សិល្បៈ
មានការចាប់អារម្មណ៍ជាខ្លាំងខណៈថ្មីៗនេះអតីតបវរកញ្ញាភេទទីបីឆ្នាំ2021 សៃ ហ្វុន បានបង្ហាញមុខគូស្នេហ៍ជាចំហតាមបណ្តាញសង្គមជាបុរសមានរូបរាង ស្រស់សង្ហាខ្លាំងលើកដំបូង ។ មិនតែប៉ុណ្ណាះ សៃហ្វុន ថែមទាំងបង្ហាញកាដូ ខ្សៃកពេជ្រដែលនាងបានទទួលពីម្ចាស់ចិត្តនៅក្នុងឱកាសបុណ្យគ្រឹស្តម៉ាសនេះទៀតផង។
ជឿជាក់ថាអ្នកគាំទ្រពិតជាបានស្គាល់ពីសមត្ថភាពនិងសម្រស់ដ៏ផូរផង់របស់អតីត Miss Queen Cambodia 2021 សៃហ្វុន ដែលពេលនេះកំពុងមានទីផ្សារ ការងារសិល្បៈជាច្រើន។ អ្វីដែលកត់សម្គាល់ទោះមិនមែនស្រីពិត សៃហ្វុន បានធ្វើឱ្យបុរសមិនតិចទេលង់ស្នេហ៍ព្រោះកញ្ញាមានសម្រស់ផូរផង់គួរឱ្យក្នាញ់។
ប៉ុន្តែគួរឱ្យស្តាយថ្មីៗ នេះអតីត Miss Queen Cambodia 2021 សៃហ្វុន បានបង្ហាញរូបភាពយ៉ាងផ្អែមល្ហែមជាមួយគូស្នេហ៍ជាលើកដំបូងនៅតាមបណ្តាញសង្គម។មួយវិញទៀត សៃហ្វុន ក៏បានបង្ហាញនូវកាដូខ្សែកពេជ្រយ៉ាងស្រស់ ស្អាតមួយខ្សែដែលកញ្ញាបានទទួលពីមិត្តប្រុសនៅក្នុងឱកាសបុណ្យគ្រឹស្តម៉ាសកាលពីថ្ងៃទី២៥យប់ មិញនេះ។
មិនមែនទើបទំនាក់ទំនងគ្នាទេការពិត សៃហ្វុន និងម្ចាស់ចិត្តបានភ្ជាប់ស្នេហ៍ ប្រមាណជា៥ឆ្នាំមកហើយ។ ជាមួយនឹងរូបភាពដ៏រ៉ូមែនទិកជាមួយមិត្តប្រុសដ៏ ស្រស់សង្ហា សៃហ្វុន បានភ្ជាប់សារដែលមានអត្ថន័យថា« Christmas Day anniversary 5 year thank you so much for behind me for your love I want to say I love you»។ ភាពផ្អែមល្ហែមរបស់អ្នកទាំងពីរក៏បានធ្វើឱ្យអ្នក គាំទ្រមានការត្រេកអរនិងលាន់មាត់សរសើរគ្រប់គ្នា៕
