![](https://blogger.googleusercontent.com/img/b/R29vZ2xl/AVvXsEhLXXzkudfgkm3CcPLJbYs-UZ1wofKM78S1fxgLAOuWs2kg7dQC537-v2M_iFb3OaphnX6743ImGpEnSuudwOtUH9hbvqXYRsllJCPFAKlk-Aj6XfLBaVTgvgFicxf6zKfsD6-2XitC4vKHLoc8mdCjYekp3j82qlLyatWMQzgHux_ijWJAsJRiCZ3Bkw/s1600/Thumbnail.jpg)
សិល្បៈ
សម្រាប់កម្មវិធីប្រឡងចម្រៀងលំដាប់ពិភពលោក The Voice Kids Cambodia រដូវកាលទី៣បានឈានដល់វគ្គពាក់កណ្តាលផ្តាច់ព្រ័ត្រហើយ បេក្ខភាពកុមារដែលឈានមកដល់វគ្គនេះសុទ្ធមាន សមត្ថភាពពិសេសមិន ថាសំឡេង និងចំណុចទាក់ទាញរៀងៗខ្លួន។អ្វីដែលគួរឱ្យចាប់អារម្មណ៍មហា ជនជាច្រើនបានបង្ហាញនូវអារម្មណ៍សោកស្តាយនិងមិនពេញចិត្តខណៈកុមារី វឿន ពិសី មិនអាចបន្តទៅវគ្គផ្តាច់ព្រ័ត្រ។
គួរបញ្ជាក់ថាកុមារីវ័យ ១៣ឆ្នាំ វឿន ពិសី ក៏ជាបេក្ខភាពកុមារីម្នាក់ដែលមាន សមត្ថភាពខ្ពស់ពោលមានទឹកដមសំឡេងផ្អែមពីរោះមិនចាញ់មនុស្សធំ ហើយ មួយវិញទៀតសោត វឿន ពិសី ក៏មានរូបសម្រស់ស្រស់ស្អាត គួរឱ្យស្រឡាញ់ ផងដែរ ។ វឿន ពិសី ក៏ជាគ្រាប់ពេជ្រនឹងជាកូនក្រុមរបស់តារាច ម្រៀង ឱក សុគន្ធកញ្ញា តែអ្វីដែលគួរឱ្យស្តាយ វឿន ពិសី មិនបានទទួលជោគជ័យនឹងបន្ត ទៅប្រកួតនៅក្នុងវគ្គផ្តាច់ព្រ័ត្រនៅសប្តាហ៍ក្រោយឡើយ ។
សម្រាប់ការប្រកួតវគ្គពាក់កណ្តាលផ្តាច់ព្រ័ត្រ The Voice Kids Cambodia រដូវកាលទីបីកាលពីថ្ងៃសៅរ៍ទី ១៧កន្លងទៅនេះ កូនក្រុមរបស់តារាចម្រៀង ឱក សុគន្ធកញ្ញា មានកុមារី វឿន ពិសី ពៅ ស្រីនីត ផុន វុទ្ធីសិទ្ធីកា និងកុមារា គុំ ចាន់តារា ។ ក្នុងនោះកុមារី វឿន ពិសី បានលើកយកបទចម្រៀងដែលមាន ចំណងជើងថា«ហត់ទេស្រឡាញ់គេម្នាក់ឯង» មកបកស្រាយយ៉ាងពីរោះដោយ ទទួលបាននូវការគាំទ្រលើកទឹកចិត្តពីសំណាក់ទស្សនិកជនជាច្រើន ប៉ុន្តែជា លទ្ធផលក្មេងស្រីរូបនេះពុំទទួលបានជោគជ័យឡើយដោយនាងទទួលបានសំឡេងបោះឆ្នោតតិចហើយមិនទទួលបានការជ្រើសយកពីសំណាក់គណៈកម្មាការតារាចម្រៀង ឱក សុគន្ធកញ្ញា ដើម្បីបន្តទៅប្រកួតវគ្គផ្តាច់ព្រ័ត្រនៅក្នុងថ្ងៃទី សៅរ៍ទី ២៤សប្តាហ៍ខាងនេះឡើយ ។
ការបាត់បង់ឱកាសក្នុងការបន្តទៅប្រកួតនៅវគ្គផ្តាច់ព្រ័ត្ររបស់កុមារី វឿន ពិសី បានធ្វើឱ្យអ្នកលេងបណ្តាញសង្គមជាច្រើនកើតទុក្ខមិនសុខចិត្តនឹងបានបញ្ចេញមតិវែកញែកពេញបណ្តាញសង្គមដោយម្នាក់ៗបានលើកឡើងថា«យ៉ាងណាផលិតកម្មហង្សមាសមិនគួរមើលរំលងសមត្ថភាពក្មេងស្រីនេះទេជាគ្រាប់ពេជ្រល្អមួយ»«ចូលរួមសោកស្តាយពិសី ខ្ញុំនៅតែគាំទ្រ »
«ហេតុអ្វីពិសីមិនជាប់កុំចុះ ចាញ់ណាខ្ញុំនៅតែគាំទ្រ្ »«ពីរោះប៉ិណ្ណឹងហើយមិនជាប់រកបុណ្ណាទៀត «ស្តាយ សមត្ថភាពពិសីណាស់»«គាត់ខ្លាំង មិនធម្មតាបែរជាមើលរំលង»«ក្នុងចំណោម បេក្ខភាពទាំងអស់ពិសីសមត្ថភាពវ៉ាដាច់គេគួរតែជាម្ចាស់ពានមិនសមធ្លាក់សោះ»«អស់អារម្មណ៍ចង់មើលកម្មវិធីនេះទៀតហើយ»ជាដើម ។
គួរបញ្ជាក់ថានេះមិនមែនជាលើកដំបូងដែល វឿន ពិសី បានដាក់ពាក្យចូលរួម ប្រកួតកម្មវិធី The Voice Kids Cambodia នេះ ពោលកាលពីរដូវកាលទី ២ កន្លងទៅ ពិសី ក៏ធ្លាប់បានបង្ហាញសមត្ថភាពរបស់នាងម្ដងរួចហើយដោយ កាលណោះនាងមានវ័យត្រឹម ៩ ឆ្នាំប៉ុណ្ណាះ៕
![](https://blogger.googleusercontent.com/img/b/R29vZ2xl/AVvXsEh_VcWLBC2Lg2WrtDBcivFDlgmiAe4NcMn0l5u4Lf7KHXkhP36FOVPGdOjADOeUgcItaVxyg9HE81SH_ey1rkoWUIJYfFmNxcW0wrelyNd40LWnAyodIUmE4vhZrLRsvZXo9xgMxhO-i8Rvfg5ssSYE2I-xLstHWhW-aAAkbg2s_WDJycAN9GbdgrktuQ/s1600/photo_2022-12-19_11-35-14%20%282%29.jpg)
![](https://blogger.googleusercontent.com/img/b/R29vZ2xl/AVvXsEh1KZX1BEX5syB-PDQck1NaK9IZPRGdeg5zuxg_6A_5ZhvyiphxiM6fEi2tv8wQR58ecwbQFKEnbYPHReGGfGF_Zop5BELg-LjMGzB8PYEvEUrpJ71cUjBOkg_OE4FgKFd9s65NDV-vvkNt8EwW_AS0wGndtm9YYkNnX7Mu1em2GZkOBavLbtEQsYrRAQ/s1600/photo_2022-12-19_11-35-14.jpg)
![](https://blogger.googleusercontent.com/img/b/R29vZ2xl/AVvXsEh5470UDNHE6JXzu-vJB5OtIYWTMPtzuFNFt7zShRIv3loNEk6atnRnGKSKzwd1MT2yexR8zmifMgS2N3RUBkzbIaXYnDI4hiBB20BalKlQJUq5wgU3gfFOolVFRd641b4ELA4kT89wgfLiHuIN9GN9tGIAPZ1ABGiUN8jVb_DLO3Dv5PkTdTxW95qcdg/s1600/photo_2022-12-19_11-35-15%20%282%29.jpg)
![](https://blogger.googleusercontent.com/img/b/R29vZ2xl/AVvXsEhkSKS_jSTMiNQnVCtBF04FtApDX2xsGNLInYq4Echlr7Ipu-xDpAfJ5YZqXncv6kAI7RYsytIhONXUKU4eZwgk_OKmPqa_z_oTjy6w8Yo2l_Dw318eOKT56bE-5rEhUar9dfTg5n2wjND_cJ1BAEzoaykL6Iebwz2D6_Wovg29BKhwqXxRWw6XBrt7ig/s1600/photo_2022-12-19_11-35-15%20%283%29.jpg)
![](https://blogger.googleusercontent.com/img/b/R29vZ2xl/AVvXsEhSjgaJzxrmt7cl8eB9P_wuA_xEaUTD9D6PIuDbrJ-r8QkYJ9V_bbcXa0BQfFwdqO9mpr1uvi5zxUG-rs44eWIfz-q2sbAFhsy5cR_DcH8C4dEE2uqukpm3sIdYuXcNiOGN85zwqfd2Aqu9207QxWZXRjRphgas3qPyOLoc42QmOGUE8BY7gKlz2qcHHg/s1600/photo_2022-12-19_11-35-15%20%284%29.jpg)
![](https://blogger.googleusercontent.com/img/b/R29vZ2xl/AVvXsEgmgGdTBZ7MzVjs_DRmDoVuMwOi8srM2YV3ys0RU-8Q84Tz5Fxho1sLRHVAS_2bKstvekNhqnFpR_Ic6iv3C52X8utJeKgPR5HSVYFsdpra661lWnosWzinfczi7NZdckyUUgME7m4RtkO3p1f9W8_oBuqcZG_57l1-Qwt14BMjshlG2_yeeJVPRihb5w/s1600/photo_2022-12-19_11-35-15%20%285%29.jpg)
![](https://blogger.googleusercontent.com/img/b/R29vZ2xl/AVvXsEgHUtvvP22d-nimb-y7AmSAueLiFY7UhucpBl_8_LkExhDHEBzrCpnkCuVzUsBAZnin3S_cch2XiLe41vQFAVX_2BUk3WENTkUz6Db_xju5Y_aIfty7nbkHNCLC6-hBv6kpmNAckUJx614FGYOxyzLIFun2566tGZC6Y0kqr69NXApyDuXTXb2XnVuV7A/s1600/photo_2022-12-19_11-35-15.jpg)
![](https://blogger.googleusercontent.com/img/b/R29vZ2xl/AVvXsEjX6Lwoaix6IPl_IcjRvmu7F8U8crb5giWBqTgglWDvj_4w3Uz5stQGl4b2HHDb-7NAWhW4o3izJmxCT5KbXiZe-r0TJIDZiH5w5EXSgQOsRmF4ru5R0UsMPrwuRYroZS84l2UQP9kZcJwoM7Zk7Jj2dPW2dXiQb6UmDENIou9UV--B6Umztl-fuGcqEg/s1600/photo_2022-12-19_11-35-16%20%282%29.jpg)
![](https://blogger.googleusercontent.com/img/b/R29vZ2xl/AVvXsEgqout13dqt9eH0scq7amCuV31Rq1U2TRKdEtN_r8Ypgdy2ZMPkUMdB1fTJlKDAAySOAwB-YNGnPdjOJ4L8K3ceNNDmnnyeEcO99YRM71gblRq54ehsCuzjfiWrvYfOuniPAeFPpUGpMpM6ilchxU8t08s1YXi7F-cqD-Vow3S2awwUIoxqgShSx0e8rA/s1600/photo_2022-12-19_11-35-16.jpg)
![](https://blogger.googleusercontent.com/img/b/R29vZ2xl/AVvXsEgUPHm2I08niW3qWp4tVHRMKRs1hpfvVVkFb55hU7X9Em7gsakTGpCb2YMKu3NptuEy5Prg22suWOOe8DhzlzR1C3bAk__04lmYNMVNCQBbHs-9h93NFdXq1CZwEpXdoq9I8OKa4DCAyv80nDK1IUAQpf6EsWzVYMNW_LfORIJMNu_A7_9t3gJCGk7gpA/s1600/photo_2022-12-19_11-35-17%20%282%29.jpg)
![](https://blogger.googleusercontent.com/img/b/R29vZ2xl/AVvXsEgp2j4-Jf5yHPf5wb0rikp8qRS4A0XWb2EIzk_rnA9X5CL0l-VIk_QBb8iLvkJekWvTonD-hg759UsNLYkTHVFLh3kTMJ6LDGuaI2u5NG3QAtKBHYqlUiPBHdvoDGri1YoHrw8QGYrjud6DYYtPPW0ZakFLmq38uvxYi7IkpCAcZ8jFQMdYb6OXNZc7Rw/s1600/photo_2022-12-19_11-35-17%20%283%29.jpg)
![](https://blogger.googleusercontent.com/img/b/R29vZ2xl/AVvXsEi9LVKHJeDvyia_ewArNKPSe2HOwFF07cw_NpRvlts1t-E7IjphZgk8YKCXIqHf6sErVruv1sEPKcjf9zmihgcKgpxX8sAXtxe9AHoI6O1Il7hhJ5J322rgRR0TSWQ54CR8jLKXOvh0x6_mT0HQF1BDghQFaACyH0a9dEl5VKEI3a1rRXmW7-BFJQ7CHw/s1600/photo_2022-12-19_11-35-17.jpg)
![](https://blogger.googleusercontent.com/img/b/R29vZ2xl/AVvXsEjRr1AfYAmXv8cPpUERBhzdejiAKJ8KBTpcuYbouVLjo1qtAqDwyNLlms-ltfDA6725IYXBlq-Z2VUI_AhQeFlsrwdbMQw--NULCwRAsCxzCrqSZZSKMbgJ_ZWU47cpErfhqt9Mn3D03rX8lvsU4HyDdzzM_WfpVj8-tPSDTca18VXkgJoO47dr31n4rw/s1600/photo_2022-12-19_11-35-18.jpg)
![](https://blogger.googleusercontent.com/img/b/R29vZ2xl/AVvXsEjeIR_RqGsghI1vYZbKfQBXYstqDlVZhVncfSnDimddKmtQlAuzz71rstEdbrvWMwu16FEAAQ3yTomqID5Y8s1KsfrlT0e6lbUvus-EkiWTQyusvy4ArP0zzQH3YKvpgWNknE6ISJsHzDlNHADHxPocToIqpDxSyer3cVrAs3GAdiaGYNGLncko8r5oJA/s1600/photo_2022-12-19_11-37-07.jpg)