សង្គម
ចាប់តាំងពីចូលប្រឡូកក្នុងសិល្បៈរហូតមកដល់បច្ចុប្បន្នគេកម្រឃើញលោក អេនឌី បង្ហាញ មុខគូស្នេហ៍ឬរៀបការម្តងណាឡើយ ប៉ុន្តែស្ងាត់ៗលោកបានបង្ហាញមុខកូនប្រុសពេញជំទង់ ម្នាក់ដែលមានមុខមាត់ស្រស់សង្ហាស្រដៀងលោកតែម្តង ។
អេនឌី គឺជាតារាចម្រៀង និងសម្តែងប្រុសម្នាក់ដែលមានសំណាងព្រោះកន្លងមកលោកបាន ថតរូបភាពបែបសិល្បៈសិចស៊ីជាមួយតារាស្រីល្បីៗជាច្រើនដួងនៅក្នុងពិភពសិល្បៈដែលធ្វើ ឱ្យបុរសៗមិនតិចទេច្រណែនរូបលោក ។
អ្វីដែលចាប់អារម្មណ៍ប្រឡូកក្នុងសិល្បៈច្រើនឆ្នាំ លោក អេនឌី មិនដែលបង្ហាញមុខមាត់គូស្នេហ៍ឬលេចឮទំនាក់ទំនងស្នេហាជាមួយនារីណា នោះទេ ប៉ុន្តែថ្មីៗនេះគេបានឃើញលោក អេនឌី បង្ហាញវត្តមានក្មេងប្រុសម្នាក់ដែលមានវ័យ ប្រមាណជាង ១០ឆ្នាំ នឹងមានមុខមាត់ស្រដៀងលោកដោយបញ្ជាក់ថាជាកូន ។ ក្នុងនោះក៏ មានមហាជនមួយចំនួនបង្ហាញការងឿងឆ្ងល់ព្រោះកន្លងមកមិនដែលលេចឮថាលោក អេនឌី រៀបការនោះទេ។
ជាមួយនឹងការទម្លាយពីមុខមាត់កូនប្រុសលោក អេនឌី បានរៀបរាប់ថា«អរគុណកូនប៉ា សម្រា ប់កាដូថ្ងៃខួបកំណើតប៉ានៅថ្ងៃស្អែក ( 12.12.2022 ) ប៉ាពិតជារំភើបចិត្តខ្លាំង ណាស់សម្រាប់ កាដូមួយនេះប៉ាសូមជូនពរឱ្យកូនមានសុខភាពល្អ សំណាងល្អ ប្រាថ្នាអ្វីៗសូមឱ្យបាន សម្រេច ដូចបំណងនឹងសូមឱ្យជោគជ័យក្នុងជីវិតណាកូនសម្លាញ់ប៉ា ( 11.12.2022 )»។
ការលើកឡើង របស់ អេនឌី បែបនេះក្រោយកូនប្រុសរបស់លោកបាននិទ្ទេសល្អនៅក្នុងការប្រលង ប្រជែង គណិតវិទ្យាកាលពីថ្ងៃទី ១១ ម្សិលមិញនេះ ។
គួរបញ្ជាក់ថាលោក អេនឌី ធ្លាប់ជាតារាចម្រៀង និងសម្តែងម្នាក់ដែលមានប្រជាប្រិយភាពខ្ពស់ កាលពីជាង ១០ឆ្នាំមុន ។ មិនតែប៉ុណ្ណោះលោកត្រូវបានគេចាត់ទុកជាតារាប្រុសដែលមាន សម្បុរសខ្ចីតារាស្រីល្មមសុំៗខ្មាស់ ។ កាលណោះបទចម្រៀងរបស់លោកដែលទទួលបានការ គាំទ្រពីសំណាក់មហាជនគឺបទ«នឹកបង ៥០ភាគរយ»៕
