សិល្បៈ
ក្រៅពីតារាចម្រៀង នីកូ កម្លោះសង្ហាវ័យក្មេង ថុល សុភិទិ ត្រូវបានអ្នកគាំទ្រជាច្រើននិយាយ ថាជាដៃគូដែលស័ក្តិសមសម្រាប់តារាចម្រៀងរូបស្រស់ ពេជ្រ សូលីកា ។ យ៉ាងណាមិញក្រៅ ពីប៉ះគ្នានៅក្នុងការថតសម្អាងការថ្មីៗនេះគេចាប់អារម្មណ៍ឃើញថា ពេជ្រ សូលីកា និង ថុល សុភិទិ កំពុងឡើងកូដគួរសម ជាពិសេសនៅក្នុងការថតស្ប៉តពាណិជ្ជកម្មរួមគ្នា ។
ដ្បិតមានវ័យច្រើននឹងមានកូនហើយក្តី តែសម្រស់និងស្ទីលនៃការរៀបចំខ្លួនរបស់ ពេជ្រ សូលីកា នៅតែស្អាតនិងទាក់ទាញមិនប្រែ ជាពិសេសនៅពេលដែលនាងប៉ះជាមួយដៃគូជាកម្លោះ សង្ហា ថុល សុភិទិ ឃើញថាស័ក្តិសមគ្នាជាខ្លាំងបើទោះពួកគេទាំងពីរខុសជំនាន់បន្តិចក្តី ។
កន្លងមកអ្នកទាំងពីរបានលេចមុខរួមគ្នានៅក្នុងការថតឈុតអាពាហ៍ពិពាហ៍បែបប្រពៃណីខ្មែរ ប៉ុន្តែថ្មីៗនេះគេបានឃើញអ្នកទាំងពីរបង្ហាញវត្តមានរួមគ្នានៅក្នុងសម្លៀកបំពាក់បែបយុវវ័យសម័យទំនើបដែលមើលទៅពិតជាស្រស់ស្អាតដូចគូស្នេហ៍ពិតៗតែម្តង ។
ក្នុងនោះក៏មានហ្វេនៗខ្លះថែមទាំងចង់ឱ្យអ្នកមេម៉ាយកូនមួយ ពេជ្រ សូលីកា និង កម្លោះសង្ហា ថុល សុភិទិ ជាគូស្នេហ៍ក្រៅឆាកថែមទៀតផង ។អ្វីដែលចាប់អារម្មណ៍បើទោះបីមានការផ្គូរផ្គង ពីសំណាក់មហាជនក្តី តែកន្លងមក ពេជ្រ សូលីកា ធ្លាប់ច្រានចោលនឹងបញ្ជាក់ថារវាងនាង និង ថុល សុភិទិ ជាទំនាក់ទំនងនៅក្នុងការងារតែប៉ុណ្ណោះ ។
បើមើលតាមវីដេអូដែលបង្ហោះដោយ ស្រីស្អាត ហេង ចន្ថា គេសង្កេត ឃើញថា ពេជ្រ សូលីកា និង ថុល សុភិទិ ពិតជារាប់អានគ្នាយ៉ាងស្និទ្ធស្នាលដោយ ពេជ្រ សូលីកា បានកែរូបថតនៅក្នុងរបស់ទូរស័ព្ទ ថុល សុភិទិ ថែមទៀត ។
ក្រោយចែកផ្លូវជាមួយគូស្នេហ៍គេចាប់អារម្មណ៍ឃើញថា ពេជ្រ សូលីកា នៅតែបង្ហាញភាព រឹងមាំនិងស្រស់ស្រាយជាធម្មតាបើទោះថ្មីៗនាងទើបចេញបទចម្រៀងដែលបង្កប់ដោយអត្ថន័យយ៉ាងចាក់ដោតបង្ហាញពីភាពប្រេះស្រាំនៃជីវិតគូដែលជាការនិពន្ធទំនុកច្រៀងដោយរូបនាងផ្ទាល់តែម្តង ៕
