សង្គម
ជឿជាក់ថាអ្នកគាំទ្រជាពិសេសអ្នកនិយមលេងបណ្តាញសង្គមនឹងចូលចិត្តតាមដានជីវិតឯកជនរបស់តារាក្នុងសិល្បៈពិតជាបានដឹងហើយថាចុងក្រោយនេះ ឈិន ម៉ានិច្ច បានសម្តែងភាពឡូយឆាយតាមរយៈសម្ភារៈទំនើបៗដែលមាន ដូចជា គ្រឿងអលង្ការពេជ្រ រថយន្តទំនើបៗ និងផ្ទះវីឡាដែលសាងសង់ជិត រួចរាល់ជាដើម ។ នេះជាមូលហេតុសំខាន់មួយដែលធ្វើឱ្យតារាចម្រៀងដែល មានប្រភពមកពីខេត្តកំពង់ស្ពឺរូបនេះបង្ហាញភាពហ៊ឺហាបែបនេះ។
កន្លងមកគេធ្លាប់តែឃើញតារាចម្រៀង ឈិន ម៉ានិច្ច តែងខ្លួនបែបសុភាពៗ តែថ្មីៗនេះនាងចាប់ផ្តើមបង្ហាញសម្ភារៈទំនើបៗនៅតាមបណ្តាញសង្គមដែលមានដូចជាគ្រឿងអលង្ការពេជ្រទាំងឈុតៗជាដើម។ ក្នុងនោះដែរ ឈិន ម៉ានិច្ច បានលើកឡើងថា«ចង់បង្ហាញរឿងខ្លះឱ្យមនុស្សខ្លះបានឃើញ»។ សម្តីមួយនេះ សបញ្ជាក់ ឈិន ម៉ានិច្ច ចង់បង្ហាញពីភាពជោគជ័យរបស់នាងទៅដល់មនុស្ស ដែលធ្លាប់មើលងាយចំពោះជីវភាពរបស់នាងកន្លងមក ។
អ្វីដែលធ្វើឱ្យមិត្តភក្តិក៏ដូចជាអ្នកគាំទ្រកាន់តែភ្ញាក់ផ្អើលនោះពេលនេះ ឈិន ម៉ានិច្ច បានបង្ហាញសមាជិកថ្មីដែលត្រូវបានគេដឹងថាជាផ្ទះវីឡាដ៏ស្រស់ស្អាត របស់នាងដែលសាងសង់ជិតរួចរាល់ តែនាងបែរជានិយាយថាលែងចង់ទៅរស់ នៅទីនោះវិញ។បើតាមដឹងនេះជាផ្ទះផ្ទាល់ខ្លួនទីពីររបស់នាងបន្ទាប់ពីផ្ទះនៅបុរីវិមានភ្នំពេញ។
ការផ្លាស់ប្តូរស្ទីលនៃការរៀបចំខ្លួននឹងភាពមានបានរបស់តារាច ម្រៀងប្រចាំផលិតកម្មហង្សមាសរូបនេះធ្វើឱ្យមានការសង្ស័យថា ឈិន ម៉ានិច្ច នឹងមានដំណឹងល្អនៅក្នុងពេលឆាប់ៗនេះ៕
