សិល្បៈ
មានការចាប់អារម្មណ៍ជាខ្លាំងខណៈថ្មីៗនេះតារាកំប្លែងវ័យក្មេង វ៉ាន់ នីឡា បានផ្តល់កម្លាំងចិត្តដល់ស្វាមីដែលស្តាប់ហើយពិតជាមានអត្ថន័យជាខ្លាំង ។ តែអ្វីដែលធ្វើឱ្យអ្នកលេងបណ្តាញសង្គមមានការសរសើរនោះគឺអាយុនៅវ័យក្មេងក្តី តែស្វាមី វ៉ាន់ នីឡា ចិត្តធ្ងន់មិនជះកំហឹងដាក់ភរិយាទោះមានរឿងមិន សប្បាយចិត្តខ្លះៗក្តី។
គេចាំបានថាក្រោយសម្រាលកូនភ្លាមៗ វ៉ាន់ នីឡា បានបង្ហាញថាខ្លួនកំពុងមាន ជំងឺធ្លាក់ទឹកចិត្ត តែមិនបានប៉ុន្មានផងតារាកំប្លែងវ័យក្មេងរូបនេះបានព្យាយាម ចាកចេញពីជំងឺមួយនេះក្រោយទទួលរងការលើកទឹកចិត្តពីសំណាក់ក្រុមគ្រួសារនិងស្វាមី។ ប៉ុន្តែមុននេះបន្តិច វ៉ាន់ នីឡា បានបង្ហោះសាររៀបរាប់លើកទឹកចិត្ត ស្វាមីរបស់ខ្លួនដែលស្តាប់ហើយពិតជាមានអត្ថន័យជ្រាលជ្រៅបំផុត ។
វ៉ាន់ នីឡានិយាយថា«កុំគិតច្រើនបងជិវិតយើងនៅមានពេលច្រើនទៀតដោយសារពួកយើងទើបតែចាប់ផ្ដើមវាយើងធ្វើបានប៉ុណ្ណឹងក៏ទុកថាល្អសម្រាប់យើងដែរប៉ុន្មានឆ្នាំមកនេះដោយសារពួកយើងរង់ចាំការសន្យានឹងក្ដីសង្ឃឹមដែលគេផ្ដល់អោយយើងទើបយើងបណ្តោយពេលវេលាចោលអត់ប្រយោជន៍!។
ពីមួយឆ្នាំទៅមួយឆ្នាំយើងទទួលបាននៅបទពិសោធន៍ច្រើនហើយវាក៏បង្រៀនយើងអោយរឹងមាំនឹងដឹងច្រើនជាងមុនថាកុំរស់នៅដោយសារការផ្ដល់សង្ឃឹមក្លែងក្លាយ…វាឈឺចាប់ជាងមុតកាំបិតបងជាប្ដីល្អណាស់ដែលពិបាកចិត្តយ៉ាងណាក៏មិនជះកំហឹងដាក់ប្រពន្ធរឺក៏អោយប្រពន្ធមកលំបាកជាមួយបងបើយើងនៅមានក្ដីស្រមៃយើងត្រូវតែរស់នៅដើម្បីបំពេញក្ដីស្រមៃយើងជិវិតជួបបញ្ហាច្រើនវានឹងបង្រៀនយើងអោយរឹងមាំច្រើន…បរាជ័យនឹងជោគជ័យគឺដើរទន្ទឹមគ្នាអោយតែយើងខំ1ថ្ងៃក៏អាចជោគជ័យបានគ្រប់បញ្ហាតែងតែមានដំណោះស្រាយជួប1រឿងដោះ1រឿងទើបយើងរឹងមាំនឹងក្លាហានក្នុងការដោះស្រាយបញ្ហាជិវិត»។
ការលើកទឹកចិត្តស្វាមីរបស់តារាកំប្លែងវ័យក្មេង វ៉ាន់ នីឡា បានធ្វើឱ្យអ្នកគាំទ្រ មានការពេញចិត្តគ្រប់គ្នាហើយក៏មានការសរសើរដល់ស្វាមី វ៉ាន់ នីឡា ដែល មានចិត្តធ្ងន់មិនយកកំហឹងមកជះលើភរិយាដែលកំពុងមានកូនតូចនៅសរសៃខ្ចី នៅឡើយ។ ពេលនេះដែរ វ៉ាន់ នីឡា ក៏បានវិលចូលប្រឡូកក្នុងសិល្បៈដោយ បានបង្ហាញវត្តមាននៅក្នុងការលេងកំប្លែងឡើងវិញក្រោយផ្អាកការសម្តែងមួយរយៈ។
គួរបញ្ជាក់ថា វ៉ាន់ នីឡា បានសម្រេចរៀបការទាំងវ័យក្មេងជាមួយស្វាមីជា អ្នកនៅក្រៅចង្កោមសិល្បៈកាលពីខែមីនា ឆ្នាំ ២០២២ កន្លងទៅហើយ ពេល នេះក៏ទទួលបានកូនស្រីដ៏ស្រស់ស្អាតមួយជាចំណងដៃដែលមានឈ្មោះថា មីរ៉ា ដែលមានវ័យប្រមាណជាបីខែ៕
