សិល្បៈ
មានការចាប់អារម្មណ៍ជាខ្លាំងក្រោយតារាចម្រៀងOriginal Song ចេន បានបង្ហាញអារម្មណ៍រីក រាយក្រោយភរិយារបស់ខ្លួនមានផ្ទៃពោះដែលជាដំណក់ឈាមរួមគ្នាក្រោយរៀបការបានជិត កន្លះឆ្នាំ ។
គេចាំបានថាតារាចម្រៀងរូបសង្ហា ចេន បានដឹកដៃភរិយាជាអ្នកនៅក្រៅសង្គម សិល្បៈរៀបការទៅតាមប្រពៃណីខ្មែរកាលពីថ្ងៃទី ២២ ខែឧសភា ឆ្នាំ ២០២២ កន្លងទៅ។បើទោះបី មិនសូវបង្ហាញរូបភាពឯកជនស្អិតរមួតនៅតាមបណ្តាញសង្គមដូចតារាដទៃក្តី ប៉ុន្តែប្តីប្រពន្ធ តារា គូនេះពិតជាមានក្តីសុខនិងសុភមង្គលជាខ្លាំង។ យ៉ាងណាមិញ នៅក្នុងថ្ងៃនេះតារាចម្រៀងចេន បានប្រកាសពីកាដូដ៏សែនមានន័យដែលលោកបានទទួលពីភរិយានៅចុងឆ្នាំនេះតែម្តង។
ជាមួយនឹងការចែករំលែករូបភាពដែលបង្ហាញថាភរិយាកំពុងមានគភ៌នោះតារាចម្រៀង ចេន បាន បានបង្ហាញអារម្មណ៍យ៉ាងរីករាយថា «កាដូខួបដ៏សែនមានន័យដែលមិនអាចកាត់ថ្លៃបានសម្រាប់ឆ្នាំនេះ 28/11/2022»។
សម្រាប់ការទទួលបាននូវសមាជិកថ្មីរបស់តារាចម្រៀង ចេន នៅក្នុងពេលនេះក៏ទទួលបានការ ចូលរួមត្រេកអរពីសំណាក់មិត្តភក្តិក្នុងនិងក្រៅសិល្បៈក៏ដូចជាហ្វេន ហ្វេនជាច្រើន ហើយក៏ មានការជូនពរឱ្យភរិយាក៏ដូចជាកូនក្នុងផ្ទៃមានសុខភាពល្អទៀតផង ។ ដោយសារភរិយាទើបពពោះ ដូច្នេះម្ចាស់បទ «អាក្របី»រូបនេះ មិនទាន់ ដឹងថាកូនដំបូងរបស់លោកមានភេទប្រុស ឬស្រីនៅឡើយទេ ៕
