![](https://blogger.googleusercontent.com/img/b/R29vZ2xl/AVvXsEhcl_TDOzB5_i7lIe3ZM6L70mLiuZwmwuId4BlbOYff8O3cgukYz9G2hN1J1hZXh3RfDPFVxCK-NyHBvE0qEM89KDASZBIy2pr2KR-he76Fgf7WQYQvzSDrvmL_ToTyqP6fc9NDnOg1Vyz_YGCp2gWpGhjIwDGfkRG-mjAujEntTE0pQfVhCTsLKCs9PA/s1600/Thumbnail.jpg)
សិល្បៈ
ក្រោយបាត់មុខពីសិល្បៈមួយរយៈពេលនេះអតីតតារាចម្រៀងប្រចាំផលិតកម្ម M ស្រីស្អាត ផាត់ យ៉ាដា បានសម្រេចបញ្ចប់ភាពនៅលីវដោយបានដឹកដៃគូស្នេហ៍ភ្ជាប់ពាក្យនៅក្នុងថ្ងៃទី ០២ ព្រឹកនេះ។
សម្រាប់ការរៀបចំពិធីពិសាស្លាដកស្លាកន្សែងរបស់ស្រីស្អាត ផាត់ យ៉ាដា នៅព្រឹកនេះហាក់មិនសូវមានភាពអធិកអធមប៉ុន្មានឡើយ។ មិនតែប៉ុណ្ណោះគេក៏មិនឃើញមានវត្តមានអ្នក សិល្បៈចូលរួមដែរ តែយ៉ាងណាហ្វេន ហ្វេន ដែលជាអ្នកគាំទ្រអតីតតារាចម្រៀងប្រចាំផលិតកម្ម M រូបនេះបានសម្តែងការរីករាយ និងជូនពរចំពោះថ្ងៃពិសេសរបស់នាងគ្រប់គ្នា។
សម្រាប់គូដណ្តឹងរបស់ ផាត់ យ៉ាដា មិនមែនជាអ្នកនៅក្នុងសង្គមសិល្បៈលោកមានឈ្មោះថា ទ្រី លាងហៃ ។ គេនៅចាំបានថា ផាត់ យ៉ាដា ធ្លាប់ជាតារាចម្រៀងដែលមានប្រជាប្រិយភាពម្នាក់ដែរនៅក្នុងចំណោមតារាចម្រៀងប្រុសស្រីល្បីៗប្រចាំផលិតកម្មមួយនេះ តែគួរឱ្យស្តាយក្រោយផលិតកម្ម M បិទទ្វារ ផាត់ យ៉ាដា ក៏បានបន្សាត់ខ្លួនចេញពីអាជីពនេះដោយមិនអាល័យ ដែលធ្វើឱ្យអ្នកគាំទ្រមិនតិចទេសោកស្តាយព្រោះនាងជាតារាចម្រៀងដែលមានទាំងសម្រស់ និងសំឡេង។
បទចម្រៀងល្បីៗរបស់តារាចម្រៀង ផាត់ យ៉ាដា មានដូចជាបទ«អូនទេជាអ្នកឈឺខ្លាំង» «ចាំបងបែកពីគេ»និងបទ«ចង់ធ្វើអ្វីក៏ធ្វើចុះ» ជាដើម៕
![](https://blogger.googleusercontent.com/img/b/R29vZ2xl/AVvXsEgV7JBViwfPxc2qqMpJqyRmxJJrp-N0Pvc-9Ns0uw-Vh7XWeCVxB2OhfyiI_3YcIKcgxIsiqV811fFtyPT95G_G6mHL_DOVGvwxiAJmaRIKSTvOLdocb7alu-QrsCSepn_u98tZtyuCLllNLZ34JLMIyHIXxZFxS4TUHVRTUIoqnwfhviw4cN-EkBlPMg/s1600/photo_2022-12-02_12-10-22%20%282%29.jpg)
![](https://blogger.googleusercontent.com/img/b/R29vZ2xl/AVvXsEhOnY1Lsx8meqjkmCwfZqSFmG96ixi-hwjp5bcL-BObaMjUvPywvGvedbyKcQ6RJft_amJgcqFLNa_yqcuZsOTDZ2kwEj8Bl2ayR6Htgfpd1ISigJpiBMzcTdaV_dq55Yo50P9GRP3wjtBFxjMMP8xSs9NzwltujIdRrkbfyHLnZ-ITsgE5Zyg__GS4HA/s1600/photo_2022-12-02_12-10-22.jpg)
![](https://blogger.googleusercontent.com/img/b/R29vZ2xl/AVvXsEgAkw6cD90rkxLUPUDFyvJmXpvV9i60uWnounnWC6zebPoGI3raJxt-uoOKLBslDRyONo_YgFFIvhi8EueKgeh4fYC7uos0HTilRblu0dhuLaEIxgEYU60vOl8tAL6YGtqL_LbQ1HykGGhEj_A-Ayg2vfuxbKm2l7l8J89Zk4WejKvJQb7Bnl2s6sCJrg/s1600/photo_2022-12-02_12-10-23.jpg)
![](https://blogger.googleusercontent.com/img/b/R29vZ2xl/AVvXsEiy_mHEyBLz9uZBpRPj7Y9sByQAi60D7LRxydsNwBEriQjaiEaK5WdS0MtmlythjIQ2l5xVdeWCCaurp5uFZTDxetnRSuf1kfV1G_sYlYiQXB7zZg771r_Ux8wB79HrDthZxbNYbo-6xBzn8m8w_132UMUEsmvjWm6oHeUHE66O0NOzZrDQBwJbvzJZoA/s1600/photo_2022-12-02_12-10-24.jpg)
![](https://blogger.googleusercontent.com/img/b/R29vZ2xl/AVvXsEhmbyaXu8O1UX-QInXh-TviebOZ6L3YqFhM4E7z00nEe_StNVoZdlujdAylWQ4KI6us_UuzX6OQ8Z-1L-xVkIQsAgRieYvIv79ac9uQCptqPImk1cDVVd6U5zXJJhAuG5s66k0EEFBkuAUtUgZ4USEV9QrFv_Y9yZp8Qb56cxV--C4x40Gi6E1rKm6dbg/s1600/photo_2022-12-02_12-10-26.jpg)
![](https://blogger.googleusercontent.com/img/b/R29vZ2xl/AVvXsEg2J-gwR4WCKnfy85LtePFUge1AtotGFHw2YXVzynuACusT35Q4ktKRtOXwSxAm78eAX4MDhuEhkf3i33VVD9NQ_MCGQs1UO42NR6YL7Ax4fXms_TGr3jctdBolKD4349QN5cLNdcGnfajtfbPxJxZG9odw9JtWUjwlczCWvftHUOhpWZCshksHv3X9pw/s1600/photo_2022-12-02_12-10-27.jpg)