ្វេនខកបំណងឡើយ ជារឿយៗ ពេជ្រ សូលីកា តែងរិៈរកស្ទីលថ្មីៗនៅ ក្នុងការរៀបចំខ្លួនដែលមើលទៅមិនស៊ាំភ្នែកនឹងទាក់ទាញជាខ្លាំងហើយកន្លងមកក៏មានការសរសើរពីអ្នកលេងបណ្តាញសង្គមពីភាពប៉ិនប្រសព្វទាំងព្រមរបស់តារាចម្រៀងរូបនេះ។ជាក់ស្តែងមុននេះបន្តិច ពេជ្រ សូលីកា បានចែករំលែករូបភាពជាច្រើនសន្លឹកដោយអ្នកនាងបានប្តូរម៉ូដសក់វែងអន្លាយលំអរដោយសក់សេះដែលកាន់តែជួយលើកទម្រង់មុខនាងឱ្យកាន់តែក្មេងដូចទើបនឹងពេញវ័យក្រមុំ ។
ជាមួយនឹងរូបភាពកាច់ស្ទីលផ្សេងៗគ្នាប្រមាណជាង១០សន្លឹកក៏ទទួលបានការសរសើរពីសំណាក់អ្នកគាំទ្រថា ពេជ្រ សូលីកា នៅតែស្អាតខ្ញង់មិនប្រែប្រួល ហើយខ្លះទៀតធ្លោយមាត់ថាក្រោយក្លាយជា Single Mom ពេជ្រ សូលីកា កាន់តែកាច ជាពិសេសការរៀបចំខ្លួនមើលមកលេចធ្លោទាក់ភ្នែកមិនធម្មតាឡើយ។
ដ្បិតមានរូបសម្រស់ផូរផង់មានសមត្ថភាពច្រៀងពីរោះហើយថែមទាំងប៉ិនប្រសព្វក្នុងការងារមេផ្ទះក៏ពិតមែន តែ ពេជ្រ សូលីកា ហាក់មិនមានសំណាងនៅក្នុងរឿងស្នេហាឡើយពោលនាងបានស្ពាយងារជាអ្នកមេម៉ាយក្រោយរួមរស់ជាមួយលោក គីម ហាន ជាអតីតគូដណ្តឹងបានប្រមាណជាងមួយឆ្នាំប៉ុណ្ណោះ។
អ្វីដែលចាប់អារម្មណ៍ខណៈបទចម្រៀងនៅក្នុងផលិតកម្មហង្សមាសមិនទាន់មានអ្វីដែលអាចទាក់ចិត្តអ្នកគាំទ្រចុងក្រោយនេះ ពេជ្រ សូលីកា បានចេញបទចម្រៀងផ្ទាល់ខ្លួនហើយថែម ចំណាយលុយដើម្បីធ្វើMV ដោយខ្លួនឯងថែមទៀត ៕
