សង្គម
ដូចដែលប្រិយមិត្តបានជ្រាបមកហើយទាក់ទងនឹងរឿង មេតុងទីន ម៉ូលីកា ដែលកំពុងល្បីពេញបណ្ដាញសង្គម ថាបោក និងរឿងរ៉ាវផ្សេងនោះ ពេលនេះសាមីខ្លួនបានចេញមកបញ្ជាក់ និងប្រាប់អំពីឆន្ទៈរបស់ខ្លួនហើយ។
តាមរយៈវីដេអូឡាយនៅយប់ថ្ងៃទី ២១ ឈានចូលថ្ងៃទី ២២ ខែវិច្ឆិកានេះ ជាមួយនឹងចំណងជើងថា ៖ «អ្នកបោ កខ្ញុំបាន តែខ្ញុំសន្យានឹងខ្លួនឯង មិនបោ កគេទេ» ។ ក្នុងវីដេអូឡានោះអ្នកនាង អឿន ម៉ូលីកា បានលើកឡើងជាសាធារណៈបញ្ជាក់ថា បញ្ហាកន្លងមកនេះដោយសារតែការរៀបប្រព័ន្ធការងារអត់ត្រូវ។
ឆ្លើយតបទៅនឹងការលើកឡើងថាអ្នកនាងបោក អ្នកនាងលើកឡើងថា បើសិនជាមេបោក ទាល់តែមេរត់ទៅឆ្ងាយ បើមេបោក មេរត់យកលុយទៅចាយនៅស្រុកគេបាត់ហើយ។
អ្នកនាងក៏បានបញ្ជាក់ទៀតថា មិនក្បត់ឧត្តមគតិនោះទេ កូនខូច កូនបោក កូនប្លុក គឺអ្នកនាងនៅតែទទួលខុសត្រូវទាំងអស់ គឺទារពីកូនដែលបានដេញរួច ហើយព្យាយាមលក់ឥវ៉ាន់ដើម្បីយកសងផង។
ជាមួយគ្នានោះដែរ អ្នកនាងម៉ូលីកា ក៏យល់ស្របទៅនឹងប្រសាសន៍លើកឡើងរបស់លោកជំទាវ ហ៊ុន ស៊ីណាតផងដែរ ដែលលោកជំទាវថា «បើមេណាបោកប្ដឹងទៅ» តែចំពោះអ្នកអ្នកនាង អ្នកនាងបានអះអាងថា មេនេះមានទំនួលខុសត្រូវ នៅឈរសង ជំនួសកូនដែលបោក ដែលនេះគេមិនហៅថាបោកទេ គ្រាន់តែការសងគឺមានតាមដំណាក់កាល មិនអាចសងទាំងដុំបានទេ។
អ្នកនាងក៏បានសង្កត់ធ្ងន់ៗផងដែរថា បើសិនជាមានការផុសរញ៉េរញ៉ៃ ថាអ្នកនាងបោកនេះ បោកនោះ អ្នកនាងមិនទទួលខុសត្រូវលើបំណុលដែលនាងត្រូវសងនោះទេ។
