សិល្បៈ
តារាសម្តែង តូតា បានបង្ហាញអារម្មណ៍រីករាយជាខ្លាំងក្រោយទទួលបានកាដូដ៏មានតម្លៃគឺការ ពពោះសមាជិកទីពីរតាមបំណងនៅក្នុងដំណាច់ឆ្នាំ ២០២២នេះ។ ការពពោះកូនទីពីររបស់តារា សម្តែងរូបនេះក៏បានធ្វើឱ្យមិត្តភក្តិក្នុងនិងក្រៅសិល្បៈចូលរួមត្រេកអរគ្រប់គ្នា ។
ដ្បិតជាការពពោះកូនទីពីរក៏ពិតមែន តែ តូតា បានបង្ហាញក្តីរំភើបជាខ្លាំងដោយនាងបាន បង្ហាញលទ្ធផលតេស្តទឹកនោមបញ្ជាក់ថាមានកូនរួមដោយសារខ្លីដែលមានអត្ថន័យថា«ស្វាគមន៍សមាជិកថ្មីគួរអោយស្រលាញ់»។ ដោយឡែកស្វាមីរបស់នាងលោក ប៉ុល វិបូ ឯណេះ វិញក៏បានលើកឡើងថាបន្តិចទៀតកូនប្រុស បូនីតូ មានប្អូនលេងហើយ ។
តារាសម្តែង តូតា ចាប់ផ្តើមយកកូនទីពីរក្រោយកូនច្បងរបស់នាងមានវ័យពិតជិតពីរឆ្នាំ ។ ដោយសារកូនដំបូង ជាកូនប្រុសដូច្នេះទាំង តូតា និងស្វាមីរំពឹងថាកូនទីពីរជាកូនស្រី ។
តារាសម្តែង តូតា ជាសិល្បការិនី ដែលមានកេរ្តិ៍ឈ្មោះបោះសំឡេងកាលពីប៉ុន្មានឆ្នាំមុន តែក្រោយនាងរៀបការនៅដើមឆ្នាំ ២០២០ តូតា បានខកខាននៅក្នុងអាជីពមួយនេះស្របនាង ក៏មានជំនួញនៅក្នុងដៃធំៗជាច្រើន ។
តារារូបនេះត្រូវបានគេចាត់ទុកជាតារាស្រីដែលមាន សំណាងព្រោះនាងមិនត្រឹមទទួលបានការស្រឡាញ់ពីសំណាក់ស្វាមីប៉ុណ្ណោះទេសូម្បីតែ ឪពុកម្តាយក្មេកក៏ពេញចិត្តនិងស្រឡាញ់នាងគ្រប់គ្នា ។ ក្រោយពីសាទរចំពោះការទទួល សមាជិកថ្មីរបស់ តូតា ពីសំណាក់អ្នកគាំទ្រ ក៏មានការលើកឡើងថាអាជីពសិល្បៈ របស់ តូតា អាចនឹងត្រូវបញ្ចប់នាពេលនេះ៕
