![](https://blogger.googleusercontent.com/img/b/R29vZ2xl/AVvXsEi1Z00lI2MSAyMp9biEG-1nKgqPj61r9gN6eyF_yANGhjr4pIIalY87LEn6UA_GdB41MZjb3q38Zt-_F-OUFP9j-hzGSsVJML19jpGEyo85vOR8HOTMLUzgLa7vxNaWwTvjHSg1XPz9exE8Zuuwaispg4-esDdkgay7VN9JNtc64cKmdlYF5iRG4dA8Zg/s1600/Thumbnail.jpg)
សង្គម
ជឿជាក់មហាជនពិតជាបានស្គាល់តារាពហុជំនាញ រ៉ូលីន ដែលលោកគឺជាតារាម្នាក់ដែលអាច ច្រៀងបានទាំងសំឡេងជាបុរសនិងនារី បានយ៉ាងពីរោះហើយថែមទាំងមានកាយវិការក្រម៉ាច់ ក្រម៉ើមនិងការតុបតែងខ្លួនគួរឱ្យស្រឡាញ់ថែមទៀត ។ អ្វីដែលចាប់អារម្មណ៍ទោះជា រ៉ូលីន និយមតុបតែងខ្លួនជាមនុស្សស្រីក៏ពិតមែន នឹងធ្លាប់អះអាងថាចង់បានភរិយា ក៏ពិតមែន តែមហាជនជាច្រើននៅតែមានមន្ទិលសង្ស័យរហូតថ្មីៗនេះមានការសួរថាជាតិក្រោយលោក ចង់កើតជាមនុស្សប្រុសឬ ស្រី ដែលធ្វើឱ្យ រ៉ូលីន ទប់អារម្មណ៍ស្ទើរមិនជាប់ ។
រ៉ូលីន ដែលមានឈ្មោះពិតប្រាកដថាលោក ជួន ច័ន្ទកក្កដា នោះត្រូវបានគេដឹងថាជាតារាម្នាក់ដែលទទួលបានការគាំទ្រពីសំណាក់មហាជនមិនធម្មតាដែរ តាមរយៈការតុបតែងខ្លួន ជានារីភេទដ៏ស្រស់ស្អាតរួមនឹងទឹកដមសំឡេងតែម្តង ។គិតមកដល់ពេលនេះ រ៉ូលីន បានបោះជំហានលើវិថីសិល្បៈខ្មែរអស់រយៈពេលប្រមាណជាង ១០ ឆ្នាំមកហើយ ពោលតាំងពីឆ្នាំ ២០១១មកម្លេះ។
អ្វីដែលគួរឱ្យកត់សម្គាល់ រ៉ូលីន មានសមត្ថភាពសិល្បៈខ្ពស់នឹងច្រើនទម្រង់ដែលមានទាំង ពិធីករ តារាចម្រៀង តារាសម្ដែង នឹងជាតារាកំប្លែងម្នាក់ពោរពេញដោយវោហាសព្ទចាក់ទឹកមិនលេចផងដែរ ។
អ្វីដែលចាប់អាម្មណ៍ជាមួយនឹងការនិយមតែងខ្លួនជានារីភេទរួមនឹងការចូលចិត្តលេបខាយនិយាយពាក្យលេចលើស្មើក្រោមជាមួយតារាប្រុសទាំងក្នុងកម្មវិធីសិល្បៈនិងក្រៅឆាកនោះ បានធ្វើឱ្យអ្នកគាំទ្រជាច្រើន តែងលើកជាសំណួរថាតើទៅថ្ងៃអនាគត រ៉ូលីន ចង់បានភរិយា ឬស្វាមី ។មិនមែនជារឿង ប្លែកទេជារឿយៗ រ៉ូលីន តែងទទួលបានសំណួរបែបនេះ ។ យ៉ាងណាមិញថ្មីៗនេះ រ៉ូលីន ត្រូវបានអ្នកលេងបណ្តាញសង្គមមួយសួរត្រង់ៗថា«សុំអភ័យទោសបង រ៉ូលីន សុំសួរបងបើ មានជាតិក្រោយចង់កើតជាមនុស្សប្រុសឬមនុស្សស្រី»។
តបនឹងសំណួរនេះ តារានិយមតែងខ្លួនជានារីភេទរូបនេះបានឆ្លើយថា«រាល់ថ្ងៃនេះធុញហ្នឹងសំណួរគេសួរថា ប្រុសឫក៏ស្រី អនាគតទៅយកប្តីឫប្រពន្ធ ឥឡូវធ្លាយដល់ជាតិក្រោយទៀត ! ខ្ញុំសូមសួរមួយពេលដែលសួរឱ្យខ្ញុំឆ្លើយហើយសិរីសួស្តីជយ័មង្គលកើតមាន មានដល់អស់លោកអ្នកមែន?
វាមិនចាំបាច់អីត្រូវដឹងថាគេយកប្តីឫប្រពន្ធស្រលាញ់ប្រុសក៏ស្រីទេ ទោះបីខ្ញុំជាមនុស្សមហាជនក៏ខ្ញុំមិនចាំបាច់អីត្រូវឆ្លើយហ្នឹងសំណួរអស់ហ្នឹងដែរ!ខ្ញុំសុំមែនតាស បើទំនេររកអីធ្វើឱ្យ មានប្រយោជន៍ទៅកុំសួរសំនួរនាំឱ្យ រំខានអារម្មណ៍គេអញ្ចឹង»។ការលើកឡើងរបស់ រ៉ូលីន បានធ្វើឱ្យអ្នកលេងបណ្តាញសង្គមជាច្រើនគាំទ្រព្រោះគិតថាសំណួរនេះអាចប៉ះពាល់ អារម្មណ៍មិនគួរសួរបែបនេះឡើយ ។ ណាមួយការស្រឡាញ់ភេទដូចគ្នាឬផ្ទុយគ្នាមិនមានអ្វីគួរ ឱ្យរើសអើងឡើយសម្រាប់សម័យបច្ចុប្បន្ននេះ ៕
![](https://blogger.googleusercontent.com/img/b/R29vZ2xl/AVvXsEg5NC-qE_mbqNwkyehWDRVy42q-1h0-vX8XYpePNlDAy59tbxUdlvFYcESsCTlHX_RXcLwh_E1sX9LbeN0-cvUp0bfVF5Y3VREJg1vYWfMKKZu4ByE_Tm7ePtgb1b0fFsvyPh6Eb3fSNKtwXAnqUrXu92FQnQkKByVYcmA-Q-0kdnrzytwmK6pdnBBAAQ/s1600/photo_2022-11-13_16-52-51.jpg)
![](https://blogger.googleusercontent.com/img/b/R29vZ2xl/AVvXsEgSPHVzPm_TdKJSN4ULAg3B3-7dDhtijwYRYFdp7xBflQ6icEbPet_S_oX-TCxNxCRZA0ABaMcRcMDtEa7klotGxjrHwQK6WRxBdLp8cwbOZgdzpJcXh6BP1lYmIZXk81Dz9XqpmqtGc2bZ8Rzg0F2KWxcQTsS-njTJPHJ-7OUY1Qij66VoPQXgAMwRDQ/s1600/photo_2022-11-13_16-52-52%20%282%29.jpg)
![](https://blogger.googleusercontent.com/img/b/R29vZ2xl/AVvXsEiAo9HZnY3zjYjBbM-RdZB2ABH4EP2XTFY7e9Oej7WAGjTNMYii8gVJDcG9yMe5A4ylOHtUiZxiqW8Af9p2nW9Yp3pfVo7olotLkc0zM4koIDAGHMQ7gtHPfx4g3ekcO4dEjrlV96fYlAkdTJ-CBOs5jqrVWSeqE9jDWJG5BRDwspAgi4Sw6FgmgJDltA/s1600/photo_2022-11-13_16-52-52.jpg)
![](https://blogger.googleusercontent.com/img/b/R29vZ2xl/AVvXsEg0TfYGrv0oH36CFe16aeYFGrFYQWlVZjf5smFaLVEznIfQDLGZNQZB816vKpaEOt3LtIllPt92AJA37IWY-QVN3PnHkcZfzIeXo5y9NBICbiL3E4QhyEjAWHkZnHhMWtpfNxNOWTKTsvYzN2KbbkiMF4fMKhW0iZz8BeT5gbrrDWaUNBF0ZZACZDXdGg/s1600/photo_2022-11-13_16-52-53%20%282%29.jpg)
![](https://blogger.googleusercontent.com/img/b/R29vZ2xl/AVvXsEiVnFaj9rJLsnmDegjmQxH7CFrisI-GnaWkvXAioJKgenTzqiUp0a6oo_nFouOpnnAjiI-HysH-jQAdc7xV00JYOzC6RxzEc5JQOOWeM6v_wGtam1EPhX62AMSdSjsQWh0JE1ttPTXg3YX1AO4QLBSMHowFqnGe31emXAM1o27F6sIbLdYgUVX-Wrw2ow/s1600/photo_2022-11-13_16-52-53.jpg)
![](https://blogger.googleusercontent.com/img/b/R29vZ2xl/AVvXsEiRWdQ8HkDsjqSB8N4h82AoEsBE9U5FnsdD_ZGIekOhR2tn2Bfuf1vYH-zTi7GkUzG5ESW9bm30PGAsYn1RoGrTvpc6YltCYJB07CkwP6eo2bS3gGWPMwaaqts5lXWVUmzaoOOgxubVOCZht31vRWeFZDRMVwQDQzmIMZdWiHP5GiNe6ZbtyOYv-ReLqw/s1600/photo_2022-11-13_16-52-54.jpg)
![](https://blogger.googleusercontent.com/img/b/R29vZ2xl/AVvXsEhCUxSVCzcgYiVBHoAAifM-_qWH2WFeFqEChCbJW4mWKPiNFyUPIejOb3XHYN74AF6k7dICVOuHq0EIO60Cq8Kk_5wdyVWiVzcl8Azc5m8ZeIqNFthj7OCzCw71Wv5ZDH0O59J_JvY9Nub63AKayo6lyC0AGkKY_uT220U5w5e6IHH_h50jujgeQyXQZg/s1600/photo_2022-11-13_16-52-55%20%282%29.jpg)
![](https://blogger.googleusercontent.com/img/b/R29vZ2xl/AVvXsEhaxavI9RLGz7RKfrkOuuPUbewLOpVAnagi7o0VHJdO8MW35QOOGgmyz1IXzv7WKbA3hUWQLGnKuIS2aQjrzzoTU3nXAfoqu1pYsE0yAIys2qqh6XC8Fsrdzv-8KVdOapTgWzRUWvGu0RC0hmFuLoZBNf3B5LhxJZcDmqF-SK7qNC0Ea2a79vwqA9d8Ug/s1600/photo_2022-11-13_16-52-55.jpg)
![](https://blogger.googleusercontent.com/img/b/R29vZ2xl/AVvXsEhBn02M1eehkw7qM_aUls_SVbiwIg-2jQoa0ZVLMBLebzu298OqJZiaHG86zLSdq53S4XQox_W1iMBoA5-N2dFCjTlEkzC7Lq5zCmrRuyEoMOgwhYqvP5ksijIsYKvo9xS_Rt-DEGGoY7S6EaifZ8oGruXvUFtIDtzY-aDW5YpCpCM4jzoTPiD1RzY2hg/s1600/photo_2022-11-13_16-52-56%20%282%29.jpg)
![](https://blogger.googleusercontent.com/img/b/R29vZ2xl/AVvXsEjY80-ch0FGsLVHNealdXzlHtfJC16TRolHUPFFDJiAjvSAkZd6LEKNQzfrA0jCDzH2HCOxOcEGMTehVtRSK8mNZSPSa1c8F3TGi1DgyiUek07g16Da0V9ybiXV3u5g_eTphbO9UDuNQtQACQKGxpFlk-VE0XIiYMWOKwuj5y8I3mOnkkZF8B6FJoOZcA/s1600/photo_2022-11-13_16-52-56.jpg)
![](https://blogger.googleusercontent.com/img/b/R29vZ2xl/AVvXsEi2-wYEQ8aj3tesCEgpCOA1EAJ4QFBI72UqQy5b124hhgF9bAJ9Hj8vwld5mOZ4jI_1QfbnTKiK2340beeGyvSHuihWiVRxv46Zoh4YGahR35ISbZVMb2Q8kp46tXZ04mtymBE1hy0T5MYHkfhUnihMeuEe-_PuGh3b_40D0HJrq9paXV_K8N0HQrG2wA/s1600/photo_2022-11-13_16-52-57.jpg)
![](https://blogger.googleusercontent.com/img/b/R29vZ2xl/AVvXsEjA8X2547-G1u30uk3GtCis2xxWYV41MNKW-7NLsPC3Vb6dimcJcIaCjsFiqc-aMFvrdfNHFGh9KL41oW7iPRQ5e4A9am5QZlCrNvlrsWEKHSGUdxM27XfKRp3KhpMmmBP44WYASKf6RwiDxC4urnnrPzdQtT0fj1H6RfmGkxsfpKgXw2XXbzOtSYRoZQ/s1600/photo_2022-11-13_16-52-58.jpg)