![](https://blogger.googleusercontent.com/img/b/R29vZ2xl/AVvXsEgs89g9qW_O2R3LWk644BIZKISfUrqBPGrIYmDnqFLbeTtGXMkgWQifZthQ_FTmkvPB3COaO41CoR03BVLeNY-D8EP8Efr_nAE9vjMA6E3AIa6ZbjMtBXOZ7ZCOvaa1XB3Q1CtGSbVCnrTKERnPJzH0_HJjVNzJVHtpf7CT1EUZJb7WaEZva5XlJzYGMg/s1600/Thumbnail.jpg)
សង្គម
លោក គង់ សុគុណ្ណា នាយករដ្ឋបាលសាលាស្រុកសង្កែ បានដាក់ពាក្យគោរពជូនទៅ សម្ដេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ដើម្បីសុំលាលែងពីការងារ ដោយសារមូលហេតុ មានភាពមិនប្រក្រតីក្នុងការត្រៀមប្រកាសតែងតាំងអភិបាលរងស្រុកចំនួន ២ រូប បន្ថែមទៀត។
នេះបើតាមពាក្យស្នើសុំលាឈប់ពីតួទីការងារ កាលពីថ្ងៃទី ២១ ខែវិច្ឆិកា ឆ្នាំ២០២២ ដាក់ជូនសម្ដេចក្រឡាហោម ស ខេង តាមរយៈឯកឧត្តម អភិបាលនៃគណៈអភិបាលខេត្តបាត់ដំបង។
ក្នុងលិខិតបានបញ្ជាក់បន្ថែមទៀតថា កន្លងទៅនេះ ការងាររបស់លោកដែលបានចូលបម្រើតាំងពីឆ្នាំ ២០០១ មក ក្នុងនាទីជានាយករដ្ឋបាលសាលាស្រុកសង្កែ មូលហេតុដែលលោក គង់ សុគុណ្ណា បានដាក់ពាក្យស្នើសុំលាឈប់ពីតួនាទីការងារ ដោយសារថាមានបញ្ហាសុខភាពផ្លូវចិត្ត ករណីការតែងតាំងអភិបាលរងស្រុកចំនួន ២ រូប មានភាពមិនប្រក្រតីសម្រាប់រូបលោក គឺមានភាពអយុត្តិធម៌ ទើបលោកសម្រេចចិត្តសុំលាឈប់ពីការងារតែម្ដង។
បើតាមប្រភពពីមន្ត្រីសាលាស្រុកមួយចំនួនបាននិយាយថា អភិបាលរងស្រុក ២ រូប ដែលត្រៀមប្រកាសនោះ គឺ ៖ ១ រូប មកពីការិយាល័យអប់រំស្រុក និង ១ រូបទៀត ពីសាលាខេត្តតែម្ដង។
ជុំវិញទៅនឹងរឿងនេះ យើងមិនអាចសុំការបកស្រាយបន្ថែមពីលោក គង់ សុគុណ្ណា បាននោះទេ៕
![](https://blogger.googleusercontent.com/img/b/R29vZ2xl/AVvXsEhX8k9eVANAKYWP0SMFYNKzCB1JdmwiVBpCjtT-fvSGRP_37a1C0luDzT_U_d6un-Dp9l0ANoQ5LQnFTWj5sNO7LE9wIeeBxFy6brYnW-f9PzcfAEyM-cuWk4xInk097H8EydHl_WZ8UTHap8zgWyMqBYszF3r6nFJ7p7fOluYmQ2sDCByxLMbhe780sw/s1600/22%20%281%29.jpg)
![](https://blogger.googleusercontent.com/img/b/R29vZ2xl/AVvXsEgL4_7_Gl7aDxmDQ78kIc2ns3eaef5PE7Bgm0i4Y31R64TbSSzIuEsUKkzZ7SHRnF-Q3j4zJjyoSnzCZOtsUZ9o0YKu_SvY1XsaVvRkGbAnzJPAqMLFBNPXd2rYympP51nevHg9JjRxEDPuo1vYb2V_Gqs_xrTW5EC6PAwN9cRIX-uC_2-OXY-zCRmfBQ/s1600/22%20%282%29.jpg)