សង្គម
ធ្មេចបើកៗតារាសម្តែងរូបស្រស់ ឌួង លីនដា សម្រាលបានកូនស្រីដែលមានវ័យប្រមាណជា បួនខែទៅហើយ ។ ជារឿយៗតារាសម្តែងរូបនេះតែងបង្ហាញពីភាពផ្អែមល្ហែមនៅក្នុងជីវិតគូ របស់ខ្លួនក្រោយមានកូនស្រីជាចំណងដៃ ។
ក្រោយរៀបការអំឡុងឆ្នាំ ២០២១ តារាសម្តែង ឌួង លីនដា មិនសូវខ្វាយខ្វល់ជាមួយនឹងការ ងារសិល្បៈដូចមុនទេ ភាគច្រើននាងងាកមកពង្រឹងការងាររកស៊ីវិញម្តង ។ ពេលនេះ ឌួង លីនដា ក៏កាន់តែរវល់ក្រោយនាងមានកូន តែយ៉ាងណាតារាស្រីរូបនេះបានបង្ហាញនូវក្តីសុខ ពេញទីនៅក្នុងគ្រួសារតូចរបស់នាង។
យ៉ាងណាមិញកូនតូចក៏ពិតមែន តែ ឌួង លីនដា និង ស្វាមី បានចំណាយពេលដើរកម្សាន្តរួមគ្នានៅអំឡុងជិតដាច់ឆ្នាំនេះមើលទៅពិតជាពោរពេញ ទៅដោយភាពកក់ក្តៅជាខ្លាំង ។
ឌួង លីនដា ក៏ជាតារាសម្តែងដែលមានសម្រស់ស្រស់ឆើតឆាយហើយការតែងខ្លួនទៀតសោត ក៏ហាយសូរមិនធម្មតាដែរ ប៉ុន្តែជារឿយៗ ស្រីស្អាតរូបនេះកម្រមានឱកាសបានសម្តែងជាតួ ឯកណាស់ភាគច្រើន នាងសម្តែងជាតួកាច។ រឿងដែលទទួលបានការគាំទ្រខ្លាំងពីសំណាក់ មហាជនគឺរឿង«រាជនីភូមិគ្រឹះ»នាងសម្តែងជាតួក្មួយស្រីរបស់ សូដា នីតា ដែលមានចរិក ឆ្នាស់ឆ្នើម៕
