សិល្បៈ
ពេលនេះដែរតារាចម្រៀងសំឡេងស្អកលោក ខេម បានដឹកដៃគូស្នេហ៍អ្នកនាង ស្រីកា ទៅ សហរដ្ឋអាមេរិកដែលពេលនេះអ្នកទាំងពីរក៏បានទៅដល់ទីនោះដោយសុវត្ថិភាពផងដែរ ។
គ្រាន់តែជំងឺកូវីដ ស្ងប់ភ្លាមតារាចម្រៀង ខេម ក៏ចាប់ផ្តើមមានយីអ៊ុនក្នុងការចេញទៅច្រៀងនៅ ក្រៅប្រទេសជាបន្តបន្ទាប់ ដែលថ្មីៗនេះលោកទើបត្រឡប់មកពីច្រៀងនៅប្រទេសកូរ៉េដែល ឃើញថាទទួលបានការគាំទ្រពីសំណាក់បងប្អូនខ្មែរដែលរស់នៅទីនោះជាខ្លាំង ។
រំលងមិន ប៉ុន្មានលោក ខេម ក៏ត្រូវចេញមកសម្តែងនៅសហរដ្ឋអាមេរិកជាបន្ត បើទោះមិនមែនជាលើកដំបូងក្នុងការមកសម្តែងនៅទីនេះក្តី តែតារាចម្រៀងសំឡេងស្អករូបនេះហាក់បង្ហាញរីករាយដោយលោកមានឱកាសបានរួមដំណើរជាមួយម្ចាស់ចិត្តផងដែរ ។
ក្រៅពីការច្រៀងជូនបងប្អូនខ្មែរដែលរស់នៅសហរដ្ឋអាមេរិកលោក ខេម ក៏មានឱកាសបាន ចំណាយពេលដើរកម្សាន្តជាមួយអនាគតភរិយាដែលកាន់តែធ្វើឱ្យចំណងស្នេហ៍របស់លោក ស្អិតរមួតថែមមួយកម្រិតទៀត ។ មិនទាន់មានការបញ្ជាក់ពីពេលវេលាពិតប្រាកដនៅក្នុងការ ត្រឡប់មកស្រុកខ្មែរនៅឡើយទេ ។
អ្វីដែលកត់សម្គាល់កាលពីអំឡុងចេញទៅសម្តែងនៅ ប្រទេសកូរ៉េតារាចម្រៀង ខេម ក៏ទទួលរងការរិះគន់ពីសំណាក់មហាជនក្រោយលោកបានធ្វើកាយវិការមិនសមរម្យដោយយកទឹកដែលទទួលទានរួចជះទៅលើមហាជនជាអ្នកទស្សនា តែយ៉ាងណាតារាចម្រៀងប្រចាំផលិតកម្ម ហា្គឡាក់ស៊ីណាវ៉ាត្រា រូបនេះ បានចេញមុខសុំទោសចំពោះទង្វើឆ្គាំឆ្គងទាំងនេះរួចរាល់ហើយ ៕
