សិល្បៈ
គិតមកដល់ពេលនេះកូនស្រីរបស់តារាចម្រៀងរូបសង្ហាលោក ហ្សូណូ មានវ័យប្រមាណជា ១៣ ឆ្នាំ ហើយរូបសម្រស់ក៏ស្រស់ស្អាត ជាពិសេសទម្រង់មុខនិងសម្បុរស្រអែមស្រស់កាត់មក រកលោកទៀតផង ។
អ្វីដែលកត់សម្គាល់បើតាមការបង្ហើបរបស់អតីតពិធីការិនី ចាន់ សុផានី ជាម្តាយ ក៏បានឱ្យដឹងថាកូនស្រីម្នាក់នេះក៏មានទេពកោសល្យសិល្បៈជាពិសេសច្រៀងបាន ពីរោះទៀតផង។
គេចាំបានថាតារាចម្រៀងប្រចាំផលិតកម្មហង្សមាសលោក ហ្សូណូ បានភ្ជាប់ស្នេហ៍ជាមួយ អតីតពិធីការិនីបុស្តិលេខ៥ ចាន់ សុផានី កាលពីជាង ១០ឆ្នាំមុនដោយបន្សល់នូវចំណងដៃ កូនស្រីម្នាក់ដែលមានវ័យ ១៣ឆ្នាំ នឹងមានឈ្មោះថា ចាន់ មុន្នីផ្កា ។
មុន្នីផ្កា មានមុខមាត់ស្រស់ ស្អាតស្រដៀងលោក ហ្សូណូ ជាលោកឪពុក តែយ៉ាងណាគេមិនដឹងថាលោក ហ្សូណូ និង កូន ស្រីមានទំនាក់ទំនងជាមួយគ្នាឬយ៉ាងណាឡើយ ។ ព្រោះសូម្បីតែនាមត្រកូលកូនស្រីក៏អ្នក នាង ចាន់ សុផានី ដាក់ត្រកូលតាមខ្លួនដែរ ។
អ្វីដែលគួរឱ្យកត់សម្គាល់ ចាន់ មុន្នីផ្កា ក៏មានសមត្ថភាពសិល្បៈកាត់តាមលោកឪពុកដោយ នាងចេះច្រៀងយ៉ាងពីរោះ ។ ក្នុងនោះក៏មានការលើកឡើងថាប្រសិនថ្ងៃណាមួយកូនស្រីរបស់ លោក ហ្សូណូ អាចនឹងមកប្រឡងចម្រៀងនៅក្នុងកម្មវិធីលំដាប់ពិភពលោកដែលមានលោក ឪពុកជាគ្រូបង្វឹកមិនដឹងជាល្អបែបណាទេ ។
ណាមួយពេលនេះលោក ហ្សូណូ ក៏កំពុងតែឡើង កូដ ខណៈកូនក្រុមរបស់លោកកុមារា សារុំ បញ្ញាសក្តិ បានក្លាយជាម្ចាស់ពានក្រោយលោក ក្លាយជាគ្រូបង្វឹកលើកទីមួយនៅក្នុងកម្មវិធីThe Voice Kids Cambodia៕
