![](https://blogger.googleusercontent.com/img/b/R29vZ2xl/AVvXsEhxcfoQfdZIEe5lUPLnriwFFgiiKGgchK-sf6zekyoHLg8xu4yZg0YfqQ3yHWZ2-jocoiEGsT17z3v_KVCFAPtFQtVkmHvEkcu8wvMWSAzkLs4IaYRGgMFwuR_Wy2nulOMNQMwVhwjZ7wT9pC1W938N7SWODS4zc555xTOOhQNocc_OMBlgcpevF65Fow/s1600/Thumbnail.jpg)
សង្គម
មិនមែនជាតារាល្បីលំដាប់ប្រទេស តែតារាសម្តែង សឿន ផាភួង មានជីវភាពហ៊ឺហាមិនធម្មតា យ៉ាងណាមិញនៅក្នុងថ្ងៃខួបកំណើតកូនស្រីតារាសម្តែង អាង សុជាតា ហៅ ឈូ ឈូ នាពេលខាងមុខនាងមានគម្រោងនឹងចំណាយប្រាក់ដល់ទៅ ៣ម៉ឺនដុល្លារសម្រាប់រៀបចំពិធី ខួបកំណើតកូនស្រី ឱ្យអធិកអធមមិនចាញ់ពិធីមង្គលការនោះឡើយ។
មានការចាប់អារម្មណ៍ជាខ្លាំងខណៈបង្ហាញផ្ទះវីឡាថ្មីមិនបានប៉ុន្មានផង សឿន ផាភួង និងកូន ស្រី អាង សុជាតា បានទិញរថយន្តពីរគ្រឿងបន្ថែមទៀត ដែលបានធ្វើឱ្យមិត្តភក្តិក្នុងសិល្បៈលាន់មាត់សរសើរពីការខិតខំប្រឹងប្រែងរបស់ម្តាយកូនពីរនាក់នេះជាខ្លាំង ។
អ្វីដែលចាប់អារម្មណ៍នៅក្នុងថ្ងៃទី ០២ ខាងមុខនេះ សឿន ផាភួង ក៏បានរៀបចំពិធីខួបកំណើតសម្រាប់កូន ស្រីជាទីស្រឡាញ់របស់ខ្លួន គម្រប់អាយុ ១៨ឆ្នាំ ដោយគ្រោងនឹងអញ្ជើញភ្ញៀវដែល មានទាំងក្នុងនិងក្រៅសិល្បៈប្រមាណជា ៧០តុ នៅភោជនីយដ្ឋានឡាក់គីប្រាយផ្លូវជាសុផារ៉ា។មិនមែនជារឿងធម្មតាទេសម្រាប់ពិធីខួបកំណើតរបស់តារាសម្តែងវ័យក្មេង អាង សុជាតា សឿន ផាភួង ជាម្តាយត្រៀមកញ្ចប់ប្រាក់ដល់ទៅបីម៉ឺនដុល្លារឯណោះសម្រាប់ចំណាយនៅក្នុងពិធី ។
បើតាមដឹងមិនមែនជាលើកដំបូងទេកន្លងមក សឿន ផាភួង ក៏ធ្លាប់រៀបពិធីខួបកំណើតកូនស្រី ជាលក្ខណៈហ៊ឹកហ៊ាក់ដែរគ្រាន់តែឆ្នាំនេះជាលក្ខណៈអធិកអធមខ្លាំង ។ ជាមួយនឹងជីវភាព ធូរធាររបស់តារាសម្តែង សឿន ផាភួង នឹងកូនស្រីមិនបានធ្វើឱ្យអ្នកគាំទ្រងឿងឆ្ងល់ទេព្រោះ ពីរនាក់ម្តាយនិងកូនសុទ្ធតែកំពុងមានទីផ្សារការងារខ្ពស់នៅក្នុងសិល្បៈ ជាពិសេស អាង សុជាតា ជាកូនស្រីតែម្តង ៕
![](https://blogger.googleusercontent.com/img/b/R29vZ2xl/AVvXsEikBWNwHPH43c36nebwdJ0jARXFwsYAvVDbGpvet_hbSZ0M84_DN7NZGRxI-PY-2k3HBbGXvWXwz0TN1kkUBxb5vWApR7wEwazKczipAKqC4bRcIRnZSwewLkC52lt40ZXRL0WwGZWbxUCQOJ7uGGVIeHiKylPKNETrHMrRzVg0aFuKUE3Wz2ICKDS3IA/s1600/photo_2022-10-28_08-15-21.jpg)
![](https://blogger.googleusercontent.com/img/b/R29vZ2xl/AVvXsEgGiq24Wre8JNWmffTjZql2h-pt1Ud-eADnlBy4_X7lZtRavu_hR5ErxxRZ2lxcbL1VkmLh-4T19hnOsjolVtPE2IAjKeGYWHxr3vYaFYRKde6zmKITEcUSLl1zrU24T5sOu0AXPmNxU3X836RAMBPP-Z8QO35Tv9hb6yUAveZZ4wm4s06KJXHwfnb0jg/s1600/photo_2022-10-28_08-18-17.jpg)
![](https://blogger.googleusercontent.com/img/b/R29vZ2xl/AVvXsEgXJP_7r2a4hPb7fV-RUtcc7UQy8IAY4dC56Sn-18vNduyPDE4wYK1tlBaW95bsvNe5Xfe8TGArP5jp7_3yjz5TqpcnuqxjVWCF-syacnqqsGYN-sH32iGs6gQ2v8Nq7weEjILrZ2D5Xunpt4mBAVTU_oAU78k4lWJAtikygILXQtk8L1m40fRZxORKKQ/s1600/photo_2022-10-28_08-18-18.jpg)
![](https://blogger.googleusercontent.com/img/b/R29vZ2xl/AVvXsEjo9e16Njn2YfcjanTJdKvYP4BTID9OTQ8QNjS_nnD4r-xAbUBzsGMhl_KThluWmxqWVK04AzOL6ah00XpGLFjuPh5GRWP-Zpkexwal3jliQxRq42DFieKAPo0qoUwqB4o65NfkLA82BliOrciefUl6b0KuM1xtGXNNmS8BJKj8h5sWwLxA9s1GbEJqWg/s1600/photo_2022-10-28_08-18-20.jpg)
![](https://blogger.googleusercontent.com/img/b/R29vZ2xl/AVvXsEijQLiqit7kWShbxVJte74Mj5d98I3_K0oVM6QuNN9YUL5Rr4v-4wksqHHYFeDiVKCXQxa10X_ciPhmti2wc2Tcv-HGoQHnusANA35OvN_Hhs5UcocCzb3mlJPPPCnm3OqXgZUOfAUMPgy-Fw78O2uubPZfNHeWEhoSk_V1UaBT6HyEk9lkSmbJpireiw/s1600/photo_2022-10-28_08-18-22%20%282%29.jpg)
![](https://blogger.googleusercontent.com/img/b/R29vZ2xl/AVvXsEj8CiMdtyYJBm67h-hGqy6iYZH7-qY1JpbbSqPPP0UldLHNR31RdQTG4QTZ9IpnT5J7EpyUFBA4rdvx9AukRYY2Oj4nOe6TVtc5vMMdAejlpcMxnE15_mIhWGfceo2i35yn4cWFH943P-CG__uFN41245lrrXbULTR5LrQ5ebFs3ehMJ6eN7h_CEeZf6Q/s1600/photo_2022-10-28_08-18-22.jpg)
![](https://blogger.googleusercontent.com/img/b/R29vZ2xl/AVvXsEgrG3n5KWLaMskWZGOXouAzE2lmuKjSQQdSJamgd1vGQTHUM_10YZa99rvi8MCsfzQl1J-l9p50drg6BfqGn8EmlKooV14bq-iyFh3uoxZ3YTAWU28SXYMMJyJfNJfISOlke546gZy1BXBVl_e74erpqgBnh3dGkKkk6SXKpYAF8rk2IfNo5z6OLeAiEA/s1600/photo_2022-10-28_08-18-24.jpg)
![](https://blogger.googleusercontent.com/img/b/R29vZ2xl/AVvXsEjs8eyxN32-F3DobV6Vir0CShKfrhjFT3S4UN7GATMBLjDIdNMBqby7z5nUE0gtM-6RAlXYOZYU7hI247Y-mlBhrM8td44rOJCyeXWCrPQgSOcADO4CJzW_AncgR9woqgbr3LmBJjk1gScPm_1h2YOCaEVtWYDa77EdSf0Sple5pkaB4xOMhHTaT8w7WA/s1600/photo_2022-10-28_08-18-27.jpg)
![](https://blogger.googleusercontent.com/img/b/R29vZ2xl/AVvXsEiTwNx8MxkDUEuDP8MQqel7PQsy7Ubxt5PMXfRnQ0RveBaxWu9o4-u-UcgmCep5KsB4VUJdzGr6ivGy2EQC0xSrUUQWtwvnezibfk_pxGtjRbqIa47gZdCjgIfHlNA_zCe4Zq20oMAV1DfIGtlTmdbU8lpDmtjYRJGfuLFsrzv281s_UGMJhxMWDsDWJA/s1600/photo_2022-10-28_08-18-28.jpg)