សង្គម
ច្បាស់ហើយក្រោយចប់កិច្ចសន្យានៅផលិតកម្មហង្សមាសតារាចម្រៀង ខេមរៈ សិរីមន្ត មិនបានបន្តកិច្ចសន្យានៅផលិតកម្មធំនេះទៀតឡើយ ។ ពោលលោកបានបោះជំហានចូលផលិត កម្មរបស់អ្នកឧកញ៉ា ឡេង ណាវ៉ាត្រា ដែលត្រៀមនឹងបង្ហាញបទចម្រៀងថ្មីៗនេះក្នុងពេល ឆាប់ៗ នេះ។
បើទោះតារាចម្រៀង ខេមរៈ សីរីមន្ត មិនទាន់ប្រកាសប្រាប់អ្នកគាំទ្រពីទ្រនំថ្មីរបស់ខ្លួនក៏ពិតមែន តែមានការលើកឡើងថា ១០០ភាគរយ ខេមរៈ សិរីមន្ត នឹងចូលផលិតកម្មហ្គាឡាក់ស៊ី របស់អ្នកឧកញ៉ា ឡេង ណាវ៉ាត្រា ។
មានការលើកឡើងពីសំណាក់ហ្វេន ហ្វេនថាផលិតកម្ម ហា្គឡាក់ស៊ីប្រាកដជាផ្ទុះខ្លាំងខណៈតារាចម្រៀងល្បីពីរដួងដែលស្ពាយងារជាឧកញ៉ានឹងបង្ហាញវត្តមាននៅក្នុងផលិតកម្មនេះ ។ ខ្លាពីរប៉ះគ្នានៅទ្រនំតែមួយពិតជាមិនធម្មតាឡើយ ។ ហ្វេន ហ្វេន រំពឹងថានឹងបានស្តាប់បទចម្រៀងថ្មីៗរបស់តារាចម្រៀង ខេមរៈ សិរីមន្ត នៅក្នុងផលិត កម្មហ្គាឡាក់ស៊ីនៅក្នុងពេលឆាប់ៗនេះ ។
គេមិនទាន់ដឹងច្បាស់ថានឹងមានពិធីរៀបចំទទួលជាផ្លូវការដល់តារាចម្រៀង ខេមរៈ សិរីមន្ត ចូលផលិតកម្មរបស់អ្នកឧកញ៉ា ឡេង ណាវ៉ាត្រា នៅពេលណាជាក់លាក់ឡើយ ។ ប៉ុន្តែមាន ការព្រលយពីសំណាក់អ្នកធ្វើការនៅក្នុងផលិតកម្ម នេះថាអាចនឹងដើមឆ្នាំ ២០២៣ ខាងមុខ នេះ ។
ចុងក្រោយនេះតារាចម្រៀង ខេមរៈ សិរីមន្ត បានប្រកាសចូលប្រឡូកក្នុងការច្រៀង សកម្មឡើងវិញក្រោយខកខានពីអាជីពនេះ មួយរយៈពេលដោយងាកទៅពង្រឹងជំនួញ អចលទ្រព្យ៕
