សង្គម
គ្រាន់តែទទួលតំណែងជានាយកគ្រប់គ្រងថ្មីជាផ្លូវការរបស់កម្មវិធីបវរកញ្ញាឯកដ៏អស្ចារ្យនៃកម្ពុជា (Miss Grand Cambodia) ក្នុងឆ្នាំ ២០២៣ ភ្លាមអ្នកស្រី អ៊ឹម សុគន្ធា បានលើកឡើងចំៗ បែបនេះធ្វើឱ្យអ្នកលេងបណ្តាញសង្គម ជាពិសេសអ្នកចូលចិត្តវិស័យបវរកញ្ញាមានការរីករាយជាខ្លាំង ។
កាលពីថ្ងៃទី ១៨ ខែធ្នូ ឆ្នាំ ២០២២ ម្សិលមិញនេះមានការ ប្រកាសជាផ្លូវការចេញពីហ្វេសប៊ុក ផេករបស់ « Miss Grand Cambodia Official» បានឱ្យដឹងថា អ្នកស្រី អ៊ឹម សុគន្ធា ដែលជា អតីត ម៉ូដែលនិងតារាសម្ដែង ហើយបច្ចុប្បន្ន ជា អគ្គនាយិការក្រុមហ៊ុន HK7 Beauty Care នឹងត្រូវក្លាយជានាយកគ្រប់គ្រងថ្មីរបស់កម្មវិធីកញ្ញាឯកដ៏អស្ចារ្យនៃកម្ពុជា (Miss Grand Cambodia) ក្នុងឆ្នាំ ២០២៣ ខាងមុខនេះក្រោយម្ចាស់ផលិតកម្មលោក អ៊ិន សុភិន បានលា ឈប។
គ្រាន់តែបានទទួលការប្រកាសជាផ្លូវការភ្លាម អ្នកស្រី អ៊ឹម សុគន្ធា បានលើកឡើងដោយក្តី រំភើប ជាសាធារណៈបែបនេះ ថា«នាងខ្ញុំពិតជាមានកិត្តិយស និងមោទកភាពបំផុត ដែលបាន នាំ មកជូននូវកម្មវិធីប្រកួតកញ្ញាឯកដ៏អស្ចារ្យនៃកម្ពុជាឆ្នាំ២០២២នាងខ្ញុំពិតជាមានសេចក្ដី រំភើបក្រៃលែងឥតឧបមានាងខ្ញុំនឹងប្ដេជ្ញាចិត្តសម្រាប់កម្មវិធីកញ្ញាឯកដ៏អស្ចារ្យនៃកម្ពុជានឹងប្រព្រឹត្តទៅប្រកបដោយភាពថ្លៃថ្នូរ កិត្តិយស សិល្បៈ វប្បធម៌ ។
ជាពិសេសនាំយកទំនៀមទម្លាប់ដ៏ ស្រស់ផូរផង់របស់ប្រទេសកម្ពុជាទៅកាន់ពិភពលោកភាព។នាងខ្ញុំជាថ្នាក់ដឹកនាំម្នាក់ព្យាយាម កែប្រែរាល់ចន្លោះខ្វះខាតឱ្យអស់លទ្ធភាពហើយយល់ស្របតាមមតិអ្នកគាំទ្រជាផ្នែកមួយដ៏សំខាននៃកម្មវិធីផងដែរ»។
ជាមួយនឹងការលើកឡើងយ៉ាងជឿជាក់របស់អ្នកស្រី អ៊ឹម សុគន្ធា បានធ្វើឱ្យមជ្ឈដ្ឋានទាំងក្នុង និងក្រៅសិល្បៈមានការគាំទ្រជាខ្លាំង ហើយម្នាក់ៗបានជូនពរដល់អ្នកស្រីឱ្យកាន់តែទទួលបាន ភាពជោគជ័យសម្រាប់តំណែងថ្មី មួយនេះនឹងរំពឹងវិស័យបវរកញ្ញានៅកម្ពុជានឹងកាន់តែមាន ភាពខ្លាំងថែមទៀត ។ គួរឱ្យកត់សម្គាល់ថាអ្នកស្រី អ៊ឹម សុគន្ធា ក៏ធ្លាប់ជាតារាម៉ូដែល និងតារា សម្តែងដែលមានប្រជាប្រិយភាពម្នាក់ដែរនាពេលកន្លងមក ៕
