សង្គម
មានការចាប់អារម្មណ៍ជាខ្លាំងក្រោយពីថ្មីៗនេះគេបានឃើញតារាចម្រៀងពូកែក្រម៉ិចក្រម៉ើម ទូច ស្រីលក្ខណ៍ បានបង្ហាញធៀបការនៅក្នុងគណនីយហ្វេសប៊ុក ដែលធ្វើឱ្យអ្នកគាំទ្រមានការសាទរគ្រប់គ្នា ។ ប៉ុន្តែយ៉ាងណា ទូច ស្រីលក្ខណ៍ មិនបានបញ្ជាក់ថាជាធៀបការរបស់នាងឬបែបណាឡើយ។
តាមរយៈរូបភាពមួយសន្លឹករបស់តារាចម្រៀង ទូច ស្រីលក្ខណ៍ រួមនឹងធៀបការ ជាច្រើននោះតារាចម្រៀងរូបនេះបានបង្ហោះសារដែលមានអត្ថន័យថា«ធៀបការត្រូវបានបញ្ចប់នៅក្នុងនេះ អរគុណភ្ញៀវ ដែរមានវត្តមាននៅថ្ងៃ ខាងមុខ ឆាប់ៗ នេះអរគុណលោកគ្រូនាយកសាលាហៅគឹម វណ្ណៈ បានជួយសំរួលធៀបនឹង ឆែកឈ្មោះភ្ញៀវឆាប់ៗនេះ ថ្ងៃថ្មីតោះចាំមើល»។
ទោះមិនបានបញ្ជាក់ថាធៀប ការនេះជារបស់អ្នកណាក៏ពិតមែន តែអ្នកគាំទ្រជាច្រើនសុទ្ធតែគិតថាកូនក្រមុំ គ្មាននរណាក្រៅពី ទូច ស្រីលក្ខណ៍ ឡើយ ព្រោះនរណាក៏ដឹងថានាងមានគូ ស្នេហ៍ហើយជាលោកគ្រូកីឡារូបសង្ហាហើយពួកគេថែមទាំងមានជំនួញរួមគ្នាទៀតផង ។
គេចាំបានថាក្រោយបែកផ្លូវជាមួយស្វាមីជាជនជាតិបរទេសដោយបន្សល់កូនមួយជាចំណងដៃ ទូច ស្រីលក្ខណ៍ រងការឈឺចាប់ជាខ្លាំងរហូតនាងមានជំងឺផ្លូវ ចិត្តធ្ងន់ធ្ងរថែមទៀត តែដោយសារការលើកទឹកចិត្តពីសំណាក់មិត្តភក្តិក៏ដូចជា ក្រុមគ្រួសារនិងកូនប្រុសនោះ ទូច ស្រីលក្ខណ៍ ក៏បានសះស្បើយនឹង ស្រស់ ស្រាយជាធម្មតាហើយថ្មីៗនេះនាងក៏បានវិលចូលសិល្បៈដោយចាប់ដៃគូជាមួយ លោក យូ ឌីស្កូ ជាដៃគូចាស់វិញ ។ មួយវិញទៀតទូច ស្រីលក្ខណ៍ ក៏បាន លេចមុខនៅក្នុងកម្មវិធីនានាជាច្រើនរបស់មិត្តភក្តិក្រោយខកខានប្រមាណជាបួនឆ្នាំ ។ បើក្រឡេកមើលរូបសម្រស់វិញក៏ទាក់ទាញនិងស្រស់ស្អាតជាងមុន ដែរ៕
