សង្គម
មានការចាប់អារម្មណ៍ជាខ្លាំងខណៈថ្មីៗនេះតួឯកល្ខោន ផន សុផារី បានបើកបង្ហាញផ្ទះវីឡា ធំស្កឹមស្កៃដែលមិនទាន់សាងសង់រួចឃើញហើយពិតជាមិនសរសើរមិនបាន ។ មាននារីមិនតិចទេដែលប្រាថ្នាជីវិតដូច ផន សុផារី មានទាំងព្រមមិនថាទ្រព្យសម្បតិ្ត និងសុភមង្គលក្នុងគ្រួសារឡើយ ។
ដ្បិតជាតួល្ខោនក៏ពិតមែន តែ ផន សុផារី ទទួលបានការស្រឡាញ់ និងចូលចិត្តពីសំណាក់ មហាជនជាអ្នកលេងបណ្តាញសង្គមជាច្រើន ជាពិសេសចុងក្រោយនេះកូនទាំងពីររបស់ អ្នកនាងក៏មានហ្វេន ហ្វេនច្រើនមិនចាញ់អ្នកម្តាយប៉ុន្មានឡើយ ។ ក្នុងនោះក៏មានការសរសើរ ផន សុផារី ថាជាអ្នកម្តាយដែលមានភាពប៉ិនប្រសព្វក្នុងការមើលថែទាំកូន ជាពិសេសការតុប តែងខ្លួនដល់កូនៗមើលទៅគួរឱ្យស្រឡាញ់ជាខ្លាំង ។
ផន សុផារី ក៏ជាសិល្បការិនីម្នាក់ដែលមានជីវភាពឡូយឆាយមិនធម្មតាដែរ អ្នកនាងរស់នៅ យ៉ាងហ៊ឺហានៅក្នុងផ្ទះវីឡាយ៉ាងទាន់សម័យ ជាមួយនឹងការប្រើប្រាស់សម្ភារៈទំនើបៗទៀត ផង។ អ្វីដែលកាន់តែធ្វើឱ្យអ្នកគាំទ្របើកភ្នែកធំៗនោះថ្មីៗនេះ ផន សុផារី បានបើកបង្ហាញសមាជិកថ្មីជាផ្ទះវីឡាឃ្វីនយ៉ាងស្កឹមស្កៃដែលមិនទាន់សាងសង់រួចដោយបញ្ជាក់ថាជួបគ្នាឆ្នាំក្រោយផ្ទះប៉ុណ្ណេះទើបកូនៗ របស់នាងមិនរំខានអ្នកជិតខាង ។
គេចាំបានថា ផន សុផារី ជាតួឯកល្ខោនម្នាក់ហើយកន្លងមកអ្នកនាងក៏ធ្លាប់ចូលរួមសម្តែងជាមួយក្រុមកំប្លែង នាយ ពាក់មី ដែរ តែសព្វថ្ងៃ ផន សុផារី មិនសូវបានទៅសម្តែងល្ខោនឡើយដោយសារជាប់ រវល់មើលថែទាំកូនតូចៗរបស់ខ្លួន ។ ផន សុផារី ត្រូវបានគេស្គាល់ថាជាកូនថៅកែល្ខោនដ៏ល្បីប្រចាំខេត្តតាកែវលោក ភី សុគន្ធធី៕
