សង្គម
ក្រោយពី Private អស់មួយរយៈពេលនេះបវរកញ្ញា ឆន ស្រីណេត បានបង្ហាញមុខបុរសម្នាក់ជា ជនបរទេសដោយបញ្ជាក់ថាជាគូដណ្តឹង ។ ការបើកបង្ហាញមុខគូដណ្តឹងជាសាធារណៈបែប នេះបានធ្វើឱ្យបុរសៗដែលលួចCrush ឆន ស្រីណេត ខកចិត្តមិនស្ទើរឡើយ ។
ចុងក្រោយនេះគេសង្កេតឃើញស្រីស្អាតដែលជាបវរកញ្ញាបានចាប់ផ្តើមបង្ហាញមុខមិត្តប្រុស របស់ខ្លួនជាបន្តបន្ទាប់ដោយអ្នកខ្លះថែមទាំងដឹកដៃគូស្នេហ៍របស់ខ្លួនភ្ជាប់ពាក្យថែមទៀតផង ។ ងាកមក ឆន ស្រីណេត ឯណេះវិញក៏មិនខ្លាចនឹងបង្ហាញមុខបុរសបរទេសច្រមុះស្រួចស្បែក សម្នាក់ដោយបញ្ជាក់ខ្លីថា«គូដណ្តឹងរបស់ខ្ញុំ»។
ការទម្លាយមុខមាត់គូដណ្តឹងតាមបណ្តាញសង្គមរបស់ ឆន ស្រីណេត ក៏ទទួលបានការចូលរួមជូនពរនិងត្រេកអរចំពោះនាងគ្រប់គ្នា។បើតាម ប្រភពមិនភក្តិជិតដិតរបស់បវរកញ្ញារូបនេះបានឱ្យដឹងថាអនាគតស្វាមីរបស់ ឆន ស្រីណេត ជាជនជាតិបារាំង។
ឆន ស្រីណេត ជាបវរកញ្ញាដែលប្រភពមកពីកម្ពុជាក្រោម នាងមានទាំងសម្រស់និងសមត្ថភាពហើយនាងក៏ជាបវរកញ្ញាដែលនិយមលេចមុខនៅក្នុងកិច្ចការងារសប្បុរធម៌ជាច្រើន ។ ថ្មីៗនេះ ឆន ស្រីណេត ទើបត្រឡប់មកពីចូលរួមនៅក្នុងកម្មវិធី Miss Tourism International 2022៕
