សិល្បៈ
មិនចាញ់គូស្នេហ៍ថ្មីថ្មោងប៉ុន្មានឡើយតារាកំប្លែង ប៉េងប៉ោង បានបង្ហាញអារម្មណ៍រំភើបជាខ្លាំង ក្រោយត្រូវស្វាមីSurprise បែបនេះ ។ ជាមួយនឹងការជូនពរឱ្យបានសម្រេចដូចបំណងពី សំណាក់មិត្តភក្តិក៏មានការសរសើរថាប្តីប្រពន្ធរបស់តារាកំប្លែង ប៉េងប៉ោង ពិតជាផ្អែមល្ហែម មិនចាញ់គូស្នេហ៍ក្មេងៗនោះទេ ។
ដ្បិតរៀបការប្រមាណជាង ១០ឆ្នាំ ក៏ពិតមែន តែតារាកំប្លែង ប៉េងប៉ោង នៅមិនទាន់មានកូន ប្រឡែងលេងឡើយ ប៉ុន្តែយ៉ាងណាអ្នកនាងថានឹងព្យាយាមមិនអស់សង្ឃឹមនោះទេ ។ អ្វីដែល កត់សម្គាល់ទោះមិនមានកូនជាចំណងដៃក៏ពិតមែន តែជីវិតប្តីប្រពន្ធរបស់តារាកំប្លែងរូបរាង ទ្រលុកទ្រលន់រូបនេះនៅតែមានក្តីសុខនិងពោរពេញទៅដោយភាពកក់ក្តៅដូចគ្រួសារដទៃ ។
យ៉ាងណាមិញនៅកៀកដល់ថ្ងៃកំណើតនៅក្នុងថ្ងៃទី ១៣ស្អែកនេះអ្នកនាង ប៉េងប៉ោង ត្រូវស្វាមី Surprise ម៉ាអ៊េមធ្វើឱ្យអ្នកនាងរំភើបជាខ្លាំង។
ក្នុងទឹកមុខស្រស់ស្រាយឈរជិតរថយន្តទំនើបនៅក្រុមហ៊ុនលក់រថយន្តទំនើបមួយកន្លែងអ្នកនាង ប៉េងប៉ោង បានបញ្ចេញអារម្មណ៍ថា «ហៃឡើងចឹងធ្វើស៊ីឯងទាំងព្រឹកលោកប្ដីនាំឯងមកSurpriseទាំងព្រឹកអរចង់ប្រកាច់ស្មានមែនទែនស្រាប់ប្រាប់ថាចាំ១០ឆ្នាំទៀតបានមានលុយទិញឱ្យ។ ទោះយ៉ាងណាក៏អូនអរគុណលោកប្ដីសំរាប់ការSurpriseមួយនេះហេតុតែចង់ឱ្យ ប្រពន្ធសប្បាយចិត្តសម្រាប់ថ្ងៃស្អែកអំពើល្អមិនសាបសូន្យ»។
ជាមួយនឹងការជូនពរឱ្យបាន សម្រេចប្រាថ្នាក៏មានការចំអន់បែបលេងសើចពីសំណាក់មិត្តភក្តិឱ្យអ្នកនាង ប៉េងប៉ោង ជប់លៀងសមាជិកថ្មីទៀតផង ។ អ្នកខ្លះក៏បានលើកឡើងថា«ពូកែសម្តែងណាស់បងការពិតទៅកក់ហើយហ្នឹង »។
តារាកំប្លែង ប៉េងប៉ោង ដែលមានឈ្មោះពិតថា មឿន និមល នឹងជាកូនស្រីរបស់តារាកំប្លែង វីតាមីនសេ ដែលអ្នកនាងក៏ជាតារាកំប្លែងមានប្រជាប្រិយភាពគួរសមម្នាក់ដែរ ប៉ុន្តែមួយមួយរយៈចុង ក្រោយនេះអ្នកនាងបានដកឃ្លាពីអាជីពមួយនេះដោយងាកទៅប្រកបការងារជាអ្នកស្រែចម្ការវិញម្តង ៕
